Levitikus 25:8 - Bible Ni Thothup

⁸ Mu the’eged medlip yay e medlip e duw, ma urngin u gubin e aningeg i ragag nge mereb e duw.

Levitikus 25:8 Referans Kwoze

Levitikus 23:15

Mu the’eged medlip e wik ko rofen ni yib nga tomuren e Sabbath ni aram e rofen ni ngam feked fare thum i grain romed i yib ngam pied ngak SOMOL.

Genesis 2:2

Ma chirofen ni gamen e medlip e rran ngay e mu’ Got ko tin i ngongliy, ma aram e chirofen ni tal ko maruwel.

Levitikus 25:7

nge pi gamanman ni gimed ma chugliy, nge pi gamanman ni malboch u daken e yungi flang. Gubin ban’en nra pi’ e but’ ko ngiyal’nem ma yira kay.

Levitikus 25:9

Ma bin ragag e rran ko bin medlip e pul e Yaran e Bayul, ma ga l’oeg be’ nge thoy e rappa u lan e binaw ni ga’ngin.

Daniel 9:24

“Medlip yay e medlip i ragag e duw n’umngin nap’an nike duwgiliy Got ni nge taw ngay me tal e girdi’ ko nam rom nge girdi’ ko fare binaw rom nib thothup ndab kur rin’ed e kireb ma dab kur ngongliyed e denen. Me n’ag Got fan e denen me pi’ e tin nib yal’uw ni bayi par ni dariy n’umngin nap’an, ya tin mu guy ko fa ngiyal’ nni piliyeg e changar rom nge fare yi’iy e nge yib i m’ug nib riyul’ min pi’ fare Tempel nib thothup nga pa’ SOMOL.

Numbers 36:4

U lan fare Duwan e Felfelan’, e aram urngin e binaw ni kan pi’ ni chuway’ e nge sul ko pi’in nri taferad, ma binaw rok fapi ppin ni pifak Zelofehad e ra par nike mang bang i tafen fapi ganong ni kar leg’ed mra thay u pa’ e birodad e ganong.”

Psalms 89:16

Polo’ e rran ni yad ba felfelan’ ni bocham ma yad be pining e sorok ngom nga fanam fel’.