Me fek fare prist reb ko fapi fak e saf nge uneg baley e pint ko fare gapgep ni olive ngay nge pi’ nib maligach ni mthang malfith. Thingari pi’ e pin’ey ngak SOMOL nib tow’ath nib mal’eag.
Ma rofen ni meruk fen ngay e nge fek dalip i fak e saf ni l’agruw e pumo’on ma ta’reb e bpin ni ta’reb e duw rorad, ma dariy bochiyang u dowrad nib kireb, nge lal e pawn e flour ni kan athkuy e gapgep ni olive ngay, nge nap’an balay e pint e gapgep ni olive.
Machane fa’anra dabiyag puluwon ba saf ara ba kaming rok, ma thangri fek l’agruw e arche’ ni dove ara l’agruw i bulogol i yib ngak SOMOL ni puluwon e denen rok. Reb e nge mang maligach ko denen ma reb e nge mang maligach ni mo’oruf.