Levitikus 19:4 - Bible Ni Thothup

⁴ “Dab mu pi’ed keru’med ngog ngam tedfan e pi liyos, ma dab mu ngongliyed e pi got ko wasey ngam ted farad. I Gag SOMOL ni Got romed.

Levitikus 19:4 Referans Kwoze

Levitikus 26:1

I SOMOL e ga’ar, “Dab mu ngongliyed e liyos ara mu n’ufed ya’an ban’en ngalang, ara mu n’ufed barba’ i malang ngalang, ara mu kired ya’an ban’en ko malang ngam tedfan. I gag SOMOL ni Got romed.

Exodus 34:17

“Dab mu ngongliy e pi got ni wasey ngu’um tay farad.

Exodus 20:23

Dab mu ngongliyed boch e got ni silber nge gol ni ngam puthuyed ngog ngu’um ted fan.

1 John 5:21

Pifakag, mpired u orel rok e tin nde riyul’ e got!

Deuteronomy 27:15

“‘Nge bucheg Got wa’athan e en nra ngongliy ya’an ban’en ko malang, ara gek’iy, ara wasey ngi i tayfan nib mith; ba fanenikan SOMOL ni yima tayfan yug boch e got.’ “Me fulweg e girdi’ ni gubin ni lungurad, ‘Amen!’

1 Korinth 10:14

Ere pi tafager rog ni gimed ba t’uf rog, mpired u orel ko tayfan nge meybil ni yibe tay ngak e liyos nma meybil boch e girdi’ ngay.

Psalms 96:5

Urngin fapi got rok boch e nam e kemus ni bogi liyos, machane SOMOL e ir e sunumeg lanelang ni ga’ngin.

Exodus 32:4

Me fek Aron fapi talbuch nge ranrannag ko nifiy, me pu’og ngalan ban’en, nge ngongliy ya’an ba fak e garbaw riy ni pumo’on. Me ga’ar e girdi’ nu Israel, “Yu Israel, irera’ e got rodad, ni ir e gafaliydad nga wuru’ yu Egypt.”

Haggai 2:18

Daba’ e rofen ni rliw’ nge aningeg ko pul ni mereb, ni aray e rofen ni kan mu’nag e def ko fare Tempel. Mu ted fanmedyan ko n’en ni nge buch e chiney i yan ngaram.

Levitikus 19:5

“Fa’an gimed ra li’ ba gamanman ni maligach nma gapaseg thilin Got nge girdi’, ma ngam rin’ed gafalngin ni kug pi’ ngomed, mra fel’ u wun’ug e maligach ni ngam pi’ed.

1 Kronicles 16:26

Pi got rok gubin e pi nam e kemus ni bogi liyos, machane SOMOL e ir e sunmiy e pi tharmiy.

Levitikus 11:44

I Gag SOMOL ni Got romed, ere thingar mu ted gimed ni gimed ba tabgul, ni bochan e gub thothup.

Levitikus 19:25

Ma bin lal e duw e rayag ni ngam ked wom’ngin. Fa’an gimed ra rin’ ni ara’ rogon, me yib wom’ngin ni pire’. I Gag e SOMOL ni Got romed.

Deuteronomy 4:16

ni dab mu denengad ngam ngongliyed ba liyos ni demturug e re ya’an ni mu ngongliyed riy ko ya’an be’ nib mo’on fa be’ ni bpin,

Deuteronomy 7:25

Mu urfiyed e pi liyos ni ya’an fapi kan rorad. Dab mu chogow niged e silber nge gol ni kan tay ko pi liyos nem, ma dab mu feked ni ngam faned, ya fa’an gimed ra rin’, ma ra yib riy’en ngomed. Ya SOMOL e dabun ni nge tay e girdi’ fan e liyos fa ra meybilgad ngay.

1 Kings 14:9

Pi denen ni kam rin’ e ba gel e kireb riy ko tin ni i rin’ e pi’in ni ur gagiyeggad ni yad m’on rom. Kam pi’ keru’um ngog ma kam k’aring e damumuw ngog ko pi liyos ni ga be ngongliy nge ya’an bogi ban’en nni ngongliy ko wasey ni yibe tayfan.

2 Kronicles 28:2

me folwok rok e pi pilung nu Israel. Me yog ngan ngongliy ya’an Baal ko wasey,