Lamentations 3:32 - Bible Ni Thothup

³² Yug bay i feke kireban’ i yib ngodad, machane t’ufeg rok ngodad e rib mich ma ba gel.

Lamentations 3:32 Referans Kwoze

Psalms 78:38

Machane Got e ma runguy e girdi’ rok. I n’agfan u wan’ e denen rorad made thang owcharad. Ba yo’or yay ni i k’adan’ ko damumuw ngi i par nga daken gelngin e damumuw rok.

Psalms 103:11

Rogon feni tolang lanelang ko fayleng, e aram feni ga’ e t’ufeg rok SOMOL ko pi’in ni bay madgun u wun’rad.

Psalms 30:5

Ya damumuw rok e ta’boch ngiyal’, ma feni gol e nap’an e yafos. Ra map e lu’ nnep’, me yib e felelan’ ni kadbul.

Hosea 11:8

“Israel, uw rogon ni nggu pagem? Uw rogon ni nggu n’igem? Gur rayag ni gu thirifem u but’ ni bod ni gu rin’ nga Admah? Ara gu rin’ ngom e n’en ni gu rin’ nga Zeboyim? Dabiyag u ngorongreg ni nggu rin’! Ya ri gab t’uf rog!

Judges 10:16

Ma aram miyad n’ag fapi got nu boch e nam ni ur ted fan miyad liyor ngak SOMOL; me kirban’ ngak yu Israel ni kar awgad nga fithik’ e gafgow.

Exodus 3:7

Ma aram me ga’ar SOMOL, “Kug guy rogon ni yibe gafgownag e girdi’ rog u Egypt; kug rung’ag lamrad ni yad be wenig ni nga ni ayuwegrad u pa’ e pi’in yad be sib nagrad. Go’ gu manang murung’agen e gafgow ni yad be tay.

Luke 15:20

Ma aram me sak’iy nge sul ngak e chitamngin. “Kab orel ko tabinaw me changar e chitamngin me guy; me kireban’ ngak me yan ni be mil, me yan i gumuchmuch ngak e chi cha’nem ni fak, nge faray owchen.

Jeremiah 31:20

“Israel, i gur fakag nri gab t’uf rog, nri gur e th’abi t’uf rog. Gubin ngiyal’ ni gu ra yog fithingam mu gu leam nigem nri gab t’uf rog. Lanin’ug e be un ngom; ri bay gu runguyem.

2 Kings 13:23

machane SOMOL e ba gol mma runguyrad. Ma de pagrad nge math owcharad, machane ayuwegrad ni bochan e m’ag rok u thilrad Abraham, Isaak, nge Jakob. Dariy bangiyal’ nike pagtalin e girdi’ rok.

Lamentations 3:22

Fare t’ufeg rok SOMOL ni dabi m’ay nge marunguy rok e ku be ul ul i yan,

Exodus 2:23

Me munmun me yim’ e pilung nu Egypt. Machane piyu Israel e kuyad be gowol ko gafgow ni yibe tay ngorad ko sib niyad be tay rok piyu Egypt, miyad yornag e ayuw ngalang. Me yan lamrad ngalang ngak Got,

Nahum 1:12

Irera’ e n’en ni yog SOMOL ngak e girdi’ rok ni piyu Israel: “Yug aram rogon nu Assyria e yad ba yargal ma yad ba yo’or, ma yira thirifrad u but’ ngar m’aygad. Girdi’ rog, gu pagmed ngam gafgowgad, machane dabkug rin’ bayay.”

Isaiah 27:8

I SOMOL e gechignag e girdi’ rok ni pi’rad ni kalbus nga wuru’ e nam. I tharbegrad nga fithik’ e nifeng nib gel ni yib ko ngek.

Isaiah 54:7

“Kug pagem u lan ba talab, bay gu fulwegem ngog ya ri gab t’uf rog.