Lamentations 4:22 - Bible Ni Thothup

²² Zion e ke pi’ puluwon e denen rok; i SOMOL e dabki ta’mad ni kalbus u milekag nib n’uw nap’an. Machane gur Edom, e bayi gechig nigem SOMOL; nge pug ngalang ngonglem ni kireb.

Lamentations 4:22 Referans Kwoze

Isaiah 40:2

Mu pi’ed e athamgil nga laniyan’ e girdi’ nu Jerusalem. Mogned ngorad nike gaman n’umngin nap’an ni kar gafgowgad, ma chiney e ken’ag Got fan e denen rorad. Kug gechig nagrad ke yan i mus nga rogon ni bochan urngin e denen rorad.”

Jeremiah 50:20

Re ngiyal i nem, ma dakriy ba denen ni yira pir’eg u lan yu Israel ma dakriy e kireb u lan yu Judah, ni fan e bay gu n’agfan e kireb ko girdi’ ni gu ayweg e pogofan rorad. I Gag SOMOL e kugog e pi thin ney.”

Psalms 137:7

SOMOL, mu leamnag e n’en ni rin’ e pi Edomite ko fa rofen nem nni kol yu Jerusalem ko mael. Mu leamnag rogon ni i lungurad, “Mu buthuged nge mada’ nga daken e but’!”

Malaki 1:4

Yu Edom, ni yad e pi’in owchen Esau, e fa’anra lungurad, “Pi binaw rodad e ka ni kirebnag, machane bay da ngongliyed nge sul nga rogon,” machane fulweg rok SOMOL ngorad e be ga’ar, “Ngani pagrad ngar muruwliyed, ya bay gu sul ngay nggu kirebnag bayay. Ma bayi yog e girdi’ fithingan e pi binaw nem ni Binaw Nib Kireb, ma ku bay ntunguy fithingrad ni, ‘Fare nam ni bay i par SOMOL nib damumuw ngorad ndariy n’umngin nap’an.’”

Ezekiel 37:28

Nap’an ni bay gu tay e Tempel rog ngaram ni nge par u fithik’rad ni dariy n’umngin nap’an, ma aram e pi nam e bay ra nanged ni Gag SOMOL e ku gu mel’eg yu Israel ni ngar manged girdi’ rog.”

Lamentations 4:21

Um minmin gad, gimed e girdi’ nu Edom ngu Uz; ma gimed be felfelan’ e chingiyal’ n’ey ni ku rayag. Ya ku be yib e biromed e riya’; gimed mabay kum thigthiggad ni dariy e mad u dakenmed ni kam tamra’gad.

Lamentations 4:6

Gechig nta’ ko girdi’ rog e ba almarin ko pi’in girdi’en yu Sodom, ni fare binaw ni gad Got pa’ ngay nge pil nib tomgin.

Jeremiah 33:8

Bay gu be’ech nagrad ko pi denen ni ur ngongliyed nib togopluw ngog, ma bay gu n’ag fan e denen nge kireb rorad.

Jeremiah 32:40

Bay gu ngongliy ba m’ag ni dariy n’umngin nap’an u thilmad. Dariy bingyal’ ni gu ra tal i ngongliy e tin fel’ ni fan ngorad, ma bay gu gagiyeg nagrad nge yib madgug u polo’ i lanin’rad, ya nge dakuriy liben miyad pi’ keru’rad ngog.

Isaiah 60:18

Lingan e cham e gathi bay kun rung’ag; Ma dabki mogoth e nam rom bayay. Bay gu matanagiyem mu gu ayuwegnem ni gu bod ba yoror ngom; Bay mu pining e magaer nge sorok ngog ya kug ayuwegnem.

Isaiah 52:1

Jerusalem, mu gel me gilbuguwam bayay! Binaw rok Got ni gab thothup, mon’ nga dakenam e mad rom nib gamog! Pi’in gathi yad e girdi’ rog e dab kurbad ngalan e yoror rom bayay.

Jeremiah 33:7

Bay gu gagiyegnag yu Judah nge yu Israel nge fel’ rograd, ma bay gu fal’eg taferad nge bod ko som’on.

Jeremiah 49:10

Ma aram mu gu chuweg e upong u daken e pi’in owchen Esau ni dagpag buchu’uw mug m’ugnag e yungin ni yad ma mith riy, ya ngar pired ni dabkiyag nra mithgad. Gubin e girdi’ nu Edom e kan thang owcharad. Dariy bagyad ni magach.

Ezekiel 6:12

Pi’in yad bay u orel e bay ra m’argad ngarm’ad; ma pi’in yad ba chuchugur e bay ram’ad u fithik’ e mael; ma pi’in nra fosgad e bayi math e pogofan rorad ni bilig. Ma bay ra thamiyed ga’ngin gelngin e damumuw rog.

Malaki 1:3

ma dabug Esau nge pi’in owchen. Kug kirebnag e binaw rok Esau ni go’ burey kug pi’ e gi binaw nem ngak e gamanman ni malboch.”

Obadiah 1:10

“Bochan e mororo’ nge thang pogofan ni um tay ngak pibe’ rom ni pi’in owchen Jakob, bay ni thirfem u but’ me m’ay fam ni manemus.