Lamentations 5:13 - Bible Ni Thothup

¹³ Pagel ni fel’ yangren romad e yibe ma’angach ngorad ni ngu’ur bilged e grain ni bod e pi sib; yochi sarpagel e yad be dol’dol’ u tan e lud’ ni yad be fek nib tomal.

Lamentations 5:13 Referans Kwoze

Judges 16:21

Me yib piyu Filistia ra lufed lan mit nruw raba’. Miyad fek nga Gaza ngar m’aged e chen ngak nni ngongliy ko wasey ni bronze, miyad tay ngi i maruwel ngi i bilig e wheat u kalbus.

Matthew 23:4

Yad be ngongliy rogon bogi n’en nib tomal ngar m’aged nga daken keru’ e girdi’, machane dariy an’rad ni ngar mithmitheged ta’ab bugul i pa’rad ngar ayuweged yad i fek e pin’en nib tomal nem.

Isaiah 58:6

“Mit i pag abich ni gu ba’adag e ba’aray: Mu chuweged e chen ni gafgow ni gimed be tay ko girdi’, mu lufed e mat’ nib tomal ni ka mu ted nga porad ni er e ngongol nde yal’uw ni gimed be rin’ ngorad, mi gimed pag e girdi’ ni gimed be gafgow nagrad nga ranod nike puf rogorad.

Isaiah 47:2

Mu cheleg e malang nib tlulbuy! Ngam blig e wheat ngay! Mu luf e mad u owchem ma ga luf e mad u dakenam ni fafalel’! Mu ker e sikato rom ngalang ngam th’ab e pi lul’.

BABYOR NI JOB 31:10

me ere ngi i lith e bpin rog e ggan rok reb e pumo’on, mi i mol nga chob rok reb e pumo’on.

Exodus 23:5

Ma fa’anra kam guyed fare dongki rok fa’anem nike aw nga but’ u tan gilban nib tomal, mi gimed ayuweg nge sak’iy bayay; dab mu feked owchamed rok ngam marod.

Exodus 11:5

ma urngin e bitir ni pumo’on ni nganni’ nni gargelegrad u Egypt e bay ra m’ad, ni bin nganni’ i fak Farao nib pagel ni ir e ra yan nga luwan Farao nge mada’ ko bin nganni’ e pagel ni fak be’ ni bpin nib sib nma bilig e grain nge ngal’ ni flowa u fen e bil flowa. Ma ku er rogon e bin som’on u fak urngin e garbaw ni bay yim’.

Exodus 2:11

Ma nap’an ni ilal Moses, me yan i guy e girdi’ rok, ni aram e Hebrew, me guy rogon ni yibe gelnag e thin ngorad yad be rin’ e maruwel nib gel. Me guy be’ u Egypt ni li’ ba Hebrew ngem’, ni reb i girdi’en Moses.

Exodus 1:11

Ma aram miyad tay e girdi’ ni ngi i gelnag e thin ngorad ngar maruwelgad nib gel ya ngar magaergad; me toy piyu Israel e naun u lan e binaw nu Pithom ngu Rameses ni fan ngak Farao, ni aram e gin nge mang tafen e ggan ko fare pilung.

Jeremiah 7:18

Pi’in ni bitir e yad be kunuy e l’ud, me k’oreg e pumo’on e nifiy, me aruy e ppin e flowa ni ngar lithed ni fan ngak fare got ni bpin nike lungurad e ir e Queen nu tharmiy. Ma ku yad be pi’ e garbod ni maligach ngak yugu boch e got, ni fan e nge kireban’ug.