Levitikus 10:13 - Bible Ni Thothup

¹³ Thingar mu ked u bang nib tabgul; ya ireram e f’oth rom nge pifakam ni pumo’on ko fapi ggan nni pi’ ngak SOMOL. Ya irera’ rogon nike yog SOMOL ngog.

Levitikus 10:13 Referans Kwoze

Levitikus 6:16

Ma tin nra aw riy e nge kay Aron nge fapi pumo’on ni fak; thingar ni kay ni dariy e is riy u lan e gin nib thothup; u lan e yoror ko fare Tent u P’eowchen SOMOL.

Levitikus 2:3

Ma tin ke magey ko fapi grain e nge par rok fapi prist; pi ggan ney e rib tabgul ya kanfek ko fare ggan nni pi’ ngak SOMOL.

Numbers 18:10

Thingar mu koyed e pin’ey u bang nib tabgul, ni kemus ni go’ pumo’on e ra kay; ngu’um ted e pin’ey nib tabgul.

Levitikus 10:12

Me ga’ar Moses ngak Aron nge fa gali pumo’on ni fak ni kar magey gow, ni aram Eleazar nge Ithamar, “Mu feked fare maligach ni grain ni ke’aw ko fapi ggan ni kan pi’ ngak SOMOL ngam ngongliyed e flowa riy ndab ntay e is ngay ngam ked u to’oben fare altar, ya re maligach ney e rib tabgul.

Levitikus 10:14

Machane gimed nge pifakmed ni pumo’on nge ppin e ngam ked u bang nib tabgul e ufin u ngorngoren ni aram fa gin nni ognag nge ay ni aram e girok e prist e f’oth. Pi maligach ney e kan pi’ ngomed nge pifakmed ni aram e giromed e f’oth ko fare maligach nma gapaseg thilin Got nge girdi’ nu Israel.

Numbers 5:10

Ra reb e prist ma nge par rok e pi maligach ni kan pi’ ngak.

Ezekiel 42:13

Me ga’ar fare mo’on ngog, “L’agruw e gal naun ney nib tabgul. Mu langgin e gal naun ney e fapi prist ni yad ma yib nga p’eowchen SOMOL e yad ra kay fapi maligach nib tabgul riy. Ni bochan e ba tabgul fapi senggil, fapi prist e yad ra tay e tin th’abi tabgul e maligach u rom: maligach ni grain, nge maligach ni fan ko denen nge maligach ni mathang malfith.