Levitikus 14:3 - Bible Ni Thothup

³ ma fare prist e nge fek facha’ nga wuru’ e gin yibe par riy nge guy. Ma fa’anra ke fos fare m’ar,

Levitikus 14:3 Referans Kwoze

Levitikus 13:46

Me par nib ta’ay u n’umngin nap’an ni bay fare m’ar rok, ma thingri par u wuru’ e gin ma par e girdi’ riy, nib orel rok e girdi’.

Luke 7:22

Me fulweg ngak fa gali cha’ ni l’oegrow John ngar bow ni ga’ar, “Mu sulow nga mognew ngak John e tin kam guyew nge tin kam rung’agew ni nge lungumew: pi’in malmit e kar guyed ban’en, ma pi’in mugutgut e kar uned ko yan, ma pi’in kar gafgowgad ko m’ar ni daraw e kan be’ech nagrad, ma pi’in biling e ke yag ni ngar rung’aged ban’en, ma pi’in karm’ad e kan fasegrad, ma fare Thin Ni Bfel’ e yibe machibnag ko pi’in gafgow.

Luke 4:27

Ma bo’or e daraw u lan e nam nu Israel e re ngiyal’in’em nnap’an Elijah ni profet; machane dariy ta’a bagayad nchuweg e daraw rok, ya kemus ni yigo’o Naaman ni be’ u Syria e nchuweg e daraw rok.”

Matthew 11:5

pi’in malmit e keyag ni ngar guyed ban’en, ma pi’in mugutgut e ke yag ni ngar uned ko yan, ma pi’in ndaraw e ka ra be’echgad, ma pi’in baling e kar rung’aged ban’en, ma pi’in karm’ad e kan fasegrad, ma fare Thin Ni Bfel’ e yibe machibnag ngak e pi’in gafgow.

Matthew 10:8

Mi gimed golnag e pi’in yad bm’ar, mi gimed faseg e yam’, mi gimed chuweg e daraw u downgin e pi’in yad ba daraw, mi gimed tuluf e mo’onyan’ ngar chuwgad ko pi’in ke ying e mo’onyan’ ngorad. Ke yag ngomed nda mpi’ed puluwon, ere mpi’ed ndab ni pi’ puluwon ngomed.

BABYOR NI JOB 5:18

Got e ma m’ag e mad ko gin ni ir e ke maad’ad ngay; pa’ e ma amith nigey ngay, ma ku pa’ e ma gol nigey ngay.

2 Kings 5:14

Me yan Naaman ko lul’ ni Jordan me lith ni medlip yay ni bod rogon ni yog Elisa ngak, me chuw e daraw rok nge par downgin ni gowa downgin bochi tir.

2 Kings 5:3

Me reb e rran me ga’ar e chi pin nem ngak fare pin ni masta rok, “Fa’an mang e ra yan e masta rog i guy fare profet nu Samaria ma ra chuweg e daraw rok.”

Exodus 15:26

Me ga’ar, “Fa’an ri gimed ra fol ko thin rog, I gag SOMOL ni Got romed, mi gimed rin’ e tin nib m’agan’ug ngay ni aram e tin nib mat’aw, mi gimed tiyan’med ko tin kugog ni ngam rin’ed, mi gimed tay nga tagil’ urngin e tin kugog ni ngam folgad riy, ma dab gu gechig nagmed nga reb fapi liliy ni gu pag nga daken piyu Egypt. I Gag fare SOMOL, ni gag e ggol nagmed.”

Levitikus 13:2

Fa’anra be’ nike malad bang u downgin fa ke for ba lot riy ara ke bogor bmit e m’ar u downgin, ma thingar ni fek i yan ngak reb fapi prist ni demturug ko Aron fa reb fapi prist ni fak.

Levitikus 14:48

Fa’anra yib fare prist ni nge guy fare naun bayay ma daki sum fare pthethaw bayay nga tomuren ni kan thilyeg e rungrung riy, ma aram e nge yog ni daki ta’ay fare naun, ya ke chuw fare pthethaw ni ga’ngin.