Levitikus 2:12 - Bible Ni Thothup

¹² Tin ngan ognag ko tin som’on e grain ni ngan t’ar u reb e duw e ngan fek i yib ngak SOMOL, machane dab ni orfeg u daken e altar.

Levitikus 2:12 Referans Kwoze

Exodus 23:19

“Gubin e duw mu’um feked i yib nga naun rok SOMOL ni Got romed e tin som’on e grain romed ni ka mu t’ared. “Dab mu lithed ba fak e saf, fa ba fak e kaming u fithik’ i logowen thuthun e chitiningin.

Revelation 14:4

Yad fapi pumo’on nra ted yad ni yad bmachalbog ndar pired e ppin ma dar uned ko mabgol. Demturug e gin ni be yan fare Fak e Saf ngay ma yad be un ngak; ya kan biyuliyrad u fithik’ e tin ni kabay e girdi’ nu fayleng ma yad e tin som’on e girdi’ nni pi’rad ngak Got nge ngak fare Fak e Saf.

2 Kronicles 31:5

Yug nap’an ni yog fare pilung e ren’ey, me fek e girdi’ nu Israel e pi tow’ath rorad i yib ni tin th’abi fel’ e grain, nge wayin, nge gapgep ni olive, nge honey, nge ku boch ban’en ni wom’ngin e woldug, mu ku ra feked i yib ragag e pasent u gubin e tin ni bay rorad.

Deuteronomy 26:10

Ere chiney e kug fek i yib ngak SOMOL e tin som’on e ggan nike yib ko woldug rog ni ir e ke pi’ ngog.’ “Ma ga tay fare dug rom nga but’ u p’eowchen SOMOL ma ga paraw nga but’ u p’eowchen ngam pining e magaer ngak.

Numbers 15:20

Ma gimed ra lith e flowa ma bin nth’abi som’on e lof ni gimed ra lith ko grain nib be’ech e gimed ra pi’ ngak SOMOL nib f’oth nib mal’eag. Ren’ey e yira pi’ ngak ni bod rogon ni gimed ra pi’ fare f’oth nib mal’eag ngak ko grain ni gimed ma n’ag keru’.

Levitikus 7:13

Ma ku ra chagiy ko re maligach ney boch e flowa ni lof ni bay e is riy.

Exodus 22:29

“Mu pi’ed ngog e tin gimed ma ognag ngog nike taw nga nap’an ko grain romed, wayin, nge gapgep ni olive. “Mu pi’ed ngog e tin ba nganni’ u pifakmed ni pumo’on.

Genesis 23:17

Aram e n’en ni rin’ me tafnay Abraham e re gi binaw nem u Makpelah u lan e ngek u Memre ni immoy nib milsuwon ngak i Efron. Nib dachug e flang ngay, nge fare yiy ni bay riy, nge gubin e gak’iy ni bay u daken e gi flang n’em nge mada’ ko mathil ko re gi binaw n’em.

1 Korinth 15:20

Machane bin nib riyul’ e ka ni faseg Kristus ko yam’, ni aram e mich riy ni pi’in karm’ad e bay ku ni fasegrad ko yam’.

Exodus 34:22

“Thingar um madnomnag e Madnom ko T’ar Wom’ngin e Woldug ko ngiyal’ ni ga be tabab i t’ar wom’ngin e tin som’on ko woldug rom ni wheat, mu kum ayweg fare Madnom ko Nochi Na’un ko tungun e duw, u nap’an ni ga be t’ar wom’ngin e woldug rom.

Levitikus 23:17

Ra reb e tabinaw ma nge fek l’agruw e flowa i yib nge pi’ ngak SOMOL nib tow’ath nib mal’eag. Ra reb e flowa ma aningeg e pawn e flour nni fanay ngay, nni athkuy e is ngay, ma ngan pi’ ngak SOMOL ni ba maligach ko tin som’on e grain.

Numbers 18:12

“Go’ kug pi’ ngom urngin e tin th’abi fel ko gapgep ni olive, nge wayin, nge grain, nge tin som’on i wom’ngin e woldug ni pi’ yu Israel ngog.