Lamentations 4:21 - Bible Ni Thothup

²¹ Um minmin gad, gimed e girdi’ nu Edom ngu Uz; ma gimed be felfelan’ e chingiyal’ n’ey ni ku rayag. Ya ku be yib e biromed e riya’; gimed mabay kum thigthiggad ni dariy e mad u dakenmed ni kam tamra’gad.

Lamentations 4:21 Referans Kwoze

Revelation 16:15

“Mmotoyil! Bay gub ni bod ba moro’ro’! Ra felfelan’ e en nike par ni be od ni be ayuweg e mad rok, ni bochan e nge dab i yan ndariy e mad u daken ngi i tamra’ u fithik’ e girdi’!”

Amos 1:11

Be ga’ar SOMOL, “Girdi’ nu Edom e kar denen gad bayay nge bayay, ere ri bay gu gechig nagrad. Kar lol’oged e girdi’ rorad ni piyu Israel, ni der kireban’rad ngorad. Dariy folan e damumuw rorad ni yug be par ni der m’ay.

BABYOR NI JOB 1:1

Immoy be’ nib mo’on ni Job fithingan, ni i par ko nam nu Uz. I par ni be liyor ngak Got ma ba yul’yul’ ngak. I par ni ir be’ nib manigil ma be ayuw ni nge dabi rin’ ban’en nib kireb.

Psalms 137:7

SOMOL, mu leamnag e n’en ni rin’ e pi Edomite ko fa rofen nem nni kol yu Jerusalem ko mael. Mu leamnag rogon ni i lungurad, “Mu buthuged nge mada’ nga daken e but’!”

Mikah 1:11

Gimed e girdi’ nu Shafir, mmarod nga reb e nam ngam pired riy ni gimed e kalbus, ni ngam marod ndariy e mad u dakenmed ma kam tamra’gad. Pi’in yad be par u lan yu Zaanan e dariy bagayad nra thay. Nap’an ni gimed ra rung’ag laman e girdi’ nu Bethezel ni yad be dololoy’, ma aram e kam nanged ndariy bang u rom ni yira mith ngay.

Obadiah 1:1

Irera’ e tin ni yi’iynag Obadiah — ni aram e n’en ni yog SOMOL ni Th’abi Tolang u murung’agen e nam nu Edom. I SOMOL e l’oeg e mal’og rok nge yan ko pi nam, ma kad rung’aged e thin rok: “Da fal’egned rogdad! Ngad m’aged e mael nga Edom!”

Ezekiel 26:2

Ni ga’ar, “Fak e girdi’, irera’ e n’en ni be felfelan’ e girdi’ nu lan e binaw nu Tyre ngay. Yad be tolul ni be lungrad, ‘Ke puth yu Jerusalem! Dakuriy gelngin ko siyobay! Dakriy e ngiyal’ nra magawon nagdad.’

Ezekiel 25:8

I SOMOL ni Th’abi Tolang e ke ga’ar, “Bochan e keyog yu Moab ni yu Judah e ba ta’reb rogon ko gubin e pi nam,

Ezekiel 25:6

“Ba’aray e n’en ni be yog SOMOL ni Th’abi Tolang: gimed be way ma gimed be og ngalang ko felfelan’. Ni gimed be fananikan e nam nu Israel.

Jeremiah 49:12

“Fa’anra mus ngak e pi’in dariy rogon ni ngan gechignag ma dabisiy ni ngar unumed e n’en ni bay ko fare kap ko gechig, ma gimed be leamnag ni gimed ra thay ko gechig? Danga’, thingar mu unumed e n’en ni bay ko fare kap!

Eklesiastes 11:9

Girdi’ nike taw nga yangren, mu felfelan’gad nga yangarmed. Mu felfelan’gad e chiney nike taw nga gelingmed. Mu rin’ed e n’en ni gimed ba’adag ni ngam rin’ed, mi gimed lek fiti lanin’med. Machane dabi m’ay u wun’med ni Got e ra pufthin nagmed ko tin gimed be rin’.

2 Kronicles 28:19

I girengiy SOMOL e tin ba mo’maw’ nga daken yu Judah ni bochan e ke cheal Ahaz ni Pilung ke togopluw nga mat’wun e girdi’ rok ma ke darifannag SOMOL.

Genesis 36:28

Ma Dishan e ir e chitamngin e gal ke girdi’ ni Uz nge Aran.

Habakkuk 2:16

Bay mu tamra’gad ma dab kun tay famed. Gimed e bay mu unumed ngu’um thigthiggad. I SOMOL e bayi pi’ ngomed e kap ko gechig ngam unumed e n’en ni ba’ riy, ma tayfan ni yibe tay ngomed e bayi thil ngan darifan nagmed.

Jeremiah 49:7

Irera’ e n’en ni yog SOMOL ni Gubin ma Rayag Rok u murung’agen yu Edom: “Gur, girdi’ nu Edom e ke man lanin’rad? Gur, dakir yog e pi tafanow rorad e n’en ni ngar rin’ed? Gur, gubin e gonop rorad ma ke chuw?