Lamentations 5:17 - Bible Ni Thothup

¹⁷ Kug m’ar gad nga lanin’mad nike mom’aw ni ngguyed ban’en u fithik’ i lu’mad,

Lamentations 5:17 Referans Kwoze

Isaiah 1:5

Mangfan ni kayugu mpired ni gimed be togopluw? Mogned, gimed ba’adag ni ngan gelnag e gechig ngomed? Israel, lolugmed e ke polo’ i maad’ad, ma lan gum’ircha’med nge lanin’med e ke m’ar.

Lamentations 2:11

Ke thow owcheg ko meyor; ni kari kireb lanin’ug. Kethay parwog ko meyor ni bochan e gafgow ko girdi’ rog. Bitir nge madway e yad be paraw nike ma’ gelingrad u lan e yupa’ i kanawo’ u lan fare binaw.

Psalms 6:7

Ka ri chugur ni nge dab kug guy ban’en; ya owcheg e kari thow ni bochan e meyor ni be k’aring e pi to’ogor rog ngog.

BABYOR NI JOB 17:7

Gafgowan’ rog e bayi ning owcheg; pa’ag nge eg e kema’ ngabang.

Isaiah 38:14

Lamag e achichig me me’waer, mu ug moen ni bod ba arache’ ni dove. Me magaf e tir u marwag ko changar ngalang. SOMOL, mu lageg u fithik’ gubin e tiney e gafgow.

Mikah 6:13

Ere chiney e kug tabab ni nggu gafgow nagmed mu gu thirifmed u but’, ni bochan e pi denen romed.

Ezekiel 21:15

Ma waliy e girdi’ rog nge mulan’rad miyad dol’. Bay gu k’aring e marus ko binaw rorad ko fare gi saydon ni be mat ra’en ni bod e uluch, nib fal’eg rogon ni nge cham.

Ezekiel 21:7

Nap’an ni yad ra fithem ko mangfan ni ga be gel’gel’, ma gog ngorad ni bochan e thin nib be’ech ni bayi taw. Nap’an nra taw, me suguy e marus lanin’rad, me ul pa’rad, ni mathliyab, me dada’ bugrad. Re ngiyal’ i n’em e ketaw ngay; ketaw ngaray e chiney.” I SOMOL ni Th’abi Tolang e be non.

Lamentations 1:22

“Mog e kireb ngorad ni bochan urngin e buchan’ rorad; Mu gechig nagrad ni bod nim gechig nageg ni fan ko denen rog. Gu be gel’gel’ u fithik’ e bilig t’ay e gafgow rog, ke gafgow lanin’ug.

Lamentations 1:13

“Ke pi’ ba nifiy u lang, nib nifiy ni be yik u fithk’ag. I ngongliy ba wup rog nge thikiyeg nga but’. Ma aram me pageg nge digeyeg u fithik’ e amith ni der tal.

Jeremiah 46:5

SOMOL e fithrad ni ga’ar, “Mang e gu be guy? Miyad sul nga tomur u fithik’ e marus. Pi salthaw rorad e yibe pi’ i yan nga tomur; nike li’rad e marus, yad be mil ni kari mus macharnginrad ni darir sapgad nga tomur.

Jeremiah 8:18

Gafgowan’ rog e dab kiyag i golnag; ku gu m’ar nga lanin’ug.

Psalms 69:3

Ke m’ay gelngig ma ke amith k’angag ko pong ni gu be tay ni man ayuw, ma ke amith lan owcheg i changarnag e ayuw rom.

Psalms 31:9

SOMOL, mu runguyeg, ya kug aw nga fithik’ e gafgow; ke thow owcheg ko meyor ni almarin; ma kari thay parwog.

Deuteronomy 28:65

Dariy bang ni gimed ra pir’eg e gapas riy, ma dariy bang ni gimed ra yog ntafenmed. Bayi pag SOMOL e magfan’ nge sugnag lanin’med, ma dakuriy ban’en nra l’aggan’med ngay, nike mul lanin’med ko urngin.

Levitikus 26:36

“Bay gu ta’med e pi’in gimed ba kalbus u reb e nam ni gimed mmarus ni mada’ nga lingan bagaf i yuwan e gek’iy nike thoy e nifeng migmed mil. Bay mmilgad ni gowa yibe tulufmed u fithik’ e mael ngu’um awgad nga but’ ndariy ba to’ogor u charmed.

Psalms 38:8

Ke aw parwog ku gu masengseng; ke kireb lanin’ug, ma gu be gel’gel’ ko amith.