Lamentations 5:18 - Bible Ni Thothup

¹⁸ ni bochan e burey ni Zion e kann’ag ke par ni go’ ir, pilis ni malboch e be gurul u fithik’ e tin ke mogothgoth.

Lamentations 5:18 Referans Kwoze

Mikah 3:12

Ere yu Zion e bay ni gi’ e but’ riy ni bod bangi ted ni yibe gi’ ni nga ni yung e woldug ngay ni bochan e kireb romed, ma yu Jerusalem e bayi par ni go’ ke puth e naun riy, ma gin nib tolang ni bay e Tempel riy e bayi par ni ba chuwo’ i gargaer.

Jeremiah 9:11

I SOMOL e be ga’ar, “Bay gu gagiyegnag yu Jerusalem nge par nike puth e naun riy, nge yan i par ni bangi ban’en nike tafnay e gamanman ni jackal; pi binaw nu Judah e bayi par nike bod e ted ni desert, ni dakriy be’ riy.”

Jeremiah 52:13

Me urfiy fare Tempel, nge tafen e pilung, nge pi naun rok urngin e pi tolang u Jerusalem;

Jeremiah 26:9

Mangfan ni kamog u fithingan SOMOL ni re Tempel ney e bayi bod yu Shiloh, ma bay ni kirebnag e re binaw ney, ma dakuriy be’ nra par u langgin?” Ma aram me liyegneg e girdi’.

Jeremiah 17:3

nge daken e pi burey ni gagang’ u lan e tafelfel’. Bay gu gagiyegnag e pi to’ogor romed ngar feked e fla’ab u pa’med nge machaf romed ni bochan gubin e denen ni ka mu rin’ed u daken tafenmed ni ga’ngin.

Nehemiah 4:3

Mi Tobiah ni ba Ammonite e ba sak’iy u to’oben me ga’ar, “Be mang mit i yoror e ngar ubunged? Ya mus nga ba gamanman ni fox nra aw ngay me puth!”

Psalms 63:10

Yira li’rad u fithik’ e mael, ma pi gamanman ni wolf e bay yib i longuy downgirad.

Daniel 9:17

Got, mu rung’ag e meybil rog nge wenig ni gu be tay ngom. Mu fulweg nga rogon e Tempel rom ni kan gothgothay; mu fulweg nga rogon ya nge nang urngin e girdi’ ni gur e Got.

2 Kings 25:9

Me urfiy e Tempel, nge tafen e pilung, nge naun rok urngin e pi tolang nu Jerusalem,

Isaiah 64:9

ere dab kum damumuw ngomad nge pag rogon, ara mu leamnag e denen romad ndariy n’umngin nap’an. Gamad e girdi’ rom; mu runguymad.

Jeremiah 9:10

Me gag Jeremiah e gu be ga’ar, “Bayi gafgowan’ug ko fapi burey, mu gu yornag e yungi tagil’ e abich ko gamanman; ya ke yim’ e pan riy, dakuriy be’ ni be milekag riy. Dakunir rung’ag laman e garbaw riy; arche’ nge gamanman ni malboch e kar milgad kar chuwgad riy.”

Jeremiah 44:2

I SOMOL ni Gubin ma Rayag Rok, ni fare Got nu Israel e ga’ar, “Gur ma ka mu guy fare riya’ ni gu fek nga daken yu Jerusalem nge gubin e pi binaw nu Judah. Kemus ko chiney ma kab mogothgoth ni dariy be’ nma par u langgin e pi binaw nem

Jeremiah 44:6

Aram mu gu pu’og e damumuw rog nib gel nga daken e yochi binaw nu Judah nge nga daken e yupa’ i kanawo u Jerusalem, mu gup’ e nifiy ngay. I par e pi binaw nem nge kanawo’ ni dakriy woton u but’ nike tamdag ya’an, aram rogon ke mada’ ko bin daba’ e rran.

Ezekiel 13:4

Girdi’ nu Israel, pi profet romed e be m’ayfarad ni bod e pilis ni malboch ni yad ma par ko yungi n’en ni kan n’ag u lan e binaw.