Levitikus 26:26 - Bible Ni Thothup

²⁶ Bay gu taleg e ggan nma yib ngomed, me par nri ta’reb e stof e ba t’uf rok ragag e ppin ni ngar lithed urngin e flowa ni bay rorad riy. Mra kuweged u pa’med nra be’ ma buchu’uw, ma nap’an ni gimed ra mu’ i kay ni gubin miki gimed be yim’ ko bilig.

Levitikus 26:26 Referans Kwoze

Mikah 6:14

Bay um abichgad, machane damur fosgad. Bay um pired niki gimed ba yam’ ko bilig. Gimed ra fek boch ban’en, ma dabi magach u pa’med. Demturug e tin gimed ra cha’riy, ma gu ra kirebnag u fithik’ e mael.

Isaiah 3:1

Chiney e Somol, ni SOMOL ni Gubin ma Rayag Rok, e nge fek rok yu Jerusalem nge yu Judah gubin ban’en nge urngin e pi’in nma pag e girdi’ e taga’ ngorad. Me chuweg garad nge ran rorad,

Ezekiel 5:16

Bay gu taleg e ggan rom nggu pagem ngamum’ ko mak’iy. Bay mu thamiy amthun e mak’iy ni bod rogon gan e gat’ing nib muth npag ngom ni ngamum’.

Psalms 105:16

I SOMOL e pi’ e uyongol nge yib ko nam rorad, me chuweg urngin e ggan rorad.

Haggai 1:6

Kam yunged e woldug ni grain nrib yo’or, machane wom’ngin ni kam t’ared e ri bochu’uw. Bay e ggan ni ngam ked, machane de gaman ni ngam fosgad ngay. Bay e wayin ni ngam unumed, machane de gaman ni ngam chinggad ngay. Bay e mad romed, machane de gaman ni nge magwal nagmed. Ma pi’in yad be maruwel e dab ra gaman gad u pulworad.

Ezekiel 14:13

ni ga’ar, “Fak e girdi’, fa’anra i denen reb e nam ni dabki yul’yul’ ngog, ma bay gu k’iyag pa’ag nggu gathay e gin ma yib e ggan riy ngorad. Mu gu pi’ e uyngol nge li’ e girdi’ nge gamanman ni ta’reb rogon.

Ezekiel 4:16

Miki ul ul ngay nge ga’ar, “Fak e girdi’, bay gu m’aynag e flowa nu Jerusalem. Girdi’ u rom e bay i ngochngochan’rad ni math liyab ni yad be machbeg oren e ggan ni ngar ked nge ran ni ngar unumed.

Isaiah 9:20

Girdi’ u ga’ngin yang u lan binaw e yad ma achbutheg e chu’uwi ggan ni yad be pir’eg, machane kiyad be par ni yad ba yam’ ko mak’iy. Mus ko bitir rorad ma yad be longuy!

Hosea 4:10

Bay mu ked e biromed e f’oth ko maligach, machane dabi m’ay e mak’iy romed. Bay um ted fan fapi got ko yong’ol, machane dabiyag e bbitir ngomed, ni bochan e ka mu pi’ed keru’med ngog ka mu leked boch e got.”

Ezekiel 4:10

Kemus ni meruk ounces ko flowa e yira pi’ ngom u reb e rran, ni ngam thap riy nga reb e rran.

Jeremiah 14:12

I mus ni yad ra pag e abich ma dab gu telig nga lamrad ni yad be wenig ngog ni nggu ayuwegrad; ma dab ra fel’gad u wun’ug, ni mus ni yad ra pi’ ngog e gamanman ni ka ni urfiy nge grain. Ma aram e bay gu li’rad ko mael nge uyongol nge liliy.”

Levitikus 26:27

“Ma nga tomuren e pin’ey ma fa’anra ki gimed be par ni gimed ba gelan’ ndab mu folgad rog,

2 Kings 6:25

Bochan e re m’ag mael nem me lich e ggan u lan fare binaw nu Samaria, ra ta’reb e llug ko dongki ma meruk i ragag yang e silber puluwon, ma ra ba ley e pawn e subuyas ni be tugul u mapan ma lal yang e silber puluwon.

Isaiah 5:10

Yuke grape ni be tugul u daken bang i binaw ni ragag e acres ga’ngin e kemus ni lal galon e wayin e rayag riy. Ma ragag e barril e awoch niyra yung ma ra k’uf ma kemus ni ta’reb e barril e grain.”

Ezekiel 4:17

Bayi m’ay e flowa nge ran rorad; miyad par ni kari math e liyab ngorad, ma bay ur m’aygad ngabang ni bochan e denen rorad.”

Isaiah 9:19

Bochan e damumuw rok SOMOL ni Gubin ma Rayag Rok, me mo’oruf daken e but’ ma girdi’ e mang ma’af ko nifiy; ndakuriy be’ ni yag ni ayweg walagen.