Lamentations 1:1 - Bible Ni Thothup

¹ Yu Jerusalem nike par ni go’ ir, ya immoy bangiyal’ nib sug ko girdi’! Immoy ni ir e ba sorok u fayleng, ma chiney e ke bod be’ ni bpin nike yim’ figirngin; Re nam nib pilung u fithik’ e pi nam e ke mang ba sib.

Lamentations 1:1 Referans Kwoze

Isaiah 3:26

Pi garog ko binaw e ra kireban’rad ngar yorgad, ma fare binaw e ra bod be’ ni bpin ni kan th’ab e mad u daken nike par nga but’.

Ezra 4:20

Pi pilung nib gel lungun e ur gagiyeggad u rom ma ur gagiyeggad u ga’ngin fare nam u ba’ ni ngal e Eufrates, ni ur kunuyed e tax.

1 Kings 4:21

Gagiyeg rok Solomon e bmu’un urngin e pi nam ni tabab ko fare Lul’ ni Eufrates nge mada’ nga Filistia nge fare mathil nu Egypt. U ra pi’ed e tax rorad ngak mu ur pired u tan pa’ ni n’umngin nap’an e yafos rok.

Isaiah 54:4

Dab mu rus, ya dab kun darifan nigem bayay; dab kun tamra’ nigem. Bay mu pag talin e yul’yul’ ni da um tay ngak e pumo’on rom ko ngiyal’ ni kagab rugod, ma ku er i tay e kireban’ rom nib gel ko ngiyal’ ni yim’ figirngim.

Zefaniah 2:15

Irera’ e n’en ni bayi buch ko fare binaw nrib tolngan’ ma rib taf nga gelngin nib gel, ma be leamnag ni dakriy ban’en nra buch rok. Girdi’ riy e yad be leamnag nre binaw rorad nem e ir e th’abi cheag u fayleng. Ere ayugumguyew ko gin bayi yan i aw ngay, ni bayi par ndakuriy be’ riy me mang tagil’ e toffan ko gamanman. Gubin e girdi’ nra yib u charen me m’ing ban’en u yinrad ko morus.

Lamentations 5:16

Dakriy ban’en ni magach ko gubin e tin u gu uf’uf gad ngay. Ku’ug denen gad, ere chiney e karug gafgowgad.

Isaiah 22:2

Ga’ngin fare binaw nike mada’ lingan ngalang, nike sug nga lingan e uf uf. Girdi’ nike yim’ u tan e re mael ney e gathi cham e rm’ad riy.

2 Kings 23:35

Me kunuy Jehoyakim ni Pilung e tax u rom ko girdi’ ni be yan u rogon urngin e tin bay rorad, ni bochan e nge yag ni pi’ fare wolbuw rok fare pilung nu Egypt ni urngin nike yog.

Revelation 18:7

Mu gafgow niged mi gimed kirebnag laniyan’ ni bod gelngin buguwan nge fel’ rogon nike pag rogon ni i tay. Ya yugu be ga’ar u laniyan’, ‘Kug par ni kug pilung!, ni gathi gag be’ nike yim’ figirngig, dariy e chirofen nra kireban’ug!’

Ezekiel 26:16

Gubin e pilung ko pi nam u dap’el’ay e bay ra luwgad nga but’ u tagil’rad. Bay rabad ra lufed e thal ni wuru’ e mad rorad nge mad rorad ni kan sisyunag miyad par nga daken e but’ ni yad be t’on. Bay ra pired nike puw e marus rorad ko n’en nike buch rom miyad par ni dabkiyag ni ngar talgad ko t’on.

Lamentations 4:1

Gol rodad ni immoy nib galgael e ke yim’ ram’en; fapi malang ko fare Tempel e ke wagagey u lan e yupa’ i kanawo’.

Lamentations 2:10

Pi pumo’on ni pilibthir nu Jerusalem e kar pired nga but’ nike math gulungrad, Ni go’ fiyath daken lolugrad ma mad u dakenrad e tutuw. Ma pi’in rugod e kar’aned lolugrad nga daken e but’.

Lamentations 2:1

Gelngin e damumuw rok Somol me upnguy yu Zion ko lumor. Feni gamog ni yib u tharmiy e ke pig ke kireb. Rofen ni damumuw e mus ko Tempel rok me n’ag.

Jeremiah 50:23

Piyu Babylon e kar ama niged ga’ngin e fayleng ke yochiyang, ma chiney e fare ama e ke wearwear! Gubin e nam e kar gin gad ko n’en ke buch ko re nam nem.

Jeremiah 40:9

Me ga’ar Gedaliah ngorad, “Nggu micheg ngomed ni dab mu rus gad ni ngam pired nga tan pa’ yu Babylon. Mi gimed par u lan e re nam ney ngu’um pigpig gad rok fare pilung nu Babylon, bay mu pired ni gubin ban’en ni bfel’ u puluwomed.

Jeremiah 9:11

I SOMOL e be ga’ar, “Bay gu gagiyegnag yu Jerusalem nge par nike puth e naun riy, nge yan i par ni bangi ban’en nike tafnay e gamanman ni jackal; pi binaw nu Judah e bayi par nike bod e ted ni desert, ni dakriy be’ riy.”

Isaiah 52:7

Rib falan’uy ni ngan guy ba tamal’og ni be yib u daken e pi burey i yib, nike fek e thin ni bfel’ i yib, ni murung’agen e gapas! Nge yib i yog nib ga’ laman ni kan gel me ga’ar ngak Zion, “Got rom e ir e pilung!”

