Biblia Todo Logo
Bib sou entènèt

- Piblisite -




Levitikus 25:23 - Bible Ni Thothup

23 Binaw romed e ri dab ni pi’ nchuway’ ni dab kisul bi’id ko en tafen, ni bochan e de milfan ngomed; ya ba milfan ngak Got, ma gimed bod e milekag nike pagmed kam pired riy.

Gade chapit la Kopi




Levitikus 25:23
22 Referans Kwoze  

Pi tafager rog, ri gu be wenig ngomed, ya gimed e milekag ni kambad ngaray nga fayleng! Dab mu paged gimed ngak e tin be yim’ e dowef romed ni bochan, ni gubin ngiyal’ ma be cham ngak lanin’med.


SOMOL, mu rung’ag e meybil rog, ma ga telim ko meyor rog; moy ngam ayuwegneg u nap’an ni gu ra yor. Bod urngin e pi chitamangig kakrom kemus ni gu ba milekag ni ku gub ngom bochingiyal’.


Re gi binaw nni ognag ngak SOMOL e aram e gin th’abi fel u fithik’ gubin yang, ni dariy bang riy ni yira pi’ ni chuway’, fa ni thilyeg ngabang ara ni pi’ ni nge tafnay be’. Ya ba thothup nib milfan ngak SOMOL.


Fayleng nge urngin ban’en ni bay riy e fen SOMOL, but’ nge urngin e girdi’ ni be par u daken e suwon.


SOMOL, ga manang ni gamad ma par ko biney e yafos ni bod e girdi’ nu boch e nam ara bogi milekag, bod rogon e pi chitamngimad kakrom. Pi rran romad e bod bangi taglul’ ni be m’ay, ma dabiyag ni gu milgad ko yam’.


“Gimed e pi nam, thingar mpininged e sorok ngak e tirok SOMOL e girdi’, ya SOMOL e ma gechignag urngin e pi’in ra thang e pogofan rorad; me fulweg ngak e pi to’ogor rok taban e kireb rorad, me chuweg e kireb ko nam ko girdi’ rok me machalbog nagrad.”


Fa’an gimed ra fol rog ngam ayuweged fare m’ag rog, ma gimed ra par ni kam manged girdi’ rog. Fayleng ni polo’ e bmilfan ngog, machane bay mpired ni gimed e girdi’ ni kug mel’egmed ni ngam manged girdi’eg,


Ma bay gu kunuy urngin e nam, nggu fekrad ko Loway ko Pufthin. Nu rom e bay gu pufthin nagrad riy ni bochan urngin e tin kar rin’ed ko girdi’ rog. Kar wereged piyu Israel u lan e pi nam i yan ma kar th’eth’abed kar f’oethed yu Israel, ni gag e nam rog.


Ma aram me dag SOMOL ni be leamnag e nam rok; ma be runguy e girdi’ rok.


Girdi’ nu Israel e dabra magach gad u lan fare nam rok SOMOL, machane bay rsulod nga Egypt ma bay ra ked e ggan nib togopluw ko motochiyel u lan yu Assyria.


SOMOL, ri gab gol ko nam rom. Ka mu fla’abnag yu Israel bayay.


ma aram e gu ra chuwegmed u lan fare nam ni ku gu pi’ ngomed, ma gu ra pag e re Tempel ney ni ku gu tay ni bangi ban’en nib thothup ni ir e ngu’un liyor ngog riy. Girdi’ u gubin yang e bay ra moning niged mu’ur dariyfan niged.


Ma ku aray rogon ni gimed ra tay e re duw nra gaman e wugem ngay, ni aram e ngam weliyed murung’agen mat’wun urngin e pi’in yad ma par u lan fare binaw. Re duw ney e aram e gubin yang e pi binaw ni kan pi’ nchuway’ e yira fulweg ngak e en tafen are pi’in ni owchen, ma en ni kan pi’ nchuway’ ni nge mang sib e yira fulweg nga tabnaw rok.


Bayi walguy daken yu Judah ni bod e lul’ ni bod tolngin lik’ipoy nike tharey urngin ban’en.” Got e bay rodad! Pon nike pithig e ke mang yoror ko nam.


I gag e gu bay u roy u fayleng ni boch ngiyal’; dab mmithag e pi motochiyel rom rog.


Me fulweg Naboth ni ga’ar, “Re gi woldug nem ni grape e gayog ni yag ngog rok e pi ga’ rog kakrom, ere SOMOL e dabi magan’ ngay ni nggu pi ngom.”


Me ga’ar Jakob, “Ke gaman e 130 e duw nap’an ni gu milekag ko biney e tamilang. De yo’or e duw ma de mom e tin ni yib ngog riy, de ta’reb rogon ko pi duw ni ba’aram ni i milekag e pichitamag ni kakrom riy.”


“I gag e gub milekag ni gu be par u fithik’med; mu pi’ed bang e binaw ngog nggu chuw’iy nge yag ni gu chubgiliy le’engig riy.”


Me gargeleg bochi pagel. Me ga’ar Moses u wan’, “I gag e gu ba milekag ni gu be par u ba nam ni gathi nam rog, me tunguy fithingan fachi pagel ni fak ni Gershom.”


Yira pi’ e binaw nchuway’, ma en nri tafen e bay mat’wun nra chuw’iy ni nge sul ngak.


Mu pageg nggu par rog nge yag ni yiggu felfelan’ bochu’uw u m’on ni nggum’ nggu chuw.


Swiv nou:

Piblisite


Piblisite