Levitikus 21:15 - Bible Ni Thothup

¹⁵ Ya ra danga’ ma pifak ndabisiy ni ngar pired ni yad ba tabgul e yad ra ta’ay. I Gag SOMOL e kug fael nga bang ni nge mang fare Prist ni Th’abi Ga’.”

Levitikus 21:15 Referans Kwoze

1 Korinth 7:14

Ya fare mo’on nde mich Kristus u wan’ ni figirngin fare pin e ke yib rogorow Got ni bochan e kar ta’ab girdi’gow leengin, ma be’ ni bpin nde mich Kristus u wan’ ni leengin be’ nib mo’on nike mich Kristus u wan’ e ke yib rogorow Got ni bochan e kar ta’ab girdi’gow fare mo’on ni figirngin ni ir reb i girdi’en Kristus. Ya fa’anra dabi aray rogon, mra par fakrow ni bod pifak e pi’in ndar nanged Got; machane rogorad ni yad be par e chiney e bay rogorad Got.

Roma 11:16

Fa’anra ni pi’ e gin som’on u ba yal’ i flowa ngak Got, ma aram e fare yal’ i flowa ni polo’ e ke milfan ngak; ma fa’anra ni pi’ lik’ngin ba ke gek’iy ngak Got, ma ku errogon papa’ngin nike milfan ngak.

Malaki 2:15

Gathi Got e taymew ni kam ta’ab dowefgow ma ta’reb lanin’mew? Mangfan ni yodrom nag? Bochan e ngam diyen niged e bitir, ni bitir nriyul’ ni girdi’ rok Got. Ere mu ted u gil’ e n’en nim micheged ngak pi le’engimed ni dabi thil.

Malaki 2:11

Girdi’ nu Judah e kar th’abed e n’en nra micheged ngak Got kar ngongliyed ban’en nrib kireb u lan yu Jerusalem nge ga’ngin fare nam. Kar ta’ay niged fare Tempel nrib t’uf rok SOMOL. Pumo’on e kar le’engiyed e ppin ni yad ma meybil ngak yugu boch e got.

Ezra 9:2

Pi pumo’on ni Jew e yad be le’engiy e ppin nu boch e nam, ere girdi’ rok Got nib thothup e kar alit niged yad. Pi tayugang’ nge pi tolang e yad e tapi kenggin e re denen ney.

Levitikus 21:8

Girdi’ e thingar ted fare prist nib tabgul, ni bochane ma pi’ e maligach ni ggan ngog. I gag SOMOL; I Gag e gu ba thothup ma gu ma thothupnag e girdi’ rog.

Genesis 18:19

Kug mel’eg ni fan e nge ta’chiylen ngak pifak ni pumo’on nge pi’in owchen ni ngu’ur folgad ko tin kugog, ni aram e ngu’ur rin’ed e tin nib mat’aw nge tin nib yal’uw. Ma aram e ra gu rin’ ngak urngin e tin kugog ni bay gu rin’ ngak.”

Matthew 23:17

Gimed e malmit ni balyang! Bin ngan e ka ba ga’fan, fare gol fa fare Tempel ni ir e ke thothupnag fare gol?

Levitikus 21:14

ma gathi be’ ni bpin nike yim’ figirngin fa be’ ni bpin nike chuw ko pumo’on rok ara be’ ni bpin ni i pi’ ir ni chuway’. Thangri le’engiy be’ ni bpin ni dawri nang e pumo’on ni yow nga ta’ab ke girdi’.

Levitikus 21:16

Me yog SOMOL ngak Moses

Exodus 34:16

Ma richey me le’engiy pifakam e ppin u rom, ngar waliyedrad nge dab ku ra yul’yul’gad ngog miyad un i tayfan e pi got rorad.

Levitikus 19:2

ni nge ga’ar ngak e girdi’ nu Israel, “Ngam pired ni gimed ba thothup, ya Gag SOMOL ni Got romed e gu ba thothup.

Levitikus 20:7

Mu pi’ed gimed ngalan pa’ag mi gimed par ni gimed ba thothup ni bochan e Gag SOMOL e Got romed.

Levitikus 22:16

dab ra paged e yug girdi’ ndariy mat’awrad ni ngar uned i kay fapi ggan; ren’ey e ra girengiy e kireb nge gechig nga daken e cha’ nike kay boch fapi maligach. I Gag SOMOL, e ku gu thothupnag e pi maligach nem.”