Levitikus 26:15 - Bible Ni Thothup

¹⁵ Fa’anra mu siyeged ni dab mu folgad ko motochiyel rog nge tin kug ta’chiylen ngam th’abed fare m’ag ni kug ngongliy u thildad,

Levitikus 26:15 Referans Kwoze

2 Kings 17:15

Miyad siyeg ni ngar folgad ko pi gafal rok, miyad pi’ keru’rad ko fare m’ag ni ngongliy SOMOL u thilrad e pi chitamangirad kakrom, miyad sabalbalyang ko pin’en ni be ginangrad riy. Mu ur tedfan e pi liyos nib m’ayfan ngki m’ayfarad, miyad un nga yalen e pi nam ni bay u to’obrad i yan, ni da ku ra folgad ko n’en ni yog SOMOL ngorad ni ngar folgad riy.

Deuteronomy 31:16

Me ga’ar SOMOL ngak Moses, “Dabki n’uw nap’an ma gam’, ma nga tomuren ni kamum’ e bay dabki yul’yul’ fapi girdi’ ngog miyad th’ab fare m’ag ni gu ngongliy u thilmad. Bay ra n’igedgag ngar tedfan yugu boch e got ko re nam ni ba’aram ni bay ranod ngay.

Ezekiel 16:59

I SOMOL ni Th’abi Tolang e be ga’ar, “Rogon e n’en ni bay gu rin’ ngom e ba m’ag nga rogon ni nge aw ngom, ni bochan e mu furuy e tin gu michmicheg mag th’ab fare m’ag.

Jeremiah 11:10

Ka ra sulod ko fapi denen ni i rin’ e pi chitamangirad, ni fa’anra siyeged ni ngar rin’ed e n’en ni gog; ngu’ur ted fan yug boch e got. Judah nge yu Israel e yow lag’ruw ni ka ra th’abew fare m’ag ni gu ngongliy u thilmad e pi chitamangirad.

Isaiah 24:5

Girdi’ e ka ra alit niged e fayleng ni bochan e yad be th’ab e motochiyel rok Got miyad be kirebnag fare m’ag ni ngongliy ni nge par ni manemus.

Numbers 15:31

ni bochan e ke pi’ keru’ ko n’en nike yog SOMOL ma ke th’ab ni leam rok. Ere ra yim’ ma ir e ke girengiy e yam’ nga daken.”

Hebrews 8:9

Gathi bayi bod rogon e bin ba’aram e m’ag ni gu ngongliy u thilig nge pi chitamangirad ko fa rofen ni gu kol pa’rad nggu pow’iyrad nga wuru’ e nam nu Egypt. Dar pired ni yad ba yul’yul’ ko fare m’ag ni gu pi’ ngorad, ma aram e da kug tiyan’ug ngorad.

1 Thessalonika 4:8

Ere cha’ nra n’ag e re machib ney e gathi ke n’ag e girdi’, ya ke n’ag Got ni ir e ma pi’ e Kan Nthothup rok ngomed.

Roma 8:7

Ere be’ e ra mang to’ogor rok Got ni fa’anra par laniyan’ ni tin nib kireb ni be yim’ ni bochan e ir e be gagiyegnag laniyan’ fa’anem; ya aram e der fol ko motochiyel rok Got, ma bin riyul’ riy e dabiyag rok ni nge fol riy.

Acts 13:41

‘Mu sapgad e pi tamoning! Mu ngatgad mi gimed yim’! Ya maruwel ni gu be ngongliy ko tiromed e rran e ban’en ni gathi bayi mich u wun’med, ni mus ni fa’anra weliy be’ fan ngomed!’ ”

Jeremiah 31:32

Dabi bod fare m’ag ni gu ngongliy u thilmad pi chitamangirad ko fa ngiyal’nem ni gu kol pa’rad nggu fekrad nga wuru’ yu Egypt. Ni yug aram rogon ni bod ni gag figirngirad, ma dar ted fare m’ag u gil’.

Jeremiah 6:19

Fayleng, mmotoyil! Ku gu fek e mogothgoth i yib ngak e pi girdi’ ney, ni mogothgoth ni bay rogon ni ngan pi’ ngorad; ya dar folgad ko thin rog, ma ka ra pi’ed keru’rad ko tin ni ug machibnag ngorad.

Proverbs 5:12

ma bay mu ga’ar, “Mang ni da’ug fol? Mangfan ni dagpag be’ nge yal’uwegneg?

Proverbs 1:30

Gimed be par ndabumed ni nggu fonow nagmed ara mu telmed ngog ko ngiyal’ ni gu be yal’uwegmed.

Proverbs 1:7

Ra nge tamilangan’um, ma som’on e thangri yib madgun SOMOL u lanin’um. Girdi’ ni balyang e dariy fan e gonop u wun’rad, ma daburad ni ngar folgad ko fonow.

Psalms 50:17

Ka mu siyeged e fonow rog; ka mu n’iged e tin kug ta’chiylen.

2 Kronicles 36:16

Machane ur moning niged e pi tamol’og rok Got, ngu’ur feked yathin e pi thin rok ma yad be minmin ko pi profet rok, me munmun ma kari gel e damumuw rok SOMOL ko girdi’ rok ni dakiyag nrathaygad ko damumuw rok.

Levitikus 26:43

Machane som’on e fare but’ e nge chuweg e girdi’ u daken, ya nge yag ni felan’ nge toffan ni bfel’ rogon, ma thingar ranod u fithik’ e gechig nge mus rogon, ni fan e kar pi’ed keru’rad ko motochiyel rog nge tin gog ni ngan rin’.

Exodus 24:7

Me fek fare ke babyor ni babyoren fare m’ag u thilin Got nge piyu Israel nge be’eg ngak piyu Israel ni ba ga’ laman, me ga’ar piyu Israel, “Bay gu rin’ed urngin e tin keyog SOMOL ni nggu rin’ed; bay gu folgad rok.”

Exodus 19:5

Fa’an gimed ra fol rog ngam ayuweged fare m’ag rog, ma gimed ra par ni kam manged girdi’ rog. Fayleng ni polo’ e bmilfan ngog, machane bay mpired ni gimed e girdi’ ni kug mel’egmed ni ngam manged girdi’eg,

Genesis 17:14

Ma re pumo’on ndawor ni maad’ad ngak e ngan chuweg u fithik’ girdi’en e nam rok, ni bochan e m’ag u thildad nde tay nga tagil’.”

Levitikus 26:9

Bay gu fal’eg wa’athmed nge yib fakmed nib yo’or; bay gu tay u gil tin gog ni gu ra rin’ ngomed ko fare m’ag ni gu ngongliy u thildad.

Levitikus 26:11

Bay gu par u fithik’med u lan e Tent rog nib thothup, ma dariy bingyal’ ni gu ra pi’ keru’ug ngomed.

1 Samuel 12:15

Machane fa’anra dab mu telmed ngak SOMOL mi gimed par ndab mu folgad ko tin keyog, mra togopluw ngomed nge pilung romed.

Malaki 2:2

Thingar mu liyor gad ngog ko ngongol romed. Fa’anra dab motoyilgad ko n’en ni gu be yog, ma aram e bay gu bucheg wa’athmed. Bay gu gagiyegnag nge dabki fel’ rogomed ko pin’en ni bfel’ ni be yag ngomed. Kug mu’ i gagiyegnag ni nge kireb, ya damur ted ngan’med e tin kugog ni ngam rin’ed.