Lamentations 3:56 - Bible Ni Thothup

⁵⁶ Ma nap’an e gu wenig nag ngom ni ngam rung’ag e meyor rog, ma ga rung’ag.

Lamentations 3:56 Referans Kwoze

Psalms 55:1

A Got, mu rung’ag e meybil rog; dab mu pi’ keru’um ko wenig rog!

BABYOR NI JOB 34:28

Yad ma motogal ngak e gafgow ngar yorgad ngalang ngak Got, me rung’ag lungrad ni yad be man ayuw.

Roma 8:26

Ere ku errogon fare Kan Nthothup nma yib i ayuwegdad ko me’waer rodad. Ya ra dab da nanged e yu bugithin ni ngdogned nge yag nda meybilgad nrogon, ma fare Kan Nthothup e ir e ma weliy ngak Got e n’en ni gadad be wenignag ni rrogon ndabiyag i weliy ko thin.

Isaiah 38:5

ni nge sul ngak Hezekiah nge ga’ar ngak, “I Gag, SOMOL, ni Got rok David ni ga’ rom kakrom, e kug rung’ag e meybil rom ma kug guy lu’am; bay gu tem ndab mum’ ni ragag nge lal e duw n’umngin nap’an.

Psalms 34:6

Pi’in ndabiyag ni ngar ayuweged yad e yad ra non ngak, me fulweg lungrad; me chuwegrad u fithik’ urngin e gafgow nike yib ngorad.

Psalms 66:19

Machane, rriyul’ nike motoyil Got ngog; ke rung’ag e meybil rog.

Psalms 3:4

Gu yornag e ayuw ngak SOMOL, me fulweg taban e meybil rog ko fare burey rok nib thothup.

2 Kronicles 33:19

Fare meybil rok fare pilung nge fulweg riy ni pi’ Got, nge babyoren e denen ni i rin’ fare pilung u m’on ni pi’ keru’ ko denen rok-kireb ni i rin’, yungi tagil’ e tayfan rok e pi’in ndar nanged Got nge pi pow rok Asherah ni fare got nib bpin ni ngongliy nge pi liyos ni i tayfan — e go’ kan yoloy ngalan e babyor ni Chepin e Profet.

2 Kronicles 33:13

Me fel’ e meybil rok Manasseh u wan’ Got me fulweg taban ni aram e pag nge sul nga Jerusalem nge gagiyeg bayay. Ren’ey e ri micheg ngan’ Manasseh ni SOMOL e ir Got.

Psalms 5:2

Motoyil ko man ayuw rog, I gur e Got rog ma pilung rog! SOMOL, gu be meybil ngom;

Psalms 5:3

ga ma rung’ag lamag ni kakadbul; ra yib e yal’ ngalang mu gu meybil mu gu son ni ngam fulweg taban.

Psalms 55:2

Mmotoyil ngog ma ga fulweg lungug; ya ke li’eg e magafan’ rog.

Psalms 55:18

Bayi fulwegneg ni dariy ban’en nra buch rog ko pi mael ni gu be tay ngak bo’or e to’ogor.

Daniel 9:17

Got, mu rung’ag e meybil rog nge wenig ni gu be tay ngom. Mu fulweg nga rogon e Tempel rom ni kan gothgothay; mu fulweg nga rogon ya nge nang urngin e girdi’ ni gur e Got.