Judges 7:3 - Bible Ni Thothup

³ Nge lungum ngak e girdi’, ‘En be rus e nge chuw ko burey ni Gilead nge sul nga tafen, ma gadad e bay dapired u roy ko Burey nu Gilead.’ Ma aram e rliw’ nge l’agruw bbiyu’ i yad e sul, me par ragag bbiyu’.

Judges 7:3 Referans Kwoze

Deuteronomy 20:8

“Ma fapi tolang ko salthaw e ku yad ra ga’ar ngak fapi salthaw, ‘Bay be’ u roy nike waer lanyan’ kerus? Fa’anra bay, ma nge sul nga tafen. Ya fa’anra dangay, ma ku ra waernag laniyan’ e tin kabay e salthaw.’

Revelation 17:14

Bay ra chamgad ngak fare Fak e Saf; machane fare Fak e Saf nge pi’in ke piningrad nike mel’egrad, ni pi’in yad ba yul’yul’ ma yad be un ngak e bay ra gelgad ngorad, ya ir e Somol ko pi somol nge Pilung ko pi pilung.”

Revelation 21:8

Machane pi’in nra paged gag ni bochan e yad be rus, nge pi’in nda ur yul’yul’gad ngog, nge pi’in ur puwlaggad, nge pi’in nra thanged e pogofan, nge pi’in ni ur ngongliyed e ngongol ko darngal, nge pi’in ur piggad nge pi’in ni ur ted fan e liyos ma yad be meybil ngay, nge urngin e pi’in ur lifithed l’ugunrad e tagil’rad e fare lipath i nifiy ni be daramram ko sulfur, ni aram e bin l’agruw yay e yam’.”

Matthew 20:16

Me ul ul Jesus ngay nge ga’ar, “Ere pi’in yad ba tomur e bay ra m’onod, ma pi’in yad mm’on, e bay ra tomurgad.”

Matthew 13:21

Machane ri de rich nga fithik’ i lanin’rad, ma aram me de par e thin rok Got u lanin’rad nib n’uw nap’an. Ma fa’ani yib e gafgow fa togopluw ni bochan e re thin rok Got nem, mra paged yad ni ka chingiyal’ nem.

Judges 6:35

Miki l’oeg e pi tamal’og ngranod u l’agruw raba’ fare ganong rok Manasseh ni yibe piningrad ni ngar leked. I l’oeg e pi tamal’og ko pi ganong rok Asher, Zebulun, nge Naftali, ma go’ rabad ni ngar uned ngak.