Kolose 2:13 - Bible Ni Thothup

¹³ Bay ba ngiyal’ ni um pired ni gimed ba yam’ ni bochan e denen romed, ma bochan e um moyed u wuru’ e Motochiyel rok Got ni fan e gathi gimed piyu Israel. Machane chiney e ke unegmed Got ngak Kristus ke fekmed i yib ko yafos! I Got e ke n’ag fan urngin e denen rodad.

Kolose 2:13 Referans Kwoze

Efesus 2:1

Kakrom e um pired u tan e gechig rok Got ni aram e gimed ba yam’ ni bochan e denen romed ma da um folgad rok Got.

Roma 8:11

Fa’anra be par fare Kan ni Thothup rok Got u fithik’med, ni ir e faseg Jesus ko yam’, me ere en ni ir e faseg Kristus ko yam’ e ku ra pi’ e yafos ko dowef romed nra yim’, nra pi’ u daken fare Kan ni Thothup rok ni bay u fithik’med.

2 Korinth 3:6

ya ir e ke pi’ gelngimad ni nggu pigpiggad ko fa bin nib be’ech e m’ag, ni gathi ni ngongliy ko motochiyel ni kan yoloy, machane yib rok fare Kan Nthothup. Fare motochiyel ni kan yoloy e ma fek e yam’ i yib, machane fare Kan Nthothup e ma pi’ e yafos.

Hebrews 9:14

Ere fa’anra ireray rogon nib riyul’ e re bugithin ney, me ere ka ba ga’ e tin ni ngongliy racha’en Kristus! Ya fare Kan Nthothup ni bay i par ndariy n’umngin nap’an e ayuweg nge pi’ ir ni maligach ni bfel’ ngak Got. Racha’en e ir e ra be’echnag lanin’dad ko ngongol ndariyfan, nge yag nda pigpiggad ngak fare Got ni be par nib fos.

2 Korinth 5:19

Gamad be machibnag ni Got e be m’ag e tafager ngak urngin e girdi’ u daken Kristus. I Got e daki tay u wan’ e denen rorad, ma ke pi’ e thin riy ngomad ngarogon nra ngongliyrad ngar manged pi tafager rok.

Efesus 2:11

Gimed e pi’in nni gargel nagmed ni gathi gimed yu Israel — nma yog yu Israel ni gimed e girdi’ ndanir maad’ad ngomed, ma yad e karogned yad ni yad e pi’in ni yima maad’ad ngorad (ni ren’ey e be yip’ fan e n’en nma rin’ e girdi’ nga dowrad) — mu tafinay niged rogomed kakrom.

Luke 15:32

Machane thingar da ngongliyed e madnom ngad felfelan’gad, ya walagem e yim’, machane chiney e ke fos; i malog, machane chiney e kan pir’eg.’ ”

Luke 15:24

Ya cha’ ni fakag ney e yim’, machane chiney e ke fos; i malog, machane chiney e kan pir’eg.’ Ma aram miyad tabab ko madnom.

Psalms 71:20

Gur e kam l’oeg e oloboch nge gafgow ke yib ngog, machane bay mu fulweg gelngig ngog; bay mu teg u orel ko low ko yam’.

James 2:26

Ni bod rogon e dowef nra dariy e pogofan riy ma ba yam’, ere ku errogon e michan’ ngak Got nra de cheag e ngongol ngay ma ba yam’ fare michan’.

Efesus 5:14

ya ren’en ni ka nib ndag ngalan e tamilang e ra mang tamilang. Aram fan ni kanog ni kan ga’ar, “Mu od, i gur e en ni ga be mol, mu fos u fithik’ e yam’! Me gal ram’en Kristus nga dakenam.”

1 Korinth 15:45

Ya be ga’ar e babyor nib thothup, “Bin som’on e girdi’ e Adam ni Got e sunumeg me tay nib fos”; ma bin tomur e Adam e ir fare Kan nma pi’ e yafos.

Roma 6:13

Ma thingar dab kum paged fan bang u dowmed ngak e denen ni ngan maruwel ngay ni fan ko tin nib kireb. Machane ngam pi’ed gimed ngak Got, ni bod rogon e girdi’ ni kan chuwegrad ko yam’ kan fekdad ko yafos, mi gimed pi’med nge tafinay romed ni polo’ ngak ngan maruwel ngay ni fan ko tin nib mat’aw.

1 John 2:12

Gu be yol ngomed, pifakag, ni bochan e ke n’ag Got fan e denen romed u wan’ ni bochan fithingan Kristus.

