Lamentations 3:59 - Bible Ni Thothup

⁵⁹ Mu fol ngog; ya gamnang e kireb ni kan rin’ nib togopluw ngog.

Lamentations 3:59 Referans Kwoze

Psalms 43:1

Got, mu gagiyeg ngan nang ndawor gu bucheg ban’en, ma ga ayuwegneg u pa’ e pi’in nde mich Got u wun’rad; mu ayuwegneg rok e girdi’ ni yad ma lifith l’ugunrad ma yad ba kireb!

1 Peter 2:23

Ma fa’an nog e thin nib kireb ngak ma de tay puluwon ni thin nib kireb; ma fa’an nni gafgownag ma de ga’ar e bayi fulweg taban ngak e pi’in yad be gafgownag, machane me pag fan urngin ban’en ngak Got, ni ir fare Tapufthin nib mat’aw.

Psalms 35:1

SOMOL, mu togopluw ngak e pi’in yad be togopluw ngog, ma ga cham ngak e pi’in yad be cham ngog!

Psalms 26:1

A SOMOL, mog ni bfel’ e rog, ni bochan e gu be rin’ e n’en ni bfel’ ma rib pagan’ug ngom.

Psalms 9:4

Ga ba mat’aw ma gab yul’yul’ ko pufthin ni ga ma tay, ma gur e kam duwgiliy ni gub mat’aw.

Genesis 31:42

Fa’an manga da imoy Got rog, ni fare Got rok pi ga’ rog ni kakrom ni aram Abraham nge Isak, ma rib mich ni chiney e ga ra pageg nggu wan ndariy ban’en u pa’ag. Ma Got e be guy e tin be buch rog nge maruwel ni ku ug tay nib gel, me fowngan me ginangngem rog.”

Psalms 35:23

A Somol, mu wuchag u but’ ngam ayuwegneg; Got rog, mu sak’iy ngalang ngamog ni bfel’ e rog.

Jeremiah 15:10

Ba gel e gafgow ni gu be tay! Mang ni gargel nigeg e chitinag ngalan e biney e tamilang? Dabisiy ni nggu tugthin mu gu malu’ag thin ngak urngin e girdi’ ko re nam ney. Dawor gu pi’ e salpiy ngak be’ ni nge maruwel ngay nge mu’ me fulweg ngog, ma dawor gu ning e salpiy ku be’ nggu maruwel ngay nge mu’ mu gu fulweg; machane urngin e girdi’ ni yad be yibil ni yigi buch ban’en rog.

Genesis 30:6

Me ga’ar Rachel, “I Got e ke rin’ ngog e tin nib mat’aw. Ke rung’ag e meybil rog, ke pi’ reb e pagel gu fakay”, me tunguy fithingan ni Dan.

Psalms 10:14

Machane ga be guy; ga be yaliy e oloboch nge gafgow ma urngin ngiyal’ ni ka mu fal’eg rogom ni ngam pi’ e ayuw. Pi’in dabyag rorad ni ngar ayuwegedyad e ka ra pi’edyad nga pa’am; gubin ngiyal ni ga ma ayweg e pi’in ni ba t’uf e ayuw rorad.

Lamentations 3:36

Nap’an ni yira chefeg ni daki yal’uw e tin nib mat’aw ni ngan rin’ u kort ma manang.

Lamentations 3:60

Gamnang rogon e pi to’ogor rog ni yad be fananikayeg ma yad be makath nageg.