Judges 7:1 - Bible Ni Thothup

¹ Me od Jerubbaal (ni aram Gideon) nri kakadbul nge urngin e pumo’on ni kar uned ngak ngranod ra pired nga charen fare Alublub nu Harod. Ma ke par piyu Midian ngalan e loway ko lel’och rorad, u charen e burey ni Moreh.

Judges 7:1 Referans Kwoze

Judges 6:32

Ma aram e ngiyal’nem i yan nga m’on e ni piliyeg fithingan Gideon nge par ni Jerubbaal ni bochan e ga’ar Joash, “Mpaged Baal nge mang ir e ayuweg ir; ya ir e altar rok e kan buthug.”

Eklesiastes 9:10

Demturug ko mang e ga be rin’ ma ngam rin’ ni karimus rogom riy, ni bochan e dakriy ban’en ni ngan rin’, ma dariy e tafinay, ma dariy e llowan’, ma dariy e gonop u lan e fayleng ko yam’ — ni aram e gin ni ngam man ngay.

Genesis 12:6

me milekag Abram nge yib i mada’ ko fa gin’en ni bay fare ke gek’iy ni oak riy u Moreh u lan e binaw nu Shekem. (Re ngiyal’ i n’em e ka be par e girdi’ ni kanog e Kanaanite ngorad u lan e re nam nem.)

Joshua 6:12

Me od Joshua nri kab kadbul u reb e rran riy, me fek e pi prist fare Kahol ko M’ag.

Joshua 3:1

Ri kakadbul me od Joshua, ni ir nge urngin piyu Israel ngar chuwgad ko gin ur pired riy u Shittim, miyad yan nga Jordan. Mranod ra pired nga bang u rom ngar son niged e ngiyal’ ni ngar th’abed fare lul’ nga barba’.

Deuteronomy 11:30

Gali burey ney e yow bay ko ngal ko lul’ ni Jordan u lan e nug rok yu Kanaan ni yad ma par u lan fare loway nu Jordan. Yow ba kan ko ngal, dar paloggow ko fapi gek’iy ni machmach nu Moreh nib chugur ko fare binaw nu Gilgal.)

Genesis 22:3

Me reb e rran riy nri kakadbul me fal’eg Abraham rogon e dongki rok, me fek Isak nge l’agruw e tapigpig rok ngranod. Me th’ab e l’ud nge fek ni fan ko fare maligach ni ngan pi’, miyad sor ko fa gin’en nike yog Got murung’agen ngak.

Judges 6:40

Re nep’ i n’em e rin’ Got ni aram rogon. Me kadbul riy ma ke mlik fapi bunu’en e saf, ma daken e but’ e ke garda’ ko wa’angachal.

Judges 8:29

Me sul Gideon nge yan i par ko naun rok.

1 Samuel 12:11

Me pi’ SOMOL Jerubbaal, nge Barak, nge Jefthah, nge gag Samuel nggu chuweged gimed u pa’ e pi to’ogor romed, mi gimed par ndakuriy e riya’ u puluwmed.

Psalms 83:9

Mu rin’ ngorad ni bod ni mu rin’ ngak e pi Midianite, nge Sisera nge Jabin ko fare Lul’ nu Kishon.

Judges 6:33

Ma aram me mu’ulung urngin yu Midian, nge yu Amalek, nge fa yu ulung i girdi’ ni yad ma par u daken e ted, miyad th’ab e lul’ ni Jordan nga baraba’ ngarbad ra pired ngalan e loway u Jezreel.

1 Samuel 29:1

Me pining yu Filistia urngin raba’ e salthaw rorad nga ta’bang nga Afek, ma ku aram e ngiyal nike n’uf piyu Israel e tent rorad ko fare alublub nu lane Loway ni Jezreel.