Levitikus 16:3 - Bible Ni Thothup

³ Ra fek ba garbaw ni pumo’on ni fan ko denen nge ba saf ni pumo’on ni fen e maligach ni mo’oruf, ma aram e fin rayag ni nge yan ngalan fa Gin Th’abi Thothup.”

Levitikus 16:3 Referans Kwoze

Levitikus 4:3

Fa’anra fare Prist ni Th’abi Ga’ e ke denen ni aram e ke girengiy e kireb nga daken e girdi’, ma thangri fek i yib ba fak e garbaw nib pumo’on ni dariy bochyang u downgin nib kireb ngan pi’ ni maligach ngak SOMOL, ni fan ko denen rok.

Hebrews 9:7

machane kemus ni Prist ni Th’abi Ga’ e be yan ngalan e bin tomur e senggil ko tent, nma rin’ ni aram rogon nra reb e duw ma ta’ab yay. Ma fek e racha’ nge yan i pi’ ngak Got ni fan ko denen rok nge fan ko denen nike ngongliy e girdi’ ndar nanged ni yad be denen.

Levitikus 8:18

Me migid me fek Moses i yib ba fak e saf ni pumo’on ni nge mang maligach ni mo’oruf, me tay Aron nge fapi pumo’on ni fak pa’rad nga daken lolgen fare saf.

Levitikus 1:10

Fa’anra nge pi’ facha’ reb e saf fa reb e kaming rok, ma dabisiy nib gamanman ni pumo’on ndariy bang u downgin nib kireb.

Hebrews 9:12

Fa’ani yan Kristus u lan fare tent nge yan i chuw ngalan fa Gin Th’abi Thothup nri ta’ab yay me mus, ma de fek racha’en e kaming nge racha’en pifak e garbaw i yan ni nge pi’ ni maligach ngak Got; machane racha’en e fek i yan nge biyuliy e denen rodad ni aram e ka ni fanay e binem e bayul ndariy n’umngin nap’an.

Levitikus 9:3

Ma gog ko girdi’ nu Israel, ngar feked ba kaming ni pumo’on i yib ni nge mang maligach ni fen e denen, nge ba fak e garbaw ni pumo’on nge ba fak e saf ni pumo’on ni ta’reb e duw rorow ma dariy bochiyang u dowrow nib kireb ni fen e maligach ni mo’oruf,

Levitikus 8:14

Ma aram me fek Moses fare fak e garbaw ni pumo’on nib maligach ni fan ko denen, me tay Aron nge fapi pumo’on ni fak pa’rad nga daken lolgen fare gamanman.

Levitikus 1:3

Fa’anra reb e garbaw rok e nge pi’ ni fare maligach ni mo’oruf, ma thangri fek i yib ba garbaw ni pumo’on ndariy bochyang u downgin nib kireb. Thangri pi’ ni maligach u langan e mab ko fare Tent u p’eowchen SOMOL, ya nge yag ni fel’ fa’anem u wan’ SOMOL.

Levitikus 4:1

I SOMOL ni motochiyel ngak Moses,

Levitikus 16:6

Som’on e nge pi’ Aron ba garbaw ni pumo’on nge mang maligach ni nge chuweg e denen rok nge denen ko girdi’ nu tabinaw rok.

Levitikus 9:2

Me ga’ar ngak Aron, “Mu fek ba fak e garbaw ni pumo’on nge ba fak e saf nib pumo’on ndariy bochiyang u dowrow nib kireb ngam pi’ row ngak SOMOL, ni fare fak e garbaw e fen maligach ko denen ma fare fak e saf e fen e maligach ni mo’oruf.