Levitikus 19:19 - Bible Ni Thothup

¹⁹ “Um folgad ko tin kugog ni ngu’um rin’ed. Dab mu ted mmit e gamanman romed nga yugub mit ni ngar diyengow. Dab mu yunged l’agruw mit e awoch nga daken ta’reb e milay’. Dab mu yin’ed e mad nni ngongliy u l’agruw mit i ban’en.

Levitikus 19:19 Referans Kwoze

2 Samuel 13:29

Aram me rin’ fapi tapigpig e n’en nike yog Absalom ngar li’ed Amnon nge yim’. Ma urngin e tin ni kabay ko fapi pumo’on ni pifak David ni yigo’ ra afgad nga daken e mule rorad ngar milgad.

2 Samuel 18:9

Me gin Absalom ma kar mada’gad boch e salthaw rok David. Ma bay Absalom u daken ba gamanman ni mule, ma nap’an ni mil fare mule u tan ba ke gek’iy ni oak ni ba ga’ ken, me mit piyan lolugen Absalom nga fithik’ i papa’ngin. Me mil fare mule u tanggin nge yan me par Absalom nike tagafgaf.

1 Kings 1:33

me ga’ar ngorad, “Pi tolang ni yad be par u lan e yoror rog e ngam pininged yad ngar uned ngomed; me af Solomon ni fakag nga daken fare gamanman rog ni mule, mi gimed yan nga p’ening ko fare alublub nu Gihon,

Roma 11:6

I mel’egrad ni bochan e be runguyrad, ma gathi bochan e n’en ni kar ngongliyed. Ya fa’an mang e ma mel’eg Got e girdi’ ni bochan e n’en ni kar ngongliyed, me ere runguy rok e dabi aw nreb e runguy nib riyul’.

Genesis 36:24

I Zibeon e immoy l’agruw i pagel ni fak, ni Aiah nge Anah. (Anah e facha’ ni pir’eg bogi alublub nib gawel e ran riy u lan e ted u nap’an ni be chathowliy e dongki rok e chitamngin.)

Levitikus 18:4

Mu folgad ko pi motochiyel rog mi gimed rin’ e tin kugog ni ngam rin’ed. I gag e SOMOL ni Got romed.

Levitikus 19:37

Ngu’um folgad u urngin e pi motochiyel rog nge pin’en ni kugog ni ngu’um rin’ed. I Gag fare SOMOL.”

Levitikus 20:8

Kug mel’egmed ni ngam manged girdi’eg, ma gu be sap ngomed ni ngam ted e motochiyel rog u gil’.”

Levitikus 22:31

Me ga’ar SOMOL, “Mu folgad ko tin kugog ni ngan rin’; I Gag SOMOL.

Levitikus 25:18

Mu folgad u gubin e pi motochiyel rok SOMOL nge pin’en nike yog ni ngan rin’, ya nge yag ni mu pired ndariy ban’en nra buch romed u lan fare binaw.

Deuteronomy 4:1

Me ga’ar Moses ngak e girdi’ nu Israel, “Ngu’um folgad u urngin e pi motochiyel ni ba’aray ni nggu fil ngomed, ni ngu’um pired ni dabi buch ban’en romed, mi gimed par u lan fare nam ni SOMOL ni Got rok pi chitamangimed e bayi pi’ ngomed.

Deuteronomy 4:5

“Kug fil ngomed urngin fapi motochiyel nrogon ni yog SOMOL ni Got rog ngog ni nggu fil ngomed. Ngu’um folgad riy u lan e re nam ni ba’aram ni ngam koled ngam pired riy.

Luke 5:36

Miki yog Jesus e re fanathin ni ba’aray ngorad ni ga’ar, “Dariy be’ nra guchthuy bangi mad u ba mad nib be’ech ni nge thufeg nga ba mad nike kaday. Ya fa’anra rin’ ma aram e ke guchthuy fare mad nib be’ech, ma fa gi mad nib be’ech nike guchthuy e dabi m’ag ko fare mad nike kaday.