Levitikus 25:32 - Bible Ni Thothup

³² Ma girdi’en e ganong rok Levi e demturug e ngiyal’ ma bay mat’awrad ni ngar chuw’iyed e naun rorad nge sul ngorad u lan e pi binaw rorad.

Levitikus 25:32 Referans Kwoze

Levitikus 25:31

Ma pi naun ni bay u lan e binaw ndan yororiy e ta’reb rogon ko milay’; en nri tafen e bay mat’wun ni nge chuw’iy nge sul ngak bayay, ma ra taw ko Duwan e Felfelan’ ma yira sulweg fapi naun rok ngak.

Levitikus 25:33

Fa’anra reb e girdi’ ko Levi e ke pi’ ba naun u lan reb e pi binaw ney nchuway’ ma da kun chuw’iy nge sul, ma thingar ni sulweg u lan fare Duwan e Felfelan’, ni bochan e naun rok e girdi’ ni Levi ni bay u lan e pi binaw nem ni aram taferad u fithik’ e girdi’ nu Israel.

Ezekiel 48:14

Re gi binaw nni ognag ngak SOMOL e aram e gin th’abi fel u fithik’ gubin yang, ni dariy bang riy ni yira pi’ ni chuway’, fa ni thilyeg ngabang ara ni pi’ ni nge tafnay be’. Ya ba thothup nib milfan ngak SOMOL.

2 Kronicles 31:19

Ma immoy e pi pumo’on u fithik’ e prist ni ur pired u lan e binaw nni pi’ ngak e pi’in owchen Aron nge yungi flang ni tagil’ e chugol gamanman ni ka yuyang ko pi binaw ney, pi pumo’on ney e yad ma fek e f’oth ni ggan ngu’ur pi’ed ngak gubin e pumo’on ni bay ko tabnaw ko prist nge ngak gubin e pi’in bay fithingrad u babyoren e yuke girdi’ ko genong ni Levi.