Judges 7:2 - Bible Ni Thothup

² Me ga’ar SOMOL ngak Gideon. “Kayigi pire’ e pumo’on nike un ngom ndabiyag ni gu pagrad ngar gelgad ngak piyu Midian. Ya richey miyad leamnag ni kar gelgad u gelngirad, ma dab ra leam niged ni gag e kug ayuwegrad.

Judges 7:2 Referans Kwoze

Deuteronomy 8:17

Ere dabi ga’ar bigimed u wan’, ‘Gelngig nge fanag madangdang e ke yagnag ngog e re fel’ rogon ney ni kug tay.’

2 Korinth 4:7

Machane gamad e pi’in bay romad e ren’ey ni bfel’ ni pi’ fare Kan Nthothup e gamad bod e rume’ ni but’, ni nge m’ug ni re gelngin nem ni ir e ba th’abi gel e yib rok Got, ma gathi gamad e yib romad.

Roma 11:18

Aram fan nthingar dab mu darifannag e pi’in yad bod fapi papa’ngin fare ke gek’iy ni kan t’ar kan n’ag. Ra di’in me tolangan’um? Ya gur e kemus ni gab pa’ngin; ma gathi gur e ga be chibiy lik’ngin, ya lik’ngin e ir e be chibiyem.

Efesus 2:9

Dariy ban’en ko pin’ey ni ngam ufanthin gad ngay, ni fan e gathi ban’en ni gimed e mmuruwliyed ngam yag niged.

Zekariah 12:7

“I Gag SOMOL e bay gu pi’ gelngin e pi salthaw nu Judah ngar gelgad nsom’on, ya nge dab ni leamnag ni pi’in owchen David nge girdi’ nu Jerusalem e yad ba sorok boch ngak piyu Judah.

Zekariah 4:6

Fare engel e yog ngog ni nggu pi ngak Zerubbabel e re thin ney rok SOMOL: “Bay mman’og ni gathi gelngin e salthaw rom, ma gathi gelngim, ya gelngig.

Ezekiel 28:17

U mu ufanthin nga fanam picho’ay, ma fenam gamog e gagiyeg nagem ngam ngongol i balyang. Ni arfan ngay ni kug tharbegem nga but’ kug pagem ni ngam mang ba magin ni nge ginaeng boch e pilung.

1 Samuel 14:6

Me ga’ar Jonathan ngak fare pagel, “Ngad th’abew e kanawo’ nga baraba’ ngdarow ko gin be par e pi Filistine riy, ni bogi ni’ ndar nanged Got. Sana ra ayuwegdow SOMOL; fa’anra rin’, ma rib muduwgil nra gagiyegnag ngad gelgow, ndariy fan ni ara’ rogon nri gadow l’agruw.”

Deuteronomy 32:27

machane dabiyag ni gu pag e pi to’ogor rorad ngar ufgad ni bochan e kar gelgad ngak e girdi’ rog ko mael, ni fa’an gowa gathi gag e kug pag e gafgow ngorad.’

Roma 3:27

Ere mang e kabay ni gomanga gadad ra weliy nib sorodad riy? Dariy! Ma mang tapgin? Bochan e gadad be fol ko Motochiyel? Danga’, machane bochan e ke mich Jesus u wan’dad.

Habakkuk 1:16

Yad ma meybil ko pi nug rorad ma yad ma pi’ e gamanman ni maligach ni fan ngay, ya nug rorad e be yagnag ngorad urngin e pin’en nib th’abi fel’.

Daniel 4:30

me ga’ar, “Kari gilbuguwan yu Babylon! I gag e gu muruwliy ni nge par ni ir e ba ga’ u fithik’ e pi binaw rog ni ngi i dag gelngin nge rogon e gagiyeg ni gu be tay, nge feni sorog nge fanag pilung.”

Ezekiel 28:2

Ni ga’ar, “Fak e girdi’, mog ko en ni be tay murung’agen yu Tyre, e n’en ni gu be yog ngak, I Gag, SOMOL ni Th’abi Tolang: Kam langlang ngalang ko ufanthin, ga be yog ni gur reb e got. Ga be yog ni gab got ni ka mu par nga tagl’im ni tagil’ e pilung, nib liyegem e day. Rayag ni ngu’um dake gab got, machane dangay, ya gab girdi’ gathi bod rogom ba got.

Jeremiah 9:23

Be ga’ar SOMOL, “En nib gonop e dabi uf ko gonop rok, ma en nib yargel e dabi uf nga gelngin, ma en nib pire’ ban’en rok e dabi uf ko fel’ rogon rok.

Isaiah 10:13

Emperor nu Assyria e ufanthin nge ga’ar, “Yigo’ gag e ku gu ngongliy urngin e pin’ey. Ya gub madangdang ni gub gonop ma gub llowan’. Ku gu thirif ke chuw e pi mathil u thilin e pi nam ma kug fek e pi chugom rorad. Kug yot’yotrad nga but’ ni bod ba garbaw ni pumo’on e pi’in yad ma par u rom.

2 Kronicles 14:11

Me meybil Asa ngak SOMOL ni Got rok ni ga’ar, “SOMOL, rayag rom ni ngam ayuweg barba’ i salthaw nib waer ni bod feni mom ni ngam ayuweg barba’ i salthaw nib gel. SOMOL ni Got romad mu ayuwegmad e chiney, ni bochan e gamad be gif ngom, mu daken fithingam e kugbad riy ni nggu chamgad ngak e re raba’ i salthaw ney nib ga’. SOMOL i gur e Got romad; dariy be’ nrayag rok ni nge gel ngom.”

Isaiah 2:17

Tolngan’ ko girdi’ e bayi tal, me thang mit e ufanthin ko girdi’. Ma pi liyos e gubin ni bayi m’ay nga bang, ma SOMOL ni go’ ir, e bayi gilbugwan e rofen nem.

James 4:6

Ya ayuw nma pi’ Got ngodad e rib gel. Ya be yog e babyor nib thothup ni be ga’ar, “I Got e ma togopluw ngak e pi’in nib tolangan’rad, ma ma ayuweg e pi’in nib sobut’an’rad.”

Isaiah 2:11

Bay i taw nga reb e rran ni bayi tal e tolngan’ ko girdi’ me math mit e ufanthin. Ma aram e SOMOL e go’ ir e bayi gilbugwan.

Deuteronomy 8:18

Dab mu paged talin ni SOMOL ni Got romed e ir e be pi’ gelngimed be yo’or ban’en romed. Be rin’ ni ara’ rogon, ni bochan e ka daba’ ma ku be par nib yul’yul’ ko fare m’ag ni ngongliy u thilrad e chitamangimed ni kakrom.

Genesis 46:2

Me non Got ngak Israel nnep’ ni ga’ar, “Jakob, Jakob.” Me ga’ar Jakob, “Gu be motoyil.”

Numbers 31:4

Ra reb e ganong nu Israel ma nge pi’ reb e 1,000 riy nge yan ko mael.”