Levitikus 26:19 - Bible Ni Thothup

¹⁹ Bay gu t’ar fenmed gelan’ nge tolngan’; bayi par ndabki aw e n’uw, nge par e but’ romed nike mlik’ ma ke el ni bod e wasey.

Levitikus 26:19 Referans Kwoze

Deuteronomy 28:23

Bay dabki aw e n’uw, me par e but’ u tafenmed nike el ni bod e wasey.

1 Kings 17:1

Elijah ni fare profet ni be’ u Tishbe u lan yu Gilead e ga’ar ngak Ahab ni Pilung nu Israel, “U fithingan SOMOL ni fare Got nu Israel ni be par nib fos, ni gag e tapigpig rok, e nggog ngom ni bayi par ndakuriy e wa’angachal nge n’uw u lan l’agruw fa dalip e duw, nge mada’ ko ngiyal’ ni bay fin gog.”

Luke 4:25

Mu telmed ngog: riyul’ ni bo’or e ppin nu Israel nra pired nike yim’ figirngirad ko fa ngiyal’nem ni kabay Elijah riy, ni fa’ani par nde aw e n’uw ni dalip e duw nge baley, me yib e uyongol ni ba ga’ nga daken e nam ni ga’ngin.

Zefaniah 3:11

Gimed e girdi’ rog, re ngiyal’ i n’em e bayi dab kum tamra’gad ni um togopluwgad ngog. Bay gu chuweg e pi’in yad ba tolngan’ nge pi’in yab ba fenuwan’, ma gimed e dakriy e ngiyal’ ni gimed ra togopluw ngog u daken fare burey rog nib thothup.

Daniel 4:37

“I gag Nebukadnezzar e chiney e gu be pining e sorok ngak e en ni Pilung nu Tharmiy, ma gu be tay fan, ma gu be yog ni ir e ba gilbuguwan. Urngin ban’en nma rin’ e bmat’aw. Gubin ngiyal’ nib yal’uw e ngongol rok, mrayag rok ni nge sobut’nag e en nma ngongol u fithik’ e tolngan’ nge ufanthin.”

Ezekiel 30:6

I SOMOL e ga’ar, “I tabab u Migdol u lan e lel’och nge yan nge mada nga Aswan ko yimuch, e ni li’ gubin e pi’in yad gelngin yu Egypt riy u fithik’ e mael. Re raba’ i salthaw nma uf yu Egypt ngay e bay ni thangrad. I Gag SOMOL ni Th’abi Tolang e gu be non.

Jeremiah 13:9

“Irera’ rogon ni bay gu kirebnag e tolngan’ rok yu Judah nge tolngan’ rok yu Jerusalem nike pag rogon.

Isaiah 25:11

Bay ra k’iyaged pa’rad ni gowa ngar nonggad, machane Got e ra sobut’egrad, me ligil pa’rad nga’ar nike m’ay gelngin.

1 Samuel 4:11

Me fek e pi Filistine fare Kahol ko M’ag rok Got, ma fa gali pagel ni fak Eli, ni aram Hofni nge Finehas, e ku nli’row ngar m’ow.

Ezekiel 7:24

Bay gu fek e pi nam ni th’abi kireb e leam rorad e ngaray mu gu pagrad ngar feked tafenmed u pa’med. Pumo’on romed nib falu’ e bayi mul’anrad u nap’an ni bay gu pag fapi nam ngar ma’ niged fan e yungin gimed ma meybil riy.

Isaiah 26:5

I sobut’nag e pi’in nib tolangan’; ke buthug fare binaw nib gel gelngin ni ur pired riy, ma ke tharbeg e pi rungrung riy ke aw nga fithik’ e ab.

Isaiah 2:12

Rofen nem e SOMOL ni Gubin ma Rayag Rok e bayi sobut’nag e pi’in ba gel gelngirad, nge gubin e pi’in tolngan’ nge ufanthin.

1 Samuel 4:3

Ma fa’ani sul e tin ni magey e salthaw ko gin yad be par riy, me ga’ar e pi’in pi’lal nu Israel, “Gur mangfan nike pag SOMOL e pi Filistine kar gelgad ngodad e daba’? Ngdarod nga Shiloh ngad feked fare Kahol ko M’ag rok SOMOL nge un ngodad nge ayuwegdad u pa’ e pi to’ogor rodad.”

1 Kings 8:35

“Ra denen e girdi’ rom ni kar togopluwgad ngom ma ga tel e n’uw rorad ni aram e kam gechig nagrad, miyad kalngan’ ngar pi’ed keru’rad ko kireb miyad sap ko gin ni bay e re Tempel ney riy ngar meybilgad ngom u fithik’ e liyor,

Isaiah 28:1

Nam nu Israel e kan turguy e gechig ni nge aw ngak! Fla’ab rok e be chuw ni bod yu kiy i te’eliyaw ni floras ni bay u lolugen e pi’in yad be yog e thin riy ni karm’ad ko rrum. Lolugrad nib uf e ka ni floridanag ni bfel’ rogon, machane kar thiggad nga but’ ni kar balyanggad ko rrum.

Jeremiah 3:3

Arfan nike tal e n’uw ko nap’an e n’uw. Ka mu bod ya’an be’ nma chuway’ ngak ni damur tamra’.

Ezekiel 24:21

ni nggu pi’ e re thin ney ngomed yu Israel: Kam ufanthin gad nga feni gel fare Tempel. Gimed ba’adag ni ngu’um yaliyed ma gimed be sul ngay, machane SOMOL e bayi m’aynag fan. Ma pi a romed nib bitir ko tabnaw, ni pi’in ni kar magach gad u Jerusalem e bay ni thang e fan rorad u tan e mael.

Deuteronomy 11:17

Ma fa’ani gimed ra yodrom, mra damumuw SOMOL ngomed. Me taleg e n’uw nge mlik’ e but’ romed nge magawon rogon e woldug ni nge tugul. Ma aram e bay mm’ad u rom, ni yug aram rogon ni re nam nem nike pi’ ngomed e bfel’.

Ezekiel 33:28

Bay gu gagiyegnag e re nam ney nge par ni ba nam ni kann’ag, ma gelngin e nam rorad nri yad ba uf ngay e bayi m’ay. Pi burey nu Israel e bayi mak’ gerger ndariy be’ ni ku rayag ni nge milekag riy.