Levitikus 14:43 - Bible Ni Thothup

⁴³ Ma fa’an ku ra sum bayay fare pthethaw u lan fare naun nga tomuren ni kan chuweg fapi malang ma kan ker e thal ni langgin e rungrung u ba’an naun,

Levitikus 14:43 Referans Kwoze

Jude 1:12

Yad bod yu yang i alit u fithik’med ko ngiyal’ ni kam ted bochi abich riy ni yad be abich ma yad be garbod ma yad be nonnon ni gathi yad be leamnag laniyan’ be’ ma darir tamra’gad ko ngongol ni yad be rin’; ma kemus ni go’ yad e yad be leam niged yad. Yad bod e manileng ni be fek e nifeng i yan ma der pi’ e n’uw. Ma yad bod e gek’iy nder yib wom’ngin ni mus ko ngiyal’ nma yib e galowog riy, ni gek’iy ni kan pug lik’ngin ngalang ke l’ud.

2 Peter 2:22

Ya n’en ni kar rin’ed e ke m’ug riy ni fare bugithin ni yima yog e ba riyul’ ni fa’ani ke lunguy, “Pilis e ma sul ko n’en nike sul u l’ugun nga but’,” ma, “Ba babiy ni kan luknag downgin ke be’ech e ma sul nge yan i pig u fithik’ e bar.”

2 Peter 2:20

Ya fa’anra chuw e girdi’ u fithik’ e tin nib kireb e ngongol u roy u fayleng ni ir e ma kireb nigey ni bochan e kar nanged e Somol rodad i Jesus Kristus ni ir e ma thapegdad ngak Got, miki kolrad e kireb bayay nge gel ngorad, ma aram e pi girdi’ nem e yad ra par nike gel boch e kireb rorad ko som’on.

Ezekiel 24:13

Jerusalem, ngonglem nib kireb e ke alit nigem ni yug aram rogon ni gu be guy rogon ni nggu machalbog nigem, maka ga be par ni gab alit. Dab kum machalbog bayay nge mda’ ko ngiyal ni kam thamiy ga’ngin gelngin e damumuw rog.

Levitikus 14:42

Ngemu’ min fek boch e malang ngan tay nga lon fatinef e malang ni kan chuweg, mu ku nin’ luwan e yungin ni kan ker u dow e rungrung u ba’an naun.

Levitikus 14:44

ma nge yan fare prist i guy fare naun. Ya fa’anra ke garar i yan fare pthethaw u lan fare naun ma aram e ke ta’ay fare naun.

Levitikus 14:48

Fa’anra yib fare prist ni nge guy fare naun bayay ma daki sum fare pthethaw bayay nga tomuren ni kan thilyeg e rungrung riy, ma aram e nge yog ni daki ta’ay fare naun, ya ke chuw fare pthethaw ni ga’ngin.