Jude 1:15 - Bible Ni Thothup

¹⁵ ni nge pufthinnag e girdi’ ni urngin, me gechignag urngin e girdi’ ntadenen ndariyfan Got u wun’rad, min gechig nagrad ni bochan urngin e ngongol ni ur ngongliyed ndariy Got u lanin’rad nge urngin e thin nib kireb nike yog e pi girdi’ nem nib togopluw ngak Got!”

Jude 1:15 Referans Kwoze

1 Korinth 4:5

Ere dab mu turguyed e kireb nga daken be’ u m’on ndawori taw nga nap’an. Bin tomur e pufthin e thangri son nge yan i mada’ ko ngiyal’ ni bayi sul Somol riy ni ba’aray rogon: bayi fek nga tamilang e tin yibe mithag me dag nga tamilang e tin nib mith ni i leamnag e girdi’. Ma aram e ra be’ ni bay rogon ni nge pining Got e sorok ngak ma bayi pining Got e sorok ngak fa’anem.

Roma 2:16

Ireray rogon e Chirofen ni bayi pufthinnag Got u daken Jesus Kristus urngin e tin nib mith ni be leamnag e girdi’, ni bod rogon ni be yog e Thin Ni Bfel’ ni yib rok Got, ni ir e gu be machibnag.

Eklesiastes 11:9

Girdi’ nike taw nga yangren, mu felfelan’gad nga yangarmed. Mu felfelan’gad e chiney nike taw nga gelingmed. Mu rin’ed e n’en ni gimed ba’adag ni ngam rin’ed, mi gimed lek fiti lanin’med. Machane dabi m’ay u wun’med ni Got e ra pufthin nagmed ko tin gimed be rin’.

1 Timothy 1:9

Machane thangri dab ni pag talin ni pi motochiyel e ni ngongliy ni gathi fan ngak e girdi’ ni bfel’, ya fan ngak e pi’in yad ma th’ab e motochiyel nge pi’in yad ma togopluw ko motochiyel, nge pi’in ndariyfan Got u wun’rad ma yad be ngongliy e tin nib kireb, nge pi’in ndarir liyorgad ngak Got nge pi’in ndariy ban’en nib thothup u wun’rad, nge girdi’ ni kar thanged e pogofan rok e chitamangirad ara chitiningrad, ma fan ngak e pi’in yad ma thang e pogofan ko girdi’,

Roma 14:10

Mi gur e en ni go’ yasay e ga ma kay — mangfan ni kam turguy e kireb nga daken be’ ni walagem ni girdi’en Kristus? Mi gur e en ni ga ma kay urngin mit e ggan — mangfan ni ga be darifannag walagem? Ya gadad gubin ni bay da sak’iygad u p’eowchen Got nge pufthin nagdad.

Roma 2:5

Machane kam gelnag lanin’um kam par. Aram e fin ga be ga’nag e gechig rom ko Chirofen ni bayi m’ug e damumuw rok Got nge gechig nike turguy nib mat’aw.

Acts 17:31

Ya ke turguy reb e rran ni ir e nge pufthinnag riy e fayleng ni polo’ nrogon nib mat’aw, ni nge rin’ u daken be’ nib mo’on ni ir e ke duwgiliy; nike dag e mich ko re bugithin ney ngak urngin e girdi’, ni fan e ke faseg e re mo’on nem ko yam’!”

John 5:27

Ma ke pi’ ngak Fak mat’wun ni nge pufthinnag e girdi’, ya ir e en ni Fak e Girdi’.

Psalms 98:9

ni bochan e yib ni nge gagiyegnag e fayleng. Ir e nge gagiyegnag e girdi’ u fayleng nib mat’aw ma ba yal’uw.

1 Samuel 2:3

Mu taleged e thin ni gimed be yog ni ba ga’ lammed ni gimed e soromed; ngam th’abed gulungumed ndab ku mu weliyed e thin ko ufanthin. Ya SOMOL e ba Got ni manang urngin ban’en, me ir e ma thabthabelnag urngin e tin be rin’ e girdi’.

Exodus 16:8

Me ga’ar Moses, “I SOMOL e bayi pi’ e ufin ngam ked ko blayal’, me pi’ e ggan ni urngin ni gimed ba’adag ko kadbul, ya ke rung’ag gelngin e thin ni kamogned nib togopluw ngak. Gun’gun’ ni gimed be tay ngomow, e bin rriyul’ riy e SOMOL e gimed be gun’gun’ nib togopluw ngak.”

Revelation 22:20

En ni ir e ke weliy e pin’ey ni urngin e ke ga’ar, “Riyul’! Dabki n’uw nap’an mu gub!” Nge par riy ni bod ni kamog. Moy, Somol Jesus!

Revelation 13:11

Ma aram mu gguy reb e gamanman nike yib ngalang u fithik’ e but’, ni bay e gagey rok nl’agruw ni bod e gagey rok ba pifak e saf, ma be non ni bod ba dragon.

Jude 1:16

Pi girdi’ nem e gubin ngiyal’ ni yad ma gun’gun’ ma yad be yin’ e kireb nga daken boch e girdi’; ma tin nib kireb ni be ar’arnag dowrad e yad ma fol riy; ma yad ma weliy murung’agrad ni yad e sororad; ma yad be pi’ boch e girdi’ ngalang ko thin ni fan e nge yag ngorad e tin yad be finey.

Daniel 11:36

“Pilung nu Syria e bayi rin’ nrogon ni ba’adag. Bayi ufanthin ngi i leamnag ni ir e ba ga’ ngak e pi got ngi i weliy ni kab tolang ngak fare Got ni Ir e Th’abi Tolang. Bay i par ni be rin’ nge mada’ ko ngiyal’ ni bayi pi’ Got e gechig ngak. Ma bayi rin’ Got e pin’en nike duwgiliy ni nge rin’.

Daniel 7:20

Ma gu ba’adag ni nggu nang murung’agen fa ragag i gagey ni bay u lolugen, nge gfa binem ni fini yib u tomur nge yib i pug dalip ko fapi gagey nge mul. Bay lanmit nge l’ugun ni be yog ni ir e sorok, ma be ufanthin. Kab tamdag ya’an ko fa tin ba’aram e gagey ni immoy.

Eklesiastes 12:14

I Got e ra pufthinnag urngin ngongoldad, ni tin ni bfel’ nge tin nib kireb, nge mus ko tin ni unrin’ nib mith.

Psalms 149:9

ngan gechignag e pi nam ni bod nike yog Got. Irera’, e gel ni fen pi girdi’en Got. Ke sorok SOMOL!

Psalms 94:4

Bu uw n’umngin nap’an ni nge par e pi’in ma kar’ oloboch nib tolngan’rad; ma yad ba uf ko pi oloboch ni yad be ngongliy?

Psalms 73:9

Yad be yog murung’agen Got nu tharmiy nga dalib, ma yad be yog u fithik’ e ufanthin e tin ni nge rin’ e girdi’ nu fayleng,

Psalms 37:6

me gagiyegnag pangim nib mat’aw nge gal ni bod ram’en e yal’ ni misiw’.

Psalms 31:18

Mu th’abgulungan e pi felfel’lugun nem — gubin e pi’in tolngan’ ma yad ba ufanthin ni yad be non ni yad be dariyfannag e pi’in nib mat’aw.

Psalms 139:20

Yad be yog bogi n’en nib kireb nib togopluw ngom; ma yad be yog e thin nib kireb nib togopluw nga fithingam.

Ezekiel 35:13

Kug rung’ag fiti lungun nib togopluw ngog.”