Judges 5:3 - Bible Ni Thothup

³ Mu telmed, e pi pilung! Mu sapgad, e pi’in gimed ma gagiyegnag e girdi’! Ya nggu tang mu gu chubeg e musik ni fan ngak e Got rok piyu Israel, ni ir e SOMOL!

Judges 5:3 Referans Kwoze

Psalms 119:46

Bay gu weliy e tin kamog ni ngan rin’ ko pi pilung ni dab gu tamra ngay.

Ezra 7:21

“I gag Artaxerxes ni Pilung e gu be yog ngak urngin e pi’in yad ma chubgiliy e salpiy ko Pilung u ley ni ngal e nug nu Eufrates ni be lungug ngorad: Urngin e tin nra yog Ezra ni prist ni ir e ba tamilangan’ ko Motochiyel rok fare Got nu tharmiy ni nga ni pi’ ngak e thingar ni pi’ urngin ni be ning,

1 Kings 19:14

Me fulweg ni ga’ar, “SOMOL ni Got, ni Gubin ma Rayag Rom, ka faram i yib ke mada’ ko chiney ni kemus ni gur e gu be pigpig ngom, machane girdi’ nu Israel e kar th’abed e m’ag u thilmed, ma kar buthuged e pi altar rom, ma kar thanged e pogofan ko urngin e pi profet rom. Kemus ni gag e kug magey, ma yad be guy rogon ni ngar thanged e pogofan rog.”

1 Kings 19:10

Me fulweg ni ga’ar, “SOMOL ni Got ni Gubin ma Rayag Rom, ka faram i yib ke mada’ ko chiney ni kemus ni gur e gu be pigpig ngom, machane girdi’ nu Israel e kar th’abed e m’ag u thilmed, ma kar buthuged e pi altar rom, ma kar thanged e pogofan rok urngin e pi profet rom. Kemus ni gag e kug magey, ma yad be guy rogon ni ngar thanged e pogofan rog.”

1 Kings 18:22

Me ga’ar Elijah, “Kemus ni gag e kug magey ni profet rok SOMOL, machane 450 e pi profet rok Baal.

Judges 5:7

Deborah, i par fapi binaw nu Israel ni kan n’ag, i par e pi binaw nem ndariy e girdi’ riy nge mada’ ko ngiyal’ ni mub, ni mub ni bod ba matin ngak piyu Israel.

Deuteronomy 32:3

Bay ug pining e sorok nga fithingan SOMOL, ma girdi’ rok e bay ur weliyed feni sorok.

Deuteronomy 32:1

“Fayleng nge lanelang, mu telmew ko thin rog, mu uthumew telmew ko tin nggog.

Levitikus 26:28

ma aram e bay gu sap ngomed u fithik’ e damumuw rog, mu kug gelnag e gechig ngomed ni medlip yay nib gel boch ko kafram.

Exodus 31:6

Kug mel’eg Oholiab nib mo’on ni fak Ahisamak, ni be’ ko fare ganong rok Dan, ni ngar maruwel gow Bezalel u ta’bang. Ma kug pi’ e salap ngak boch e pumo’on nrayag e maruwel rorad, ya nge yag nra muruwliyed gubin e tin kugog ni ngan mu’nag:

Genesis 9:9

“Chiney e nggu ngongliy e m’ag u thildad nge pi’in ni bayi sum ni owchemed,

Genesis 6:17

Ya bay gu pi’ e ran nge yib nga daken e fayleng ni nge thang mit urngin ban’en nib fos. Ma urngin ban’en ni bay u daken e fayleng ni bay yim’,

Psalms 27:6

Pi to’ogor rog ni karon’edgag nga longob e bay gu uf ni kug gel ngorad. Bay ug pi’ e maligach ngak SOMOL u lan e Tempel rok ni kug pi’ lamag ngalang u fithik’ e felfelan’; bay gu tang, bay gu pining e sorok ngak SOMOL!

Psalms 61:8

Gubin ngiyal’ ni bay gon’ e tang ni gu be pining e sorok ngom, ko ngiyal’ ni gu be pi’ ngom ni yu rran e n’en ku gu micheg.

Psalms 146:2

Bay u gu pining e sorok ngak u n’umngin nap’an ni gu be par ni gub fos; Bay u gu tangnag e Got rog u n’umngin nap’an e yafos rog.