Lamentations 2:20 - Bible Ni Thothup

²⁰ SOMOL mu changar! Mangfan ni ga be gechig nagmad ni arayrogon? Pi’in ni ppin e yad be longuy pi fakrad nrib t’uf rorad! Prist nge profet e yi be thang e pogogan rorad u lan e Tempel!

Lamentations 2:20 Referans Kwoze

Lamentations 4:10

Riya’ ni yib ko girdi’ rog e girengiy e marus ni almirin i yib; pi matin nib t’uf pifakrad rorad e ra lithed pifakrad ngar longyed.

Jeremiah 19:9

Bay gu gagiyegnag e girdi’ riy ngar longuyed e ufin u downgin pifakrad. Bay ra longuyed e pi’in yad bbuguliyoror ni bochan e gafgow ni bay ra ted ko ngiyal’ ni ba’aram ni bay yib e pi to’ogor rorad ngron’ed nga longob fare binaw rorad, ni aram e ngar feked miyad guy rogon ni ngar li’ed e girdi’ riy.

Psalms 78:64

Prist e nli’rad ko saydon, ma pi le’engirad e dan pagrad ni ngar mowawgad.

Lamentations 4:13

Machane me buch ni aram rogon, ni bochan e i denen e pi profet nge pi prist ni aram tapgin e yam’ ngak bokun e girdi’ ni dariy ban’en nra bucheged.

Deuteronomy 9:26

Mu gu meybil ni lungug, ‘SOMOL nib Th’abi Tolang, dab mu thang owchen e girdi’ rom, ni fapi girdi’ ni gur e mu chuwegrad u Egypt nga gelngim nib gel nge feni sorom.

Exodus 32:11

Machane me wenig Moses ngak SOMOL ni Got rok ni ga’ar, “SOMOL, mang ni ngari gel e damumuw rom ngak e girdi’ rom, ni gur e mu lagrad u tan pa’ yu Egypt nga pa’am nib gel nge gelngim nib gel?

Ezekiel 5:10

Ma wenegan nra yib riy e pi galibthir nu Jerusalem e bay ur longyed pifakrad, ma bitir e bay ur longyed e galibthir rorad. Bay gu werwereg u gubin yang e pi’in ni magach ni kub fos.

Lamentations 4:16

I SOMOL e dakrir uned u lanyan’; ir e ke werweregrad. Ke m’ayfan e pi prist nge pi tayugang’ rorad u wan’.

Lamentations 1:19

“Gu pining e pi’in gamad nga bang, miyad siyeg ni ngar ayuwegedgag. Pi prist nge pi tayugang’ e karm’ad u lan e kanawo’ u lan binaw, Ko ngiyal’ ni yad be changarnag e ggan ni nge yag nra pired ni yad bfos.

Jeremiah 5:31

Pi profet e go’ ban e yad ma tay, ma prist e yad be gagiyeg u rogon nike yog e profet, ma girdi’ e dariy ban’en niyad be yog riy. Machane mang e yad ra rin’ ko ngiyal’ nike taw gubin ban’en ko tungun?”

Levitikus 26:29

Ma bayi gel e uyngol ngomed ngam longyed pifakmed.

Isaiah 22:2

Ga’ngin fare binaw nike mada’ lingan ngalang, nike sug nga lingan e uf uf. Girdi’ nike yim’ u tan e re mael ney e gathi cham e rm’ad riy.

2 Kronicles 36:17

Ma aram me pag SOMOL fare pilung nu Babylon nge cham ngorad. I thang fare pilung e fan rok e pi’in pagel nu Judah ni mus ngak e tin bay u Tempel. Dariy be’ ni runguy, fel’ yangren fa pilbithir, pumo’on ara ppin, m’ar nge pi’in de m’ar. I pi’rad Got nga pa’ ni yad gubin.

Jeremiah 21:7

Machane gur, nge tayugang’ rom, nge girdi’ ni fos u tan fare mael, nge uyngol ni yib, nge liliy — e bay gu pagmed ni gimed gubin nge kolmed Nebukadnezzar ni Pilung nge pi’in gimed ba to’ogor ni yad ba’adag ni ngar li’ed gimed ngam m’ad. Ma Nebukadnezzar e ra li’med ngam m’ad. Ni dabi pag ta’ab gimed ara kirban’ fa runguy ya’an bigmed. I Gag SOMOL e gu be non.”

Ezekiel 9:7

Me ga’ar Got ngorad, “Mu darifan niged fare Tempel. Mu sugyed lan e yoror riy ko ldow. Mmarod!” Mar tababgad ngar thanged e pogofan ko girdi’ u lan fare binaw.