Lamentations 3:53 - Bible Ni Thothup

⁵³ Ra thuryed gag ngalan ba low ni ku gubfos miyad ning ngab malang.

Lamentations 3:53 Referans Kwoze

Daniel 6:17

Miyad fek ba gaf i malang ngar upunguyed nga langan fare low. Me tay e en ni pilung e pow rok ngay ni pow ko pilung nge pow rok e pi tolang ni bay nga tan pa’ ni fan e nge dariy be’ ni nge guy rogon nge ayuweg Daniel.

Jeremiah 38:9

“Pilung, n’en ke rin’ e pi girdi’ ney e ba kireb. Kar nguchuruyed Jeremiah ngalan fare luwed, nike muduwgil ni nge yim’ ko uyongol, ya, dakuriy e ggan u lan e re binaw ney.”

Jeremiah 38:6

Miyad fekeg ngar nguchruyed gag ngalan ba luwed ni fen Malkiah nib mo’on ni fak e pilung, re luwed nem e bay u lan e yoror u tafen e pilung. Ma dariy e ran u lan e re luwed nem, kemus ni rungdu’ e bay u t’ay, mu gu chur nga fithik’ e rungdu’.

Jeremiah 37:16

Min teg ngalan ba kalbus ni bay u tan e but’, mu gu par u rom nib n’uw nap’an.

Matthew 27:66

Mranod ra ted e hang ko fare gaf i malang ni kan ning ko fare low, ni aram e dariy be’ ni nge bing, miyad tay girdi’en e matnag ni nge matnagiy.

Matthew 27:60

me yan i tay ngalan e birok’ e low ndawori n’uw nap’an ni ker nga fithik’ e war u taban e rech. Me lulubiy baraba’ i malang ni ba ga’ nge ning nga langan fare low me yan.

Jeremiah 37:20

Gu be wenig ngom e chiney ni ngam motoyil ngog ngam rin’ e tin nggu wenignag ngom. Wenig ngom, dab kum sulwegeg nga kalbus ko fare naun rok Jonathan. Ma fa’an ga ra fulwegeg, ma rib mich ni bay gum’ u rom.”

Jonah 2:1

Me meybil Jonah ngak SOMOL ni Got rok u rom u lan yin fare nig ni ga’ar:

Daniel 6:18

Me sul e en ni pilung nga tafen me par e re nep’ i n’em nde yag ni nge kay ban’en ara guy e tin ni yima paleg owchen ngay. Ma de mol.