Levitikus 22:13 - Bible Ni Thothup

¹³ Ma fa’anra be’ ni bpin ni fak e prist nike yim’ figirngin ara ke chuw ko pumo’on rok ma dariy e bitir rok, ke sul ke yan i par nga tabnaw ko chitamngin nike mang reb i chonggin fare tabnaw e rayag ni kay boch fapi ggan ko chitamngin nib prist; kemus ni reb i chonggin e tabnaw rok fare prist e ra kay boch fare ggan.

Levitikus 22:13 Referans Kwoze

Levitikus 10:14

Machane gimed nge pifakmed ni pumo’on nge ppin e ngam ked u bang nib tabgul e ufin u ngorngoren ni aram fa gin nni ognag nge ay ni aram e girok e prist e f’oth. Pi maligach ney e kan pi’ ngomed nge pifakmed ni aram e giromed e f’oth ko fare maligach nma gapaseg thilin Got nge girdi’ nu Israel.

Genesis 38:11

Aram me ga’ar Judah ngak Tamar ni le’engin fak, “Mu sul nga tafen e chitmam ngam par ni gab muchugbil nge taw ko ngiyal’ nike ilal Shelah ni fakag.” Keyog ni ara’ rogon ni bochan e ke rusnag nri kun thang e fan rok Shelah, ni bod rogon fa gal pumo’on ni walagen, ma aram me sul Tamar nga tafen.

Exodus 29:33

Yad ra kay e pin’en nni pi’ ni bayul rorad ko ngiyal’ nni gapgep nagrad, ni yibe og nagrad ni aram e kar tabgulgad. Kemus ni prist e ra kay e pi ggan ney, ya ba tabgul.

Levitikus 22:10

“Kemus ni be’ nreb i girdi’en e tabnaw ko prist e ra kay boch fare maligach nib tabgul; ma dariy yug be’ nra kay boch — ku ra be’ nma par rok e prist ara ma maruwel rok e prist ma dabi kay.

Levitikus 22:12

Fa’anra be’ ni bpin ni fak re be prist ni figirngiy be’ ni gathi reb e prist, ma dabi kay boch fapi maligach nib tabgul.

Exodus 12:43

Me ga’ar SOMOL ngak Moses nge Aron, “Ireray e pi gafal ko Paluk’af: Pi’in gathiyad piyu Israel e dab ra uned i kay boch e ggan ko Paluk’af,

Deuteronomy 24:2

Ma fa’anra figirngiy fare pin reb e pumo’on,

1 Samuel 21:7

(Deog ni be’ u Edom ir e en nib ga’ ko tagafal gamanman rok Saul, ni immoy u rom e rofen n’em, ni bochan e thangri lebguy e maruwel rok u p’eowchan SOMOL.)

Ezra 2:63

Governor ko Jew e yog ngorad ndab ra ked e ggan ni kan pi’ ni maligach ngak Got nge mada’ ko ngiyal’ ni bay ba prist nrayag ni nge maruwel ko fare Urim nge Thummim.

Ezekiel 44:8

Ya gathi kuyad e yad be tay murung’agen e pi bangbangin e thothup u lan e Tempel rog, kemang girdi’ nu bang e kar ted be tay murung’agen.