Judges 8:3 - Bible Ni Thothup

³ U daken gelngin Got ma kam li’ed fa gal ga’ nu Midian karm’ow, i Oreb nge Zeeb. Mang e kug rin’ nra pulweg e biney?” Fa’ani yog e re bugithin ney, me m’ay e damumuw rorad.

Judges 8:3 Referans Kwoze

Proverbs 15:1

Fulweg ku be’ nib sumunguy e ma chuweg e damumuw, ma fulweg u fithik’ e thin nib gel e ma k’aring e damumuw.

Filippi 2:3

Dabi suk’ ngan’med ni ngam muruwliyed ban’en ni gimed e ngam m’onod riy ni fan e nganogmed riy ni gimed e soromed, ara bochan e nge yib ufan ngomed; machane nge bigimed me sobut’nag ir, ma dabi finey bigimed ni ir e ba sorok ngak e tin ni kabay e girdi’.

Roma 12:6

Ere ngad maruwelgad ko pi salap rodad nib thilthil nrogon ni pi’ Got ngodad nib tow’ath. Fa’anra salap rodad ni pi’ Got nib tow’ath ngodad e ngad machib niged e thin rok ngak e girdi’, ma thingar da rin’ed nrogon e michan’ rodad ngak Got.

Roma 12:3

Ke runguyeg Got ke pi’ e salap ngog, ma aram fan ni nggog ngomed ni gimed gubin ndab um tolang niged gimed u lanin’med nge pag rogon e leam nsusun e ngu’um ted, machane ngu’um leamgad u fithik’ e leam nib sobut’, me bigimed me gonopiy u wan’ e tin nrayag rok nib m’ag nga gelngin e michan’ rok ngak Got nike pi’ Got ngak.

John 4:37

Ya fare bugithin ni yima yog e ba riyul’ ni fa’ani ga’ar, “Be’ e yung, me t’ar be’ wom’ngin.

Proverbs 25:15

Guman’ nge thin nib simunguy e rayag ni nge t’ar lanyan’ be’ ni der pag lanyan’, ma ku rayag ni nge thilyeg lanyan’ e pi tayugang.

Proverbs 25:11

Ba tafinay nni weliy ni bfel’ rogon nge tamilangan’uy riy e bod rogon e gol ni ka ni ngongliy ni bfel’ ya’an ka ni ayliy nga daken e silber.

Proverbs 16:32

Kabfel’ ni ngam gumaen’ ko bin ngam ma’ngach. Kabfel’ ni ngam nang rogon i gagiyeg nagem ko bin ngam gagiyegnag e binaw ni polo’.

Psalms 115:1

Kemus ni gur, A SOMOL, kemus ni gur e thingar ni gilnagem, ma gathi gamad, ni bochan e t’ufeg rom nge fanam yul’yul’ ni dabimus.

Psalms 44:3

Pi girdi’ rom e dar gelgad ko fare nam ni bochan e saydon rorad; ma ku gathi gelngirad e ra gelgad riy; ya ra gelgad u daken gelngim nge fenam gel, ya ga bay rorad, ni aram e be dag ni yad ba t’uf rom.

Judges 8:2

Machane me ga’ar ngorad, “N’en ni kug rin’ e dabi ta’reb rogon ko tin kam ngongliyed. Chu’uw ni kam ngongliyed e girdi’ nu Efraim e ka ba ga’ fan nga urngin e tin ke ngongliy e karog e girdi’ ni polo’.

Judges 8:4

Me yib Gideon nge fa 300 i pumo’on ni salthaw rok ko lul’ ni Jordan ngar th’abed nga baraba’. Ma ke aw porowrad, machane kayad be lol’oeg e to’ogor rorad.