Levitikus 19:31 - Bible Ni Thothup

³¹ “Dab marod ngak e sothiw ni ngar pininged e thagith; ya fa’an gimed ra rin’ ma aram e kam ta’aygad nrogon ko motochiyel. I Gag fare SOMOL ni Got romed.

Levitikus 19:31 Referans Kwoze

Isaiah 8:19

Machane bayi yog e girdi’ ngomed ni ngam marod ngak e pi tamanbey nge pi sothiw nge tapong thagith ni yad ma sakathkath ma yad ma sononnon nga but’. Bayi lungurad, “Susun e nge de’eriy e girdi’ e pi kan nge pi thagith ko tin ngrogned ni fan ko girdi’.”

Levitikus 20:27

“Demturug e re mo’on ara re bpin nra ning e ayuw ngak e pi thagith ma yira malangnag nge yim’; aromed nra yodroy e ir tapgin e yam’ nra tay.”

2 Kronicles 33:6

Me pi’ pifak ni pumo’on ni bogi maligach ni mo’oruf u lan fare loway ni Hinnom. Mi i pig ma be fith laniyan’ e pi’in yad ma yog e n’en ni bayi buch rok e girdi’ nge pi’in yad ma pong thagith. I denen nib gel nib togopluw ngak SOMOL ngari k’aring e damumuw ngak.

1 Kronicles 10:13

Saul e yim’ ni bochan e de yul’yul’ ngak SOMOL. De fol ko tin ni yog SOMOL: I mang pi thagith e i fithrad u rogon ni nge rin’ ban’en

2 Kings 21:6

Me maligachnag be’ nib pagel ni fak nib maligach ni mo’oruf. Mi i un i yi’iynag e n’en ni bayi buch me un ko pig nge pi sathuw, tmanwol, nge pi tapong thagith. I denen nrib gel nib togopluw ngak SOMOL me pug e damumuw rok.

Revelation 21:8

Machane pi’in nra paged gag ni bochan e yad be rus, nge pi’in nda ur yul’yul’gad ngog, nge pi’in ur puwlaggad, nge pi’in nra thanged e pogofan, nge pi’in ni ur ngongliyed e ngongol ko darngal, nge pi’in ur piggad nge pi’in ni ur ted fan e liyos ma yad be meybil ngay, nge urngin e pi’in ur lifithed l’ugunrad e tagil’rad e fare lipath i nifiy ni be daramram ko sulfur, ni aram e bin l’agruw yay e yam’.”

1 Samuel 28:3

Re ngiyal’ i n’em e ke yim’ Samuel, ma urngin e girdi’ nu Israel nra mowaw niged nge mu’ miyad k’eyag u Ramah ni aram e binaw rok. Mi Saul e ke chuweg urngin e tamanbey nge sothiw u lan yu Israel.

Isaiah 47:13

Gab me’waer nike mayfan e fanow ni yag ngom. Mu pag e pi’in yad ma bon ko t’uf ngarbad ra aywegned gur picha’nem ni yad ma fil murung’agen e t’uf, ni pi’in ma fal’eg babyoren e mathil ko pi tharmiy ma urogned ngom u reb e pul ngu reb e n’en ni bayi buch rom.

Isaiah 29:4

Yu Jerusalem e bay i bod ba kan ni be athamgil ni nge non u tan e but’, ni ba lam ni de matabgol ni be yib u fithik’ e ab ngalang.

Exodus 22:18

“Mu thanged e pogofan rok ere pin ni tamapig.

Galatia 5:20

nge tayfan nge meybil ngak e liyos nma meybil boch e girdi’ ngay, nge pig; nge tathil ni be tay e girdi’, nge cham ni yad be tay, nge awan’, nge damumuw, nge athamgiliy ban’en ni fan e gur fa’anem e nganog e sorok ngom. Ma yad be wear ngar yuraba’gad ara ra yu’ulunggad;

2 Kings 17:17

U ra pi’ed pifakrad ni pumo’on nge ppin ni bogi maligach ni mo’oruf ngak e pi got rok e pi’in ndar nanged SOMOL; mu’ur fithed laniyan’ e pi sathuw nge pi’in yad ma yog e n’en nra buch nga m’on, mar pi’ed yad ni polo’ ko tin kireb ni yad be ngongliy u p’eowchen SOMOL, ma aram e ri yad be pug e damumuw rok.

Acts 8:11

Ke n’uw nap’an ni kar ngatgad ngak ko pig ni i tay, ni aram fan ni kar pired ni kar uthmed telrad ko tin be yog.

Levitikus 19:26

“Dab mu koyed e ufin ni bay e racha’ u fithik’. Dariy mmit e pig nge bey ni ngam uned ngay.

2 Kings 23:24

Bochan e ngan fol ko fapi motochiyel ni ka ni yoloy u lan fare ke babyor ni pir’eg Hilkiah ni prist nib th’abi tolang u lan e Tempel, me chuweg Josiah ni Pilung u lan yu Jerusalem ngu lan yu Judah urngin e girdi’ nma non e kan u dakenrad, nge pi’in yad ma yog ban’en ni kabay nga m’on ni bayi buch, nge pi thothupen e tabnaw, nge liyos ni yima meybil ngay, nge urngin ban’en ni yima tayfan yug boch e kan ngay.

Levitikus 19:3

Ra bigimed ma thangri tay fan e chitningin nge chitmangin, ma ngam ayuweged e madnom ko Sabbath, ni bod rogon ni kugog; ya Gag e SOMOL ni Got romed.