Levitikus 25:34 - Bible Ni Thothup

³⁴ Ma fare gi binaw ni yima chugliy e saf riy nib liyeg e pi binaw ko pi Levite e dariy e n’en nra rin’ mi ni pi’ nchuway’; ya taferad ni dariy n’umngin nap’an.

Levitikus 25:34 Referans Kwoze

Levitikus 25:23

Binaw romed e ri dab ni pi’ nchuway’ ni dab kisul bi’id ko en tafen, ni bochan e de milfan ngomed; ya ba milfan ngak Got, ma gimed bod e milekag nike pagmed kam pired riy.

Levitikus 25:33

Fa’anra reb e girdi’ ko Levi e ke pi’ ba naun u lan reb e pi binaw ney nchuway’ ma da kun chuw’iy nge sul, ma thingar ni sulweg u lan fare Duwan e Felfelan’, ni bochan e naun rok e girdi’ ni Levi ni bay u lan e pi binaw nem ni aram taferad u fithik’ e girdi’ nu Israel.

2 Kronicles 31:19

Ma immoy e pi pumo’on u fithik’ e prist ni ur pired u lan e binaw nni pi’ ngak e pi’in owchen Aron nge yungi flang ni tagil’ e chugol gamanman ni ka yuyang ko pi binaw ney, pi pumo’on ney e yad ma fek e f’oth ni ggan ngu’ur pi’ed ngak gubin e pumo’on ni bay ko tabnaw ko prist nge ngak gubin e pi’in bay fithingrad u babyoren e yuke girdi’ ko genong ni Levi.

Ezekiel 48:13

Pi Levite e kuyad ra tafnay bang ni kub mal’eag, ni bay ko yimuch ko fa gin tafen e prist. Re gi binaw nem ko Levite e ragag e mayel ni yib ko ngek nge yan ko ngal, ma aningeg e mayel ni yib ko lel’och nge yan ko yimuch.

Ezekiel 48:14

Re gi binaw nni ognag ngak SOMOL e aram e gin th’abi fel u fithik’ gubin yang, ni dariy bang riy ni yira pi’ ni chuway’, fa ni thilyeg ngabang ara ni pi’ ni nge tafnay be’. Ya ba thothup nib milfan ngak SOMOL.