Lamentations 1:17 - Bible Ni Thothup

¹⁷ “Gu k’iyeg pa’ag, ma dariy be’ nra aywegeg. Ke pining SOMOL e pi to’ogor ni ngar togopluwgad ngog u gubin yang; Pangirad ngog e bod ni gag e dow nib alit.

Lamentations 1:17 Referans Kwoze

Jeremiah 4:31

Ku gu rung’ag laman e yor, ni bod be’ ni bpin ni nge gargel, nge ba tolul ni bod be’ ni bpin ni nge gargaleg e bin som’on e bitir rok. Re lam nem e lungun Jerusalem ni be rere’nag e pogofan rok, be ki’yag pa’ ni be ga’ar, “Gafgow gag! Karbad ni ngar thanged e pogofan rog!”

Isaiah 1:15

“Gimed ra pug pa’med ngalang ngam meybilgad ngog ma dab gu sap ngomed. Demturug gelngin e meybil ni gimed ra tay ma dab gu telig ngomed, ya ba sug e racha’ u pa’med.

Lamentations 1:9

Feni alit e ba mom ni yira guy, machane de dag nike magfan’ ko mang e ke buch rok. Ir nike thay e rib gafgow; dariy be’ nra fal’eg lanyan’. I gel e pi to’ogor rok me yor ngak SOMOL ni ngan runguy.

Lamentations 1:19

“Gu pining e pi’in gamad nga bang, miyad siyeg ni ngar ayuwegedgag. Pi prist nge pi tayugang’ e karm’ad u lan e kanawo’ u lan binaw, Ko ngiyal’ ni yad be changarnag e ggan ni nge yag nra pired ni yad bfos.

Lamentations 1:16

“Aramfan ni lan owcheg e kesug ko lu’ ni be map’. Dariy be’ nrayag ni fal’eg lanin’ug; fa i pi’ e athamgil ngog. An to’ogor e ke gel ngog; ma pi girdi’ rog e dakriy ban’en ni magey rorad.

2 Kings 25:1

Zedekiah ni Pilung nu Judah e togopluw ngak Nebukadnezzar ni Pilung nu Babylonia. Me yib Nebukadnezzar nike fek urngin e salthaw rok miyad m’ag e mael nga Jerusalem ko bin ragag e rran ko bin ragag e pul ko bin mereb e duw nike pilung Zedekiah. Miyad n’uf e tent rorad u wuru’ e binaw, miyad ubung e malang nge but’ nge liyeg e binaw nu Jerusalem ni ngar mithgad nga fon ko mael,

Hosea 8:8

Ke ta’reb rogon yu Israel ko yug nam nike m’ay fan ni bod ba th’ib nike pil.

Ezekiel 36:17

Ni ga’ar, “Fak e girdi’, nap’an nma par pi yu Israel u daken e but’ rorad, miyad ta’aynag u rogon e par nge ngongol rorad. Gguy e ngongol rorad ni bod feni ta’ay be’ ni bpin nib pael.

Lamentations 4:15

Me tolul e girdi’ nra ga’ar gad, “Mmuchuwgad riy! Gimed ba ta’ay! Dab mmath gad ngomad!” Ma aram miyad milethay u reb e nam nga reb, ni dariy be’ ni m’agan’ ngorad.

Lamentations 1:21

“Ngam motoyil ko gel’gel’ rog; dariy be’ nra fal’eg lanin’ug. Pi to’ogor rog e kar felan’gad ni kam fek e riya’ nga dakenag. Mu fek fare rran i yib ni mmicheg; mu gafgownag e pi to’ogor rog ngar gafgowgad ni bod gag.

Lamentations 1:2

N’umngin e nep’ ni i yor; ngi i ser e lu’ u owchen nga but’. Dariy bagyad e pi’in ni ur fagergad ni magey ni nge fal’eg lanyan’. Pi’in yad e yad e karyag niged, go’ kar togopluwgad ngak e chiney.

Jeremiah 34:22

Bay gu pi’ e thin, ma bay ra sulod ko re binaw ney. Bay rachamgad ngay ngar koled miyad urfiy nga but’. Bay gu tay e yochi binaw nu Judah ni bod bang i ted ni dariy be’ nma par riy. I Gag SOMOL e kugog e pi thin ney.”

Jeremiah 16:6

Pi’in yo’or ban’en rorad nge pi’in dariy ban’en rorad e yad ra yim’ u daken e re but’ ney, machane dariy be’ nra k’eyagrad fa yor nagrad. Ma dariy be’ nra th’ab downgin fa puy piyan lolgen ni nge dag nike kirban’.

Jeremiah 6:3

pi’in pilung e bay ra pired u rom nge salthaw rorad. Miyad n’uf e tent rorad nib liyeg fare binaw, ra bagyed me par ko gin ba’adag.

1 Kings 8:38

ma ngam motoyil ko meybil rorad. Ma ra bay e girdi’ rom nu Israel nike kalngan’ miyad pug pa’rad ngalang ni yad ba sap ko re Tempel ney ngar meybilgad,

1 Kings 8:22

Me yan Solomon i sak’iy nga m’on ko altar u p’eowchen e girdi’ nu Israel. Me pug pa’ ngalang nruw raba’

Jeremiah 8:18

Gafgowan’ rog e dab kiyag i golnag; ku gu m’ar nga lanin’ug.

Jeremiah 12:9

Girdi’ ni ku gu mel’eg e yad bod ba arche’ nike liyeg e hawk yad be k’ad. Mu pining e gamanman ni tmacham ngarbad ngar uned ko mur!

Lamentations 1:8

Bugwan ni bfel’ e ke chuw rok; dakriy e upong u daken ke thiyer. Be gel’gel’ nike mithag owchen ko tamra’. Yu Jerusalem e ke alitnag ir ko denen rok nib tinowey.

Eklesiastes 4:1

Ma aram mu gu sap bayay nga urngin e tin be buch nde mat’aw u lan e re fayleng ney. Ma pi’in ka ni gafgow nagrad e yad be yor, ma dariy be’ nra aywegrad. Dariy be’ nra aywegrad ni bochan e pi’in ni be gafgow nagrad e yad e bay gelingrad.

Isaiah 54:11

Be ga’ar SOMOL, “Jerusalem, kam gafgow, gab binaw ndabiyag ni ngam ayuwegnem, ma dariy be’ ni nge fal’eg lanin’um. Bay gu ubung e pi deaf rom bayay ni malang nrib tolang paluwon e bay gu fanay ngay.

Jeremiah 15:5

Be ga’ar SOMOL, “Gimed e girdi’ nu Jerusalem, i mini’ e bayi runguymed, nge mini’ e bayi kireban’ ngomed? Mini’ e ra tal nge fith salapmed?