Biblia Todo Logo
Bib sou entènèt

- Piblisite -




Kolose 3:8 - Bible Ni Thothup

8 Me ere chiney e thingar mpaged urngin e pin’ey: ni aram e damumuw, nge ar’ar nib kireb, nge fanenikan. Thangri dabi yib bbugithin u l’ugunmed nga but’ nra kirebnag laniyan’ be’ ara bbugithin nib puwlag.

Gade chapit la Kopi




Kolose 3:8
35 Referans Kwoze  

Dab umogned e thin nib kireb ku be’. Kemus ni thin nra ayuweg be’ e ngu u mogned, ni fa mit nem e thin nma fonownag e girdi’ me yib fan ngorad, fan e tin ni ngmogned e nge rin’ e tin ni bfel’ ban’en ngak e pi’in kar motoyilgad ngomed.


Ere mu n’iged pangimed ni kakrom ni ir e um pired riy — ni fare pangin ni kakrom ni ar ar nib kireb e bannag nge kirebnag.


Ma ku de m’ag ngomed ni nga mogned e thin nib puwlag, ara thin nma yog e balyang, ara thin ni yima tamra’ ngay. Ya bin ni ir e ngu’um pininged e magaer ngak Got.


Ere thingar mu li’ed ngem’ e ar’ar nu fayleng ni be maruwel u fithik’ i dowmed, ni aram e darngal, nge puwlag, nge ar’ar nib kireb nma waliy e girdi’ ko denen, nge chogow (ya chogow e bmit e tayfan nge meybil ni yibe tay ngak e liyos nma meybil boch e girdi’ ngay.)


Fa’anra mu damumuwgad, ma dab mpaged e damumuw romed nge fekmed nga fithik’ e denen; ma dab mpired ni gimed ba damumuw nge polo’ reb e rran.


Gadad e ba sug e pi girdi’ nem u to’obdad ni yad be guydad, ni ur daged ko ngongol rorad nrib michan’rad ngak Got. Ere ngad paged urngin ban’en ni be magawon ngodad, nge denen nike m’agdad nike chichiiy pa’ rodad, ngad athamgiliyed e gin ni kabay ni ngad milgad riy ngad tawgad ko gin ni gadad be nameg.


Girdi’ nib papey e damumuw ngak e ma k’aring e tugthin nge wagey.


Dabi lifith bigimed l’ugun ngak bigimed, ya bin kakrom i gimed nge tin nike mecham ngay e kam n’iged,


Aram fan ni ngam paged urngin mit e kireb; ndab ku um lifithed l’ugunmed, ara um dake moding niged gimed, ara i awan’med ngak be’, ara umogned e thin nib kireb ngak be’!


Gu be rusnag nra gub e nger mu gu pir’egmed ni gimed ba thil ko n’en ni gu be leamnag ni yugum boded, mi gimed pir’eg ni gub thil ko n’en ni gimed be finey ni yug gu bod. Gu be rusnag nra gub mu gu pir’egmed ni gimed be tugthin ma be awan’med ngomed, ma ba papey e dumumuw ngomed mra be’ ma kemus ni ir e be leamnag ir, ma gimed be yog e thin nib kireb ma gimed be gun’gun’nagmed, ma ba tolangan’med ma de ta’reban’med.


ya kigimed be ngongol ni bod rogon e girdi’ nib mil farad ko re fayleng ney. Mogned, ngiyal’ ni be awan’med ngomed, ma gimed be malu’ag thin, e fa’anra aram rogon ma gathi ireram e n’en ni be micheg ni kigimed e girdi’ nib mil famed ko re fayleng ney? Ya gimed be ngongol nrogon e ngongol rok e pi’in nib mil farad ko re fayleng ney.


Machane gu be yog ngomed e chiney, ni en nra damumuw ngak be’ ni walagen e yira fek i yan nga p’eowchen e en nma puf oloboch; ma en nra ga’ar ngak walagen, ‘Gur e dariy ban’en ni gab fel’ ngay!’ e yira fek ngalan e sobol ko mu’ulung; ma en nra ga’ar ngak walagen, ‘Dariy fam i gur e re balyang nir!’ e rayag ni nge yan nga fithik’ e nifiy ni dabi math bi’id.


Dab mu pagem nge magafan’um ara mu damumuw; ya kemus ni oloboch e ra yib riy.


Machane fa’anra um ngongolgad ni bod e gamanman ni malboch ni gimed be kirebnag lanin’med ma gimed be gafgow nagmed, me ere ngam ayuwgad, ya bay mu li’ed gimed ngam m’ad.


Marod ngad rin’ed e tin nib mat’aw, ni bod rogon e girdi’ nma par u fithik’ e tamilang ko rran; dab da uned ko madnom ni bay e mu’un rrum riy ara chingnag, ara un mith ngu’un par ndawor ni mabgol ara un puwlag, dab un cham ara i awan’uy ngak be’.


Ra tabab e tugthin ma bod e gin m’on e tha’al u ba teng; mu taleg ni dawri ga’ i yan.


Ere ku er i tay e tin ba’aray e girdi’ ni bay e tin yad be leamnag u lanin’rad ni ir e be waliyrad ngar denengad nib togopluw ko dowef rorad; dariyfan u wun’rad e tin ni be yog Got ni ngar rin’ed; ma yad be yog e thin nib kireb ni fan ngak e pi engel nu tharmiy ni yad ba fla’ab.


Yad ma yog e thin ni ufanthin nge thin ko balyang, ma yad be maruwel nga ngongolen e darngal ni be ar’arnag e dowef rorad ni fan e nge aw ko wup rorad e pi’in ka fini chuw u fithik’ e girdi’ nike oloboch.


Ma yad e picha’ ni yad ma yog nga dalib fare ngachal ni bfel’ nike pi’ Got ngomed.


ni Hymeneus nge Alexander e yow mu’un nga fithik’rad, ni kug pi’row nga gelngin Satan, ya ngar filew ni ngar talgow ndab ku rognew e thin nib kireb nib togopluw ngak Got.


ni yugu aram rogon nib kireb e thin ni ugog nib togopluw ngak kakrom, mu ug gafgownag ma gu be yog e thin nib kireb nga fithingan. Machane me runguyeg Got, ya de mich Kristus u wun’ug e ngiyal’nem, ni aram e dagur nang e n’en ni gu be rin’.


Ma thangri dab da ufanthin gad, ara i k’aring bagadad e damumuw ngak bagadad, ara i awan’ bagadad ngak bagadad.


nge tayfan nge meybil ngak e liyos nma meybil boch e girdi’ ngay, nge pig; nge tathil ni be tay e girdi’, nge cham ni yad be tay, nge awan’, nge damumuw, nge athamgiliy ban’en ni fan e gur fa’anem e nganog e sorok ngom. Ma yad be wear ngar yuraba’gad ara ra yu’ulunggad;


miyow par be’ ni gathi mabgol rok, me chogow, me rin’ urngin mit e kireb; me sabanban, me puwlag, me awan’, me t’ar e thin nga daken be’, me tolngan’, me balbalyang —


Me yik’ e girdi’ nga gowelngin nib gel, miyad yog e thin nib kireb nib togopluw nga fithingan Got, ni ir e be tay murung’agen e pi gafgow ney; machane dar pi’ed keru’rad ko denen ni yad be rin’ ngrogned e sorok ngak Got.


Fa’anra be’ nib papay e damumuw ngak, ma ga digey nge sul wenigan e tirok’ ngak. Ma fa’an ga ra ayweg ko oloboch rok ta’abyay, ma ke mdugil ni ka ga ra ayweg bayay.


Yad bod e n’ew ni gagang’ ley u maday, ni be m’ug pangirad ni yima tamra’ ngay ni bod feni gagiyel e wuth ko n’ew. Yad bod e t’uf nma n’ag gil’, ma ke tay Got tagil’rad ni ngar pired u fithik’ e rumug ni yam’ ndariy n’umngin nap’an.


Me chuweg Lot u rom nde buch ban’en rok, ni ir be’ ni bfel’ ni i kireban’ ko ngongol ni darngal ni be ngongliy e girdi’ ni dariyfan e motochiyel u wun’rad.


Ere dab ku un lifith l’uguney! Ra be’ ma thangri yog e tin nib riyul’ ngak walagen, ya gadad gubin ni go’ gadad yu yang u downgin Kristus.


Swiv nou:

Piblisite


Piblisite