Judges 7:5 - Bible Ni Thothup

⁵ Me fek Gideon fapi pumo’on i yib nga pe’ning ko ran, me ga’ar SOMOL ngak, “Mu ki’eg e gubin e pi’in yad be unum e ran nga bolowtharad ni bod e pilis, rok gubin e pi’in kar garbuggad nga but’ ni ngar unumed e ran.”

Judges 7:5 Referans Kwoze

Judges 7:4

Me ga’ar SOMOL ngak Gideon, “Ka bo’or e girdi’. Mu fekrad nga pe’ning ko ran, ma bay gu ayuwegnem nggu ruw ulung nagrad u rom. Fa’anra gog ni nge un be’ ngom mra un. Ma fa’anra gog ni dabi un be’ ngom ma dabi un.”

Judges 7:6

Ma 300 e pumo’on nra l’inged e ran nga pa’rad ngu’ur lil’ed. Ma tin ni magey e rragbug nga but’ ngar unumed e ran.

Psalms 110:7

Re pilung nem e bayi unum e ran ko fachpa’ i lul’ u charen e wo’, me yib gelngin, me par ni ir e ke gel ko mael.

1 Kings 17:13

Me ga’ar Elijah ngak, “Dab mu rus, mman ngam ngongliy e ggan romew, machane som’on e ngam fek e chu’uw i flowa ni bay rom ngam ngongliy ba flowa riy nib achig ma ga fek i yib ngog, ma tin ke magey riy e ngam ngongliy rogon ngam kew fakam.