1 Korinth 15:36

Gab manan’! Ra mu yung ba awoch nga fithik’ e but’ ma dabi tugul ni fa’anra dabi pil nge wod.

John 5:21

Ya en ni Chitamangiy e ma faseg e yam’, ere ku errogon e en ni Fak nma pi’ e yafos ngak e pi’in ba’adag ni nge pi’ e yafos ngorad.

Luke 9:60

Me fulweg Jesus ni ga’ar, “Mpag e pi’in yad ba yam’ ngar k’eyged e yam’ rorad. I gur e mman ngam machibnag ngak e girdi’ murung’agen e gagiyeg rok Got.”

Isaiah 55:7

Pi’in kireb e ngongol rorad e ngar paged, miyad thiliyeg rogon e leam ni yad be tay. Miyad sul ngak SOMOL, ni Got rodad; ya ri ma runguy e girdi’, ma ba gur ni ma n’ag fan ban’en u wan’.

Psalms 119:50

Mus u fithik’ e gafgow rog mab aw e gapas u lanin’ug ni bochan e n’en ni mmicheg e ke pi’ e yafos ngog.

Hebrews 6:1

Ngad paged nga tomur urngin e tin ni ka’ad weliyed ni murung’agen Kristus ngad tiyan’dad ko tin ni kabay riy ni ngan fil ngad mu’niged, me siy kud sulod bayay ko tin ni ka’ad filed, ni aram e murung’agen ni ngan pi’ keruuy ko tin ndariyfan e ngongol nge mang Got e mich u wun’uy;

1 Timothy 5:6

Machane re pin nike yim’ e pumo’on rok ma ke pi’ ir ko tin ni be ar’arnag ke pag rogon e yugu aram rogon ni be par nib fos, machane ba yam’.

Roma 4:17

Ni bod rogon ni be yog e babyor nib thothup ni be ga’ar, “Kug ngongliyem kam mang chitamngin bo’or e nem.” Ere pi thin ney nike yog Got e bfel’ u p’eowchen Got, ni ir e re Got nib mich u wan’ Abraham — ni ir fare Got nma faseg e yam’ mra non me sum e tin nda immoy ban’en.

John 6:63

En nma pi’ e yafos e aram fare Kan ni Thothup; ma bin kakrom i gimed e dariy ban’en ni bfel’ ni yib rok. Fapi thin ni kug weliy ngomed e yib rok fare Kan Nthothup ma re thin nem e ma pi’ e yafos.

Jeremiah 31:34

Ma dakuriy bagayad ni nge machibnag bagayad, ma dakuriy bagayad ni nge weliy e thin ngak bagayad ni nge ga’ar, ‘Ngam nang SOMOL.’ Yad gubin ni bay ra nanged gag ni mus rok e en nth’abi sobut’ nge mada’ ngak e en nth’abi tolang rorad. Bay gu n’ag fan e denen rorad u wun’ug ma dab ku gu leamnag e kireb ni kar ngongliyed. I Gag SOMOL e kugog e pi thin ney.”

Isaiah 1:18

Be ga’ar SOMOL, “Mired ngad puruy’gad. Kam alitgad ko denen nib row ram’en, machane bay gu maluk nagmed ngam be’echgad ni bod feni be’ech e ayis. Yug aram rogon ni kam alitgad nrib row ra’en, ma bay mu wechwechgad ni bod bunu’en e saf.

James 2:20

Ri gab balyang! Gab adag ni ngan dag ngom ni michan’ ngak Got nde cheag e ngongol ngay e bm’ayfan?

James 2:17

Ere ba’aray rogon e michan’ ngak Got: fa’anra kemus ni go’ michan’ ngak Got ma de cheag e ngongol ngay, ma aram e ba yam’ fare mich.

1 Timothy 6:13

Gu be ta’chiylen ngom u p’eowchen Got, ni ir e ma pi’ e yafos ngak urngin ban’en, ngu p’eowchen Kristus Jesus, ni fa’ani ir e weliy fare welthin ni bfel’ u p’eowchen Pontius Pilate ni be lungug:

Psalms 32:1

Ba felan’ e cha’ nike n’ag Got fan e denen rok, ni kireb rok e ke thang Got.

Kolose 2:12

Ya fa’an ntawfe nagmed, ma aram e kan unegmed ngak Kristus kan k’eyagmed, ma tawfe ntay ngomed e ir e kun unegmed riy ngak Kristus ngan fasegmed ko yam’ u daken e michan’ romed nga gelngin Got ni be maruwel, ni Got ni ir e faseg Kristus ko yam’.