Isaiah 52:2

Jerusalem, mu chuweg e fiyath u dowam! Mu chuw u fithik’ e fiyath ngam par nga tagil’im. Gimed e girdi’ nu Zion ni ka mu kalbusgad, mu pithiged e chen ni ka ni m’ag ngomed!

Isaiah 14:12

Pilung nu Babylon, gur e t’uf nma mat rama’em ni kadbul, ka mu thay u tharmiy! Kafram e um kol e pi nam ko mael, machane chiney e ka ni tharbegem nga daken e but’.

Psalms 122:4

Ireray e gin i par e pi pilung nu Israel riy, ngu ur pufthin niged e girdi’ rorad riy. ni ngar pininged e magaer ngak SOMOL, ni bod rogon ni yog ni ngan rin’.

Nehemiah 9:37

Yong’olen fare but’ e be yan ngak e pi pilung ni kam taymad nga tan pa’rad ni bochan e gu denengad. Tin yad be finey e yad be rin’ ngomad nge garbaw romad, ma gamad be par u fithik’ e kireban’ nib gel!”

Nehemiah 5:4

Ma ku bochi yad e ga’ar, “Gamad e kug ninged e salpiy ni kagmad ra sulweg ni bochan e nggu pi’ed e tax ko yungi milay’ nge woldug romad ni grape ngak e en pilung.

2 Kings 23:33

Gagiyeg rok Joahaz e tal u nap’an ni yib Neko ni Pilung nu Egypt i fek nge kalbusnag u Riblah, u lan fare nam nu Hamath, me yog ngak yu Judah ni ngar pi’ed 7,500 e pawn e silber nge medlip i ragag nge lal e pawn e gol ni wolbuw rok ni ngu’ur pi’ed.

Isaiah 50:5

SOMOL e ke tamilangnag an’ug, ma dawor gu togopluw ngak ara gu pi’ keru’ug ngak.

2 Kronicles 9:26

Ir e re tagagiyeg ni th’abi sorok u fithik’ gubin e pilung nu lan fare gi nug ni tabab ko lul’ ni Eufrates nge yan nga Filistia nge taw ko mathil u Egypt.

Isaiah 49:21

Ma aram e bayi lungum ngom, I mini’ e ke gargeleg e pi bitir ney ni nggu fakay? I mul pifakag u pa’ag, mu gu par ndabkiyag ni gu diyen, nchuwegeg ko nam rog mi ni kalbus nigeg, ere mini’ e chuguliy e pi bitir ney? Ni pageg ngu’ug par ni go’ gag, ere uw e yib e pi bitir ney riy?”

Jeremiah 31:7

Be ga’ar SOMOL, “Mu tang niged e felfelan’ ni fan ngak yu Israel, ni ir fare nam nib th’abi sorok u fithik’ urngin e pi nam. Mon’ed e tang romed ni gimed be pining e sorok ngak ni nge lungumed, ‘I SOMOL e ke ayuweg e girdi’ rok, ma pi’in ni magay e lagrad nde buch ban’en rorad.’

Jeremiah 42:2

miyad ga’ar ngog, “Wenig ngom ngam rin’ e n’en ngogned ngom! Meybil ngak SOMOL ni Got rodad ni fan ngomad. Meybil ni fen gubin e pi aromad nde yim’. Immoy bingyal’ nri gamad ba yo’or; ma chiney e ga be guy nri’in i gamad e ke magach.

Ezekiel 5:5

I SOMOL ni Th’abi Tolang e ga’ar, “Mu changar nga Jerusalem, ni kug tay nga lukngun e fayleng, ni bay boch e nam nib liyeg.

Levitikus 26:31

e gu ra thirif u but’ e pi binaw romed, mug kirebnag tagil’ e meybil romed, mug siyeg ni dab gu fanay e pi maligach romed.

Levitikus 26:33

Bay gu pag e mael nge yib ngomed mu gu weregmed i yan u boch e nam ni gathi tafenmed. Nam romed e bay n’ag, ma pi binaw romed e bay ni pag nike mogothgoth.

Jeremiah 44:2

I SOMOL ni Gubin ma Rayag Rok, ni fare Got nu Israel e ga’ar, “Gur ma ka mu guy fare riya’ ni gu fek nga daken yu Jerusalem nge gubin e pi binaw nu Judah. Kemus ko chiney ma kab mogothgoth ni dariy be’ nma par u langgin e pi binaw nem

Jeremiah 44:6

Aram mu gu pu’og e damumuw rog nib gel nga daken e yochi binaw nu Judah nge nga daken e yupa’ i kanawo u Jerusalem, mu gup’ e nifiy ngay. I par e pi binaw nem nge kanawo’ ni dakriy woton u but’ nike tamdag ya’an, aram rogon ke mada’ ko bin daba’ e rran.

Lamentations 1:19

“Gu pining e pi’in gamad nga bang, miyad siyeg ni ngar ayuwegedgag. Pi prist nge pi tayugang’ e karm’ad u lan e kanawo’ u lan binaw, Ko ngiyal’ ni yad be changarnag e ggan ni nge yag nra pired ni yad bfos.

Ezekiel 26:2

Ni ga’ar, “Fak e girdi’, irera’ e n’en ni be felfelan’ e girdi’ nu lan e binaw nu Tyre ngay. Yad be tolul ni be lungrad, ‘Ke puth yu Jerusalem! Dakuriy gelngin ko siyobay! Dakriy e ngiyal’ nra magawon nagdad.’