Levitikus 25:25 - Bible Ni Thothup

²⁵ Fa’anra gafgow be’ nu Israel nike math e liyeb ngak me pi’ e binaw rok nchuway’, ma en nth’abi chugur ngak u pi girdi’en e ra chuw’iy fare gi binaw nge sulweg.

Levitikus 25:25 Referans Kwoze

Ruth 2:20

Me ga’ar Naomi ngak, “Mang e fal’eg SOMOL wa’athan Boaz! I SOMOL e ma tay u gil’ e tin ke micheg ngak e pi’in nib fos nge pi’in karm’ad.” Me ul ul ngay nge ga’ar, “Re mo’on nem e gadad girdi’ ni rib chugur, ir reb e pi girdi’ ni yalen ni nge ayuwegdow.”

Ruth 3:12

Rriyul’, ni gag e reb e girdi’ rom ni gub chugur ngom, nri yalen ni nggu ayuwegnem; machane ka ba’ reb e pumo’on ni kab m’on rog.

Ruth 3:9

Me ga’ar ngak, “Gur mini’?” Me ga’ar Ruth, “I gag Ruth, ni tapigpig rom. I gur reb e girdi’ rog ni ga ba chugur, ni yalen ni ngam ayuwegneg, siro’ ngom mu fekeg nggu mang le’engim.”

Revelation 5:9

Miyad yin’ ba tang nib be’ech ni ga’ar: “I gur e bay rogom ni ngam fek fare gi babyor ni kan bachiy ngam guchthuy fapi hang riy. Ya nli’em nga mum’, ma racha’em ni map’ u kuruth e ir e mu chuw’iy e girdi’ ngay ni ngar manged girdi’en Got, ni girdi’ u urngin e ganong, nge thin, nge gubin mit e girdi’, nge nam.

2 Korinth 8:9

Ya gimed manang rogon ni runguydad e Somol rodad i Jesus Kristus ni ba’aray rogon: aram rogon feni fla’ab, me pag ir nge gafgow ni fan ngomed, ni fan e nge yagnag e fla’ab ngomed u daken e gafgow nike tay.

Ruth 3:2

Mu tay ngan’um ni Boaz, ni um maruwelgad e tapigpig rok, e reb e girdi’ rodow. Mu telim ngog; nep’ ney e bayi gunugunuy e barley.

Levitikus 25:24

Yira pi’ e binaw nchuway’, ma en nri tafen e bay mat’wun nra chuw’iy ni nge sul ngak.

Levitikus 25:26

Ma fa’anra dakuriy girdi’en fare mo’on ni nge chuw’iy fare gi binaw nge sulweg, mra chey ni fel’ rogon bingyal’ nge gaman salpiyen me ir rok e nge chuw’iy.

Ruth 4:3

Me ga’ar ngak fa’anem ni ir e th’abi chugur ngak Elimelek u fithik’ e girdi’, “Chiney e ke sul Naomi u Moab ma ba’adag ni nge pi’ ni chuway’ fare gi binaw ni tafen Elimelek ni be’ rodow,

Levitikus 25:47

Ra chey ni bay be’ nu reb e nam nma par u fithik’med nike fel’ rogon ke yo’or bogi ban’en rok, ma bay be’ nu Israel nike gafgow me pi’ ir nchuway’ ngak facha’ ni nge mang sib rok, ara pi’ ir ngak reb i chon e tabinaw rok facha’ ni be’ nu reb e nam.

Levitikus 27:22

Fa’anra pi’ be’ bangi flang ni chuw’iy ngak SOMOL,