Levitikus 19:24 - Bible Ni Thothup

²⁴ Mu lan e bin aningeg e duw e ngam pi’ed ngog urngin wom’ngin e gek’iy ni yima kay, ni ngam daged ni gimed be pining e magaer ngog i Gag SOMOL.

Levitikus 19:24 Referans Kwoze

Proverbs 3:9

Tin be yib ko woldug rom e ngam fek e tin th’abi fel’ riy ngam pi’ ngak SOMOL, ni aram e ga be tay fan.

Deuteronomy 18:4

Ma yad e ngan pi’ ngorad e tin ba nga’an ko grain, wayin, nge gapgep ni olive, nge tin nsom’on u bunu’en e saf.

Levitikus 19:23

“Fa’an gimed ra yan ngalan e nam nu Kanaan ngam yunged urngin mit e gek’iy ni yima kay wom’ngin, ma ra k’uf ma ngam ted ni dalip e duw ni de be’ech wom’ngin nrogon ko motochiyel. Thingar dab mu ked wom’ngin e ngiyal’nem.

Levitikus 19:25

Ma bin lal e duw e rayag ni ngam ked wom’ngin. Fa’an gimed ra rin’ ni ara’ rogon, me yib wom’ngin ni pire’. I Gag e SOMOL ni Got romed.