Levitikus 24:2 - Bible Ni Thothup

² ni nge yog ngak e girdi’ nu Israel ngar feked e tin nth’abi fel’ ko gapgep rorad ni olive ngan fanay ko fapi magal nu lan fare Tent, ya ngi i par ma be af e nifiy riy.

Levitikus 24:2 Referans Kwoze

2 Korinth 4:6

Fare Got ni ir e yog ni ga’ar, “Nge m’ug e tamilang u fithik’ e lumor!” e ku ireram e re Got ni ir e ke tamilangnag an’mad kug nanged e fla’ab rok ni be gal ram’en u owchen Kristus.

John 8:12

Me non Jesus bayay ngak e girdi’ ni ga’ar, “I gag e tamilang ko girdi’ nu fayleng. En nra i lekeg e ke yag e tamilang ko yafos ngak ma dabki yan u fithik’ e lumor bi’id.”

Acts 26:18

Me gur e ngam pithig owcherad ngam pingegrad ngar pi’ed keru’rad ko lumor miyad sap ko tamilang, ma ga pingegrad ngar pi’ed keru’rad nga gelngin Satan miyad pigicheal ngak Got, yu daken e michan’ rorad ngog e bayi n’ag Got fan e denen rorad riy me yag ngorad tagil’rad u fithik’ e pi’in ke mel’egrad Got ni ngar manged girdi’en.’

John 5:35

I John e immoy ni bod ba magal ni i mat ngi i gal ram’en, ma ba ngoch nap’an ni mpired nib m’agan’med nga ram’en.

John 1:9

Ni aram e bin riyul’ e tamilang, ni fare tamilang ni yib nga fayleng nge gal ram’en nga daken urngin e girdi’.

John 1:4

Re Thin nem e immoy e yafos u fithik’, ma re yafos nem e ir e fek e tamilang i yib ngak e girdi’.

Luke 12:35

“Mu fal’eged rogomed ngam pired ni fan ko mit i n’en ni bay yib, ni kam chichiiyed e luod romed nga lukngumed ma kam gal’ed e magal romed,

Luke 1:79

ni bayi gal ram’en u tharmiy nga daken urngin e pi’in yad be par ko tagalul’ nib lumor ni lumoren e yam’, me pow’iy rifrifen aydad iyan nga daken wo’en e gapas.”

Matthew 5:16

Ere ku er rogomed ni nge gal ra’emed u p’eowchen e girdi’, ya ngar guyed e tin ni bfel’ ni gimed be rin’ miyad yog e sorok ngak e Chitamangimed ni bay u tharmiy.

Matthew 4:16

Girdi’ ni yad be par u fithik’ e lumor bay ra guyed ba tamilang ni ba ga’! Nga daken e pi’in be par u fithik’ e lumor ko nam ni yam’, e ke puf e woch u ba tamilang nib ga!”

Isaiah 11:2

Fare kan nthothup rok SOMOL e bayi pi’ e gonop ngak, nge llowan’ nge salap ni nge maruwel ngay ngi i gagiyegnag e tirok e girdi’ ngay. Bayi nang e tin nib m’agan’ SOMOL ngay mi i par ni bay madgun u wan’,

Isaiah 8:20

Thingar mu fulweged ngorad ni nge lungumed, “Mu telmed ko machib rok SOMOL ngomed! Dab mu telmed ko thin ni be yog e pi sothiw — ya n’en ni yad ra weliy ngomed e dabi tay e gafgow u orel.”

Proverbs 6:23

Pi fonow rorow e ba magal ni be mat’; chep ni yow be tay ngom e rayag ni nge fil ngom rogon e par.

Psalms 119:130

Ra i tamilangan’uy ko machib rom ma ra pi’ e tamilang nge gonop ngak e pi’in ndawor ni sukul nagrad.

Psalms 119:105

Thin rom e ba magal ni be pow’iyeg, ma tamilang ko kanawo’ rog.

2 Kronicles 13:11

Gubin e kakadbul nge blayal’ ma yad ma pi’ ngak e incense nge gamanman ni maligach ni yibe urfiy nika yu reb. Ma yad be pi’ e maligach ni flowa u daken ba tebel ni kan tabgulnag, ma gubin e blayal’ ma yad ma gal’ e magal u daken e pi tagil’ e magal nib gol. Gamad ma rin’ e n’en keyog SOMOL, machane gimed e kam digeyed SOMOL.

Exodus 40:24

Me tay fare tagil’ e magal ngalan e Tent, u puluwon fare tebel nga baraba’ ko ba’ ni yimuch,

Exodus 39:37

nge fare tagil’ e magal nib gol, nge pi magal riy, nge gubin tatalin, nge gapgep ni fen fapi magal;

Levitikus 24:1

Me yog SOMOL ngak Moses

Levitikus 24:3

Gubin e blayal’ ni ngi i tay Aron e nifiy ko pi magal nem me par ni bay e nifiy riy nge mada’ ko kadbul, u rom u p’eowchen SOMOL u wuru’ fare gi kateng u mit fare Kahol ko M’ag, ni aram e Gin Th’abi Thothup. Re gam’ing n’ey e ngu’un rin’ i yan ngaram.