Levitikus 15:29 - Bible Ni Thothup

²⁹ Ma rofen nra gaman e meruk fen ngay e ra fek l’agruw i arche’ ni dove ara l’agruw i blogol i yan ngak fare prist nga langan e mab ko fare Tent u p’eowchen SOMOL.

Levitikus 15:29 Referans Kwoze

Levitikus 15:28

Machane nap’an nra tal racha’en fare pin, ma thangri son ni medlip e rran, ma aram e ke arow.

Levitikus 15:30

Me pi’ fare prist reb fa gali arche’ nib maligach ni fan ko denen, ma reb e ba maligach ni mo’oruf, aray rogon nra bangbengnag fare prist rogon fare pin ni nge arow.

Levitikus 9:1

Tomuren e rofen ni lebug fare mathiy ni bangbangen fapi prist ni yibe yiblayrad me pining Moses Aron nge fapi pumo’on ni fak nge pi’in ma yog e thin nu Israel.

Levitikus 12:6

Ma nap’an nra gaman nap’an ni arme ke arow fare pin, ni demturug ko ba pagel fak fa bpin, ma thingri fek ba fak e saf ni ta’reb e duw rok i yan ko prist nga langan e garog ko fare Tent u p’eowchen SOMOL ni ngan fanay ko maligach ni mo’oruf nge reb e bulogol ara ba dove ni maligach ko denen.

Levitikus 12:8

Fa’anra fare pin e dabyag ni pi’ puluwon reb e fak e saf, ma thangri fek i yib l’agruw i bulogol ara l’agruw e dove, ni reb riy e fen e maligach ni mo’oruf ma reb e maligach ko denen, ma fare prist e nge bangbengnag rogon ni nge arow fare pin, ma aram e ke be’ech.

Levitikus 15:14

Ma re rran nra gaman e meruk fen ngay e nge fek l’agruw e arche’ ni dove ara l’agruw e blogol nga langan fare Tent u p’eowchen SOMOL ni nge pi’ ngak fare prist.

Numbers 6:10

Ma rofen ni gaman e meruk fen ngay e ga ra fek l’agruw i arche’ ni dove nge l’agruw i bulogol i yib ngak fare prist ni bay u langan e mab ko fare Tent u p’eowchen SOMOL.

Matthew 21:12

Me yan Jesus ngalan e Tempel me tuluf urngin e pi’in yad be chuway’ ban’en nge pi’in yad be folchuway’ nga ban’en u lan e Tempel; me thikiy e tebel ko girdi’ ni be thiliyeg e salpiy, nge chiya rok e pi’in yad be chuway’ ko bulogol,