Jude 1:13 - Bible Ni Thothup

¹³ Yad bod e n’ew ni gagang’ ley u maday, ni be m’ug pangirad ni yima tamra’ ngay ni bod feni gagiyel e wuth ko n’ew. Yad bod e t’uf nma n’ag gil’, ma ke tay Got tagil’rad ni ngar pired u fithik’ e rumug ni yam’ ndariy n’umngin nap’an.

Jude 1:13 Referans Kwoze

2 Peter 2:17

Pi girdi’ nem e yad bod e alublub ndakir yib e ran riy, ma yad bod e manileng ni be yan nagrad e nifeng nib gel; i Got e ke tay tagil’rad ko gin nrib talumor.

Filippi 3:19

ni bay ranod ra musgad nga fithik’ e nifiy ni dabi math bi’id, ya n’en ni be ar’arnag dowdad e kemang got rorad, yad be uf ko tin ni ir e susun e ngar tamra’gad ngay, ma kemus ni tin nu roy u fayleng ban’en e ir e yad be leamnag.

Isaiah 57:20

Machane girdi’ nib kireb e yad bod e day nib mayko’, ni dar aw e mocha’ ko n’ew riy, ni be fek i yib e duwor nge rungdu’.

Psalms 65:7

Ga ma mocha’nag e day nike cham, nge lingan e n’ew ni be pil; ma ga ma gapasnag e wagey ni be tay e girdi’.

Revelation 20:10

Ma fare Mo’onyan’ ni ban nagrad e nin’ ngalan fare lipath i nifiy nge sulfur, ni ir e ka nin’ fare gamanman ngay nge fare profet ni yugu ban’en; ma aram e bay ni gafgow nagrad ni rran nge neap’ ndariy n’umngin nap’an.

2 Timothy 3:13

machane girdi’ nib kireb nge pi’in yad be dake girdi’en Kristus e bayi gel farad kireb ngu’ur ban niged boch e girdi’ ma yibe ban nagrad.

Revelation 21:8

Machane pi’in nra paged gag ni bochan e yad be rus, nge pi’in nda ur yul’yul’gad ngog, nge pi’in ur puwlaggad, nge pi’in nra thanged e pogofan, nge pi’in ni ur ngongliyed e ngongol ko darngal, nge pi’in ur piggad nge pi’in ni ur ted fan e liyos ma yad be meybil ngay, nge urngin e pi’in ur lifithed l’ugunrad e tagil’rad e fare lipath i nifiy ni be daramram ko sulfur, ni aram e bin l’agruw yay e yam’.”

Jude 1:6

Mu tafinay niged fapi engel nra thum’gad nga wuru’ i mat’wunrad ni pi’ Got ngorad, miyad pag e gin ni yad ma par riy: ke tayrad Got u fithik’ e llumor u ar nike m’agrad ko chen ni dabi m’ay bi’