Levitikus 13:20 - Bible Ni Thothup

²⁰ Ma fare prist e nge guy fa’anem, ma fa’anra ke chur lanmit nga’ar ma ke thil ra’en e piy u lanmit ke wech, ma fare prist e nge yog ni fa’anem e ke ta’ay. Aram e ba m’ar ko dowef ni ubchiya’ ni sum u luwan fare lot.

Levitikus 13:20 Referans Kwoze

2 Peter 2:20

Ya fa’anra chuw e girdi’ u fithik’ e tin nib kireb e ngongol u roy u fayleng ni ir e ma kireb nigey ni bochan e kar nanged e Somol rodad i Jesus Kristus ni ir e ma thapegdad ngak Got, miki kolrad e kireb bayay nge gel ngorad, ma aram e pi girdi’ nem e yad ra par nike gel boch e kireb rorad ko som’on.

John 5:14

Ma fa’ani ta’aboch me pir’eg Jesus fare mo’on u lan e Tempel me ga’ar ngak, “Mu sap, chiney e kam gol ko liliy rom. Mpag e denen ni ga be rin’, ya ri yib ban’en ngom ni kab gel e gafgow riy.”

Matthew 12:45

Me sul nge yan i pining medlip e mo’onyan’ ni kab gel e kireb rorad ngak ngarbad ra pired ko fare naun. Ma aram me yan i par fa’anem ni kari gel e kireb u pangin ko som’on. Ireray e n’en ni bayi rin’ e pi’in nib kireb e bin daba’ e rran.”

Levitikus 13:3

Nge guy fare prist fare m’ar rok, ma fa’anra ke thil ra’en e piy u mit ke wech ma ke chur lanmit nga’ar, ma aram e m’ar ko dowef ni ubchiya’; ma fare prist e nge yog ni facha’ e ke ta’ay.

Levitikus 13:2

Fa’anra be’ nike malad bang u downgin fa ke for ba lot riy ara ke bogor bmit e m’ar u downgin, ma thingar ni fek i yan ngak reb fapi prist ni demturug ko Aron fa reb fapi prist ni fak.

Levitikus 13:19

me tomuren ma ke wech fa ba dake row i wech lanmit fa gin ni immoy e lot riy, ma aram e facha’ e nge yan i guy e prist.

Levitikus 13:21

Machane fa’anra guy e prist ma der thil ra’en e piy u lanmit nge wech ma de chur lanmit nga’ar, machane ke ol ra’en, ma fare prist e nge ki’eg fa’anem ko girdi’ nga orel ni medlip fen.