Levitikus 14:48 - Bible Ni Thothup

⁴⁸ Fa’anra yib fare prist ni nge guy fare naun bayay ma daki sum fare pthethaw bayay nga tomuren ni kan thilyeg e rungrung riy, ma aram e nge yog ni daki ta’ay fare naun, ya ke chuw fare pthethaw ni ga’ngin.

Levitikus 14:48 Referans Kwoze

1 Korinth 6:11

Bay boch i gimed ni immoy ni aram rogon. Machane ke n’ag Got fan e denen romed ke be’ech nagmed; ma ka ni pi’med ngak Got; ma ka ni mat’aw nagmed ngak Got u daken fithingan Somol Jesus Kristus ngu daken fare Kan Nthothup rok e Got rodad.

Luke 7:21

Ka re ngiyal’ i n’em me golnag Jesus bo’or e girdi’ ko m’ar nge liliy, me tuluf e mo’onyan’ rok bo’or i yad ngar golgad, ma bo’or e girdi’ nib malmit ni chuweg e malmit rorad.

Mark 5:34

Me ga’ar Jesus ngak, “Fakag, michan’ rom ngak Got e ke gol nigem. Mman nike pagan’um, ya kam gol ko m’ar rom.”

Mark 5:29

Me math ko mad rok Jesus, ma ka chingiyal’ nem me tal racha’en; me thamiy rok nike gol ko m’ar rok.

Hosea 6:1

Be ga’ar e girdi’, “Ngad sulod ngak SOMOL. Ke popofdad, machane ku bayi faseg e maad’ad rodad; ke maad’ad ngodad; machane bayi m’ag e mad ko yungi n’en nike maad’ad u dowdad.

BABYOR NI JOB 5:18

Got e ma m’ag e mad ko gin ni ir e ke maad’ad ngay; pa’ e ma amith nigey ngay, ma ku pa’ e ma gol nigey ngay.

Levitikus 14:3

ma fare prist e nge fek facha’ nga wuru’ e gin yibe par riy nge guy. Ma fa’anra ke fos fare m’ar,

Levitikus 14:43

Ma fa’an ku ra sum bayay fare pthethaw u lan fare naun nga tomuren ni kan chuweg fapi malang ma kan ker e thal ni langgin e rungrung u ba’an naun,

Levitikus 14:47

Ma demturug be’ nra mol nga but’, ara abich u lan fare naun ma thangri luknag e mad rok.

Levitikus 14:49

Me fek fare prist l’agruw i arche’, nge bang i ren ni cedar, nge ba gaf nib row, nge boch pa’ i gek’iy ni hyssop, ni nge be’echnag fare naun bayay.