Kolose 3:10 - Bible Ni Thothup

¹⁰ ma bin be’ech i gimed e kamon’ed nga dakenmed. Ireray e bin nib be’ech i gimed, ni Got ni ir e sunumiy e yugu be be’echnag i yan ni nge yan i par ni bod ir, me fal’eg rogomed ngar mu nanged ir.

Kolose 3:10 Referans Kwoze

Roma 12:2

Dab mu folgad ko ngongol ni yibe rin’ u roy u fayleng, machane mpi’ed gimed ngak Got nge piliyegmed, ni aram e kari piliyeg lanin’med ni polo’. Ma aram e rayag ni ngam nanged e tin nib m’agan’ Got ngay — ni tin ni bfel’, ni bfel’ u wan’ Got ma rib yal’uw.

Efesus 2:10

I Got e sunumiydad, mu daken e ta’ab girdi’ ni kad ted Kristus Jesus e ir e ngongliydad riy ni fan ko maruwel ni bfel’ ni kem’ay i ngongliy rok ke tay ni ngad muruwliyed ko biney e tamilang.

Kolose 3:12

Gimed girdi’en Got; ya gimed ba t’uf rok ma ke duwgiliymed ni ngam manged girdi’en. Aram fan ni runguy, nge gol, nge sobut’an’, nge sumunguy, nge gumaen’ e thingar mon’ed nga dakenmed nge mang mad romed.

2 Korinth 5:17

Ngiyal’ nra ta’ab girdi’ be’ nge Kristus e aram e ngiyal’ nike mang fa’anem reb e girdi’ nib be’ech ni ka fin nsunumeg: bin kakrom i ir e ke chuw, ma bin nib be’ech i ir e ke yib i m’ug.

Psalms 51:10

A Got, mu sunumeg e tafinay nib machalbog u fithik’ag, ma ga pi’ reb e tafinay ngog nib be’ech ma ba yul’yul’.

Ezekiel 11:19

Ma bay gu pi’ ngorad reb e gumircha’ nge reb e tafnay nib be’ech. Mu gu chuweg gumircha’rad ni gelan’ nggu pi’ ngorad ba gumircha’ nma fol.

Kolose 3:14

Nge rogon nib t’uf Got nge girdi’ romed e ngam puthuyed nga urngin e pin’ey, ni ir e ma chugumiy urngin ban’en nga ta’bang nge par nike fel’ rogon.

Ezekiel 36:26

Bay gu pi’ ba gumircha’ nib be’ech ngomed nge reb e leam nib be’ech. Bay gu chuweg gumircha’med ni bod feni el e malang mu gu pi’ ngomed ba gumircha’ nma fol.

1 John 2:5

Machane en nra fol ko thin rok Got e aram e cha’ ni rogon nib t’uf Got rok e ke yan i aw nrib fel’ rogon. Ireray rogon me muduwgil u wun’dad ni gadad be par u fithik’ Got.

Roma 13:14

Machane ngam feked talin e cham rok Somol Jesus Kristus, mi gimed tal ndab ku um rin’ed e tin nib kireb ni be ar’arnag e dowef romed.

1 John 2:3

Fa’an gadad ra fol ko tin ke yog Got ngodad ni ngad rin’ed, ma aram e ke muduwgil u wun’dad ni kadnanged ir.

Roma 8:29

Pi’in ke mu’ i mel’egrad rok Got e ku errogon nike falrad ngabang ni ngar boded e cha’ ni Fak, ya nge par ni en ni Fak e ir e ba ilal u fithik’ e pi walag nem ni yad bpire’.

John 17:3

Ba’aray ara’ e yafos ndariy n’umngin nap’an: ni aram e nge nangem e girdi’ ni kari mmus ni gur e bin riyul’ e Got, miyad nang ko mini’ Jesus Kristus, ni ir e kam l’oeg ke yib.

Ezekiel 18:31

Mpaged urngin e kireb ni gimed be rin’ mi gimed tay lanin’med nge gum’ircha’med nike be’ech. Mang ni gimed ba’adag piyu Israel ni ngu’um m’ad?”

Revelation 21:5

Ma fa’anem nike par nga tagil’ e ga’ar, “Chiney e nggu thiliyeg urngin ban’en nge be’ech!” Miki ga’ar ngog, “Mu yoloy e ren’ey, ya pi thin ney e ba riyul’ mrayag ni ngan pagan’uy ngay.”

Efesus 2:15

I n’ag fan e Motochiyel rok piyu Israel, ni urngin e motochiyel ni bay riy nge tin kanog ndab nrin’ nge tin ni yira rin’, ni fan e nge ta’ab girdi’nag piyu Israel nge pi’in gathi yad piyu Israel nge chagiy ngak ngar ta’ab girdi’gad, ireray rogon ni rin’ me yagnag e gapas u thilin e girdi’ nu Israel nge pi’in gathi yad piyu Israel.

Galatia 6:15

Dariy ban’en nrogon ni fa’anra dawor ni maad’ad ngak be’ ara kan maad’ad ngak. Ya n’en ni ir e ba ga’ fan e nge thil be’ nge par ni be’ ni Got e ka fini sunumeg.

2 Korinth 4:6

Fare Got ni ir e yog ni ga’ar, “Nge m’ug e tamilang u fithik’ e lumor!” e ku ireram e re Got ni ir e ke tamilangnag an’mad kug nanged e fla’ab rok ni be gal ram’en u owchen Kristus.

2 Korinth 3:18

Ma gadad ndawor ni upunguy ban’en nga owchedad e be gal ram’en Somol rodad nike af rok ngodad, ni gadad gubin ma be ga’ ram’en rodad i yan ma gadad be pig i yan nga ya’an e ren’en ni be gal ram’en rodad, ni fare Kan Nthothup rok Somol e be muruwliy e ren’ey.

Roma 13:12

Kari chugur ni nge chuw e neap’, nike chugur ni nge rran. Marod ngad n’iged ngongolen fithik’ e lumor. Marod ngad feked talin e cham ni yima cham ngay u fithik’ e tamilang.

Galatia 3:27

Ya kan tawfe nagmed ko ta’ab girdi’ ni kam ted Kristus, ma aram fan nike yag ngomed fel’ngin Kristus.

Isaiah 52:1

Jerusalem, mu gel me gilbuguwam bayay! Binaw rok Got ni gab thothup, mon’ nga dakenam e mad rom nib gamog! Pi’in gathi yad e girdi’ rog e dab kurbad ngalan e yoror rom bayay.

Hebrews 6:6

Nge mu’ miyad thay! Ri dabkiyag ni ngan fulwegrad ngar kolgad ngan’rad bayay miyad pi’ keru’rad ko denen, ni fan e kar sulod kar richibiyed e en ni Fak Got ko kuruth bayay kar tamra’niged nga fithik’ e girdi’.

Isaiah 59:17

Bayi yon’ e tin nib mat’aw nga daken ni bod fa gin’en u daken ngorngoren e salthaw, ma re gelngin nma thapeg e girdi’ ngak e ir e nge mang urwach rok. Bayi yon’ nga daken ni bod e mad ba tafinay ni thangri ayliy e pin’en ni bfel’ rogon ni nge gechig me felbiyen e pi kireb nike gafgow e girdi’ u tanggin.

BABYOR NI JOB 29:14

Urngin ngiyal’ ma gu ma ngongol nib mat’aw ma dagur lanyan’.

Genesis 5:1

Irera’ fithingan e pi’in owchen Adam nni yoloy. (Nap’an ni sunmeg Got e girdi’, me ngongliyrad ni bod ya’an.

Roma 6:4

Ere tawfe ntay ngodad e kan unegdad ngak kan k’eyagdad kad uned ngak ko yam’, ni fan e rogon ni faseg e en ni Chitamangiy Jesus nga gelngin nrib gel, e ku aram rogodad ni nge yag ni ud pired ko bin nib be’ech e pangin.

2 Korinth 4:16

Ireray fan nri der mulan’dad. Yugu ra be wod dowdad i yan, ma lanin’dad e yibe be’echnag u reb e rran ngu reb.

Filemon 1:6

Gu be meybil ni ta’ab girdi’ ni kad ted ni bochan e michan’ rodad ngak Kristus e bayi ayuwegmed ngam nanged fan urngin e tin ni bfel’ ni be yib ngodad u daken Jesus Kristus.