Levitikus 19:11 - Bible Ni Thothup

¹¹ “Dab mu moro’ro’gad ara mu ban niged be’, ara mu lifithed l’ugunmed.

Levitikus 19:11 Referans Kwoze

Exodus 20:15

“Dab mmoro’ro’.

Kolose 3:9

Dabi lifith bigimed l’ugun ngak bigimed, ya bin kakrom i gimed nge tin nike mecham ngay e kam n’iged,

Efesus 4:25

Ere dab ku un lifith l’uguney! Ra be’ ma thangri yog e tin nib riyul’ ngak walagen, ya gadad gubin ni go’ gadad yu yang u downgin Kristus.

Psalms 101:7

Dariy ba sasalap l’ugun nra par u naun rog; dariy be’ nma dake modingnag ir nra par u p’eowcheg.

Roma 3:4

Rib muduwgil ndanga’! I Got e dabisiy ni nge par nib yul’yul’, ni mus ni fa’anra yan i par ni urngin e girdi’ ma yad be lifith l’ugunrad. Ni bod rogon ni be ga’ar e babyor nib thothup: “Thangri yib i m’ug ni gab mat’aw ko ngiyal’ ni ga ra welthin; ma thingar mu gel ko ngiyal’ ni yira pufthinnigem riy.”

Deuteronomy 5:19

“‘Dab mmoro’ro’.

Revelation 21:8

Machane pi’in nra paged gag ni bochan e yad be rus, nge pi’in nda ur yul’yul’gad ngog, nge pi’in ur puwlaggad, nge pi’in nra thanged e pogofan, nge pi’in ni ur ngongliyed e ngongol ko darngal, nge pi’in ur piggad nge pi’in ni ur ted fan e liyos ma yad be meybil ngay, nge urngin e pi’in ur lifithed l’ugunrad e tagil’rad e fare lipath i nifiy ni be daramram ko sulfur, ni aram e bin l’agruw yay e yam’.”

1 Timothy 1:10

ma fan ngak e pi’in yad ma darngal, ma fan ngak e pumo’on nma darngalnag e pumo’on, nge pi’in yad ma iring e girdi’, ma fan ko pi’in yad ma lifith l’ugunrad ma yad ma pi’ e thin ni nge mang mich nde riyul’ ara rrin’ed ban’en nib togopluw ko bin nib riyul’ e machib.

Efesus 4:28

Cha’ ni be moro’ro’ e nge tal ko moro’ro’ nge tabab ko maruwel nge thognag e salpiy ni fan ko par rok, nge yag ni ayuweg e pi’in gafgow.

Jeremiah 6:13

Gubin e girdi’, ni pi’in fel’ rogon nge pi’in gafgow, ni yad ma guy rogon ni nge yag e salpiy ngorad u fithik’ e sasalap; mus ko profet nge prist ni yad ma bannag e girdi’.

Psalms 116:11

ni mus ko ngiyal’ ni gu rus me lungug, “Dariy be’ ni nge pagan’uy ngak.”

Exodus 22:7

“Fa’anra pining be’ e kefel’ ngay ni nge ayuweg e salpiy ara tin ba tolang puluwon ni fen be’, min iring e pin’ey u naun rok, ma fa’an yira pir’eg e en nike mororo’ ma nge fulweg labgen ni l’agruw yay.

Exodus 22:1

“Fa’anra iring be’ ba garbaw fa ba saf nge li’ ngem’ ara pi’ nchuway’, ma thangri fulweg labgen nra ta’reb e garbaw ma lal e garbaw, mra ta’reb e saf ma aningeg e saf ni nge tay nga luwan.

Exodus 20:17

“Dab mu chogownag e naun rok be’, ara le’engin’, ara sib rok, garbaw rok, dongki rok; ara ara tin bay rok.”

1 Kings 13:18

Ma aram me ga’ar fare profet ni pilbithir nu Bethel ngak, “Ma ku gag reb a profet ni bod gur, ma keyog SOMOL ngak ba engel ni nggu piningem ngam un nga tabnaw rog nggu nang salpem.” Machane fare profet ni pilbithir e be ban.

Exodus 20:16

“Dab mu t’ar e thin nga daken be’.

Exodus 23:1

“Dab mu weliyed i yan murung’agen ban’en nde riyul’, ma dab mu folgad ngak be’ nib kireb e rok ngam micheged ban’en nde riyul.

Levitikus 19:10

Ma dab kum sulod nga fithik’ e woldug romed ni grape ngam kunuyed wom’ngin nda ni guy ngan t’ar ara mfeked e tin ni mul nga but’; ya ngam paged nge kay e girdi’ ni gafgow nge girdi’ u bang ni be par u fithik’med, ya Gag e SOMOL ni Got romed.

2 Samuel 17:20

Me yib e pi tolang ko salthaw rok Absalom ngar fithed fare pin ni lungurad, “Bu uw Ahimaaz nge Jonathan?” Me ga’ar, “Kar th’abew e lul’ nga ba’nem.” Me gayrow fapi pumo’on ma dar pir’eged yow, ma aram miyad sul nga Jerusalem.

Proverbs 24:28

Dab mu micheg ban’en nib togopluw ngak be’ ni dariy tapgin, ara mog ban’en ni de riyul’ u murung’agen.