Lamentations 5:21 - Bible Ni Thothup

²¹ SOMOL! Mu fulwegmad ngom, mfulwegmad! Mu sulweg nga gil’ e fla’ab romad ni kakrom.

Lamentations 5:21 Referans Kwoze

Psalms 80:3

A Got, mu fulwegmad! Mu dag e runguy rom ngomad, ya nge dabi buch ban’en romad!

Psalms 80:7

Got ni Gubin ma Rayag Rok, mu fulwegmad! Mu dag e runguy rom ngomad, ya nge dabi buch ban’en romad!

Psalms 85:4

A Got nta’ayuw romad, mu fulwegmad, ma dab ku mu dabuymad!

Jeremiah 31:18

“Ku gu rung’ag laman e girdi’ nu Israel ni be lungurad u fithik’ e kireban’, ‘SOMOL, ug moyed ni gamad bod ba gamanman ni dawor i mangmor, machane ka mu fil rogon ngomad ni nggu folgad. Mu fulwegmad; ku gu fal’egged rogomad ni nggu sulod ngom, I gur SOMOL, ni gur e Got romad.

Psalms 80:19

SOMOL ni Got ni Gubin ma Rayag Rok, mu fulwegmad. Mu dag e runguy rom ngomad, ya nge dabi buch ban’en romad.

Habakkuk 3:2

A SOMOL, kug rung’ag e n’en kam rin’, ma ke balyang an’ug ngay. Kkum rin’ bayay ko ngiyal’ney fapi maang’ang ni um rin’. Yugu ra kam damumuw, ma ngar mu runguymad.

Ezekiel 36:37

I SOMOL ni Th’abi Tolang e be ga’ar, “Bay gon’ daken. Bay gu gagiyegnag yu Israel ngar weniggad ngog ni nggu ayuwegrad. Bay gu gagiyeg nagrad ngar pire’ gad ni bod ba ran’ i saf.

Jeremiah 33:13

Lan e pi yochi binaw u fithik’ e burey, ngu enggin e burey, ngu lan yimuch u Judah, u lan tafen Benjamin, ngu lan e pi binaw nib liyeg yu Jerusalem, nge lan e yochi binaw u Judah, e bay ki the’eg e pi’in tagafaliy e gamanman e saf rorad riy bayay. I Gag SOMOL e kugog e pi thin ney.”

Jeremiah 33:10

I ga’ar SOMOL, “Be yog e girdi’ ni re binaw ney e ke bod bangi daken e ted, ndariy e girdi’ fa gamanman ni be par riy. Ba rriyul’ e n’en ni yad be yog; pi binaw nu Judah nge yu pa’ i kanawo’ u Jerusalem e dariy ban’en riy; ya dariy e girdi’ ara gamanman nma par u rom. Machane ku yuyangi n’ey e ga ra rung’ag bayay riy

Jeremiah 31:4

Bay gu fal’eg rogomed bayay. Ma aram e bay ku mu sulod bayay ngam feked e pi talin e musik romed ni tambourine ngu’um churu’gad ni ka mu felfelan’gad.

1 Kings 18:37

SOMOL, mfulweg taban e meybil rog, wenig ngom, mfulweg, ya nge nang e pi girdi’ ney ni gur SOMOL e gur e Got, ni gur e ngam fulwegrad ngom.”

Malaki 3:4

Ma pi maligach ni bayi pi’ e girdi’ nu Judah ngu Jerusalem ngak SOMOL e bayi fel’ u wan’, ni bod rogon ni ur rin’ed kakrom.

Isaiah 60:20

Pi rran ni i yib e gafgow ngom riy e bayi mus. I Gag SOMOL e bay gu mang tamilang ngom ni dariy n’umngin nap’an, Nib thil ko yal’ nge pul ni l’agruw ni bayi m’ay ram’en.

Jeremiah 30:20

Bay gu fulweg gelngin fare nam ni immoy kakrom mu kug duwgiliy gelngin bayay; Bay gu gechignag gubin e pi’in yad be gafgow nagrad.