Levitikus 17:15 - Bible Ni Thothup

¹⁵ Ma demturug be’, nu Israel fa be’ nu bang nma par u fithik’rad, ni kay ufin ba gamanman ni yim’ ni rogon e yam’ fa li’ ba gamanman ni malboch, ma thingari luknag e mad rok, me maluk, me son nge mada ko blayal’ ma aram fini be’ech.

Levitikus 17:15 Referans Kwoze

Deuteronomy 14:21

“Demturug e mit i gamanman ni yigi yim’ rok ma dab mu ked. Rayag ni ngam pi’ed nge kay e girdi’ nu boch e nam ni yad be par u fithik’med, fa mu pi’ed nchuway’ ngak be’ nu reb e nam. Machane gimed e bmilfamed ngak SOMOL ni Got romed; gimed e girdi’ rok. Ma dab mu lithed ba fak e saf fa ba fak e kaming u fithik’ i logowen e thuth rok e chitinngin.

Levitikus 22:8

Dabi kay e ufin u ba gamanman ni yigi yim’ rok ara ke li’ e gamanman ni malboch; ya ra ta’ay facha’. I Gag SOMOL.

Exodus 22:31

“Gimed e tirog e girdi’, e thingar dab mu ked ufin ba gamanman nike li’ e gamanman ni malboch; mu pi’ed ko pilis.

Levitikus 11:25

ma en nra fek bang u downgin reb e pin’ey e thangri luknag e mad rok me par nib ta’ay nge mada’ ko blayal’.

Revelation 7:14

Mu gu fulweg ngak ni lungug, “Da gu nang, i gur e ga manang.” Me ga’ar ngog, “Pi cha’nem e fapi girdi’ ni kar thapgad ngaray u fithik’ fare gafgow ni ba ga’ ntay ngorad. Kar luk niged e mad rorad kar wechwech niged nga racha’en fare Fak e Saf.

Ezekiel 44:31

Prist e thangri dabi kay bmit e arche’ ara ba gamanman ni yim’ fa ba gamanman ni li’ reb e gamanman.”

Ezekiel 4:14

Machane mug ga’ar, “ SOMOL ni Th’abi Tolang, danga’! Dariy bangiyal’ ni kug alit nigeg. Ka nap’an e kugub bitir i yib ma dariy bangiyal’ ni kug way e ufin u ba gamanman ni yim’ ni bod rogon e gamanman nma yim’ fa li reb e gamanman ni malboch. Ma ku dawor gu way ba ggan nib alit.”

Levitikus 15:5

Ma en nra math ko chob rok

Numbers 19:21

Nge par nib motochiyel ni fanmed i yan ngaram. Cha’an nge atngiy e ran ni fan ko be’ech e thangri ki luknag e mad rok; ma demturug be’ nra math ko pi ran nem e ra par nib ta’ay nge blayal’.

Numbers 19:19

Ma rofen ni dalip fen nge rofen ni medlip fen ngay e cha’ ni kan machalbognag e nge atngiy e ran nga daken en nib ta’ay. Ma rofen ni medlip fen e nge machalbognag fa’anem, u tomuren nike luknag e mad rok ma ke pu’og e ran nga daken, mra be’ech fa’anem u nap’an ni nge aw e yal’.

Numbers 19:8

Ma re mo’on ni orfeg fare garbaw ni bpin e thangri ki maluknag e mad rok me pu’og e ran nga daken, machane ku ra par nib ta’ay nge mada ko blayal’.

Levitikus 15:21

Demturug be’ nra math ko chob rok ara ban’en niki i par fare bpin u daken ma thangri maluknag e mad rok miki maluk, me par nib ta’ay nge blayal’.

Levitikus 15:10

Ma ra math be’ nga ban’en niki i par fare mo’on nga daken ma ke ta’ay facha’ nge mada’ ko blayal’. Mra fek be’ ban’en niki i par fare mo’on nga daken, ma thangri maluknag e mad rok miki maluk, me par nib ta’ay nge mada’ ko blayal’.

Levitikus 7:24

Mam rok ba gamanman ni yim’ ara reb e gamanman ni malboch e li’ nge yim’ e yug rayag ni ngan fanay nga boch ban’en, machane ri dab ni kay ufin.

Levitikus 11:40

Ma fa’anra kay be’ bang ko fare gamanman, ma thangri luknag e mad rok, me ra par nib alit nge mada’ ko blayal’; en nra fek fare gamanman nike yim e thangri luknag e mad rok, me ra par nib ta’ay nge mada’ ko blayal’.

Exodus 22:30

Miki gimed pi’ ngog e tin ba pumo’on ma ba nganni’ u pifak e garbaw nge saf romed. Mu paged e bin nganni’ ni pumo’on nge par ko chitiningin ni medlip e rran, ma rofen nra gaman e meruk e rran ngay mi gimed pi’ ngog ni maligach.

Levitikus 11:24

Pin’ey e ra ta’ay nagmed; ni en nra math ngak reb nike yim’ e ra par nib alit nge mada’ ko blayal’,

Levitikus 11:27

Ma urngin e gamanman nma yan nma math ga’ngin yang i lan ay nga but’ ni mayan nga aningeg raba’ i ay ni bod e pilis nge gatuw, e ra ta’ay nagmed; ma en nra math nga downgin bagyad nike yim’ e ra par nib ta’ay nge mada’ ko blayal’,

Levitikus 11:28

ma cha’ ni fek e reb e pin’ey e thangri luknag e mad rok me par nib ta’ay nge mada’ ko blayal’; pin’em e ra ta’ay nagmed.

Levitikus 11:31

En nra math nga reb nike yim’ e ra par nib ta’ay nge mada’ ko blayal’.

Levitikus 11:32

Ma fa’anra mul reb nike yim’ nga daken demturug ban’en, ma fare n’en e ra ta’ay. Ndemturug ko bochyang i plang, fa mad, fa keru’ e gamanman, fa tutuw, ni demturug ko mang e yima fanay ngay, ma thingar ni chultheg fare n’en nga maran, machane ra par nib ta’ay nge mada’ ko blayal’.

Levitikus 11:39

Fa’anra yim’ reb e gamanman ni yima longuy, ma en nra math ngay e ra par nib ta’ay nge mada’ ko blayal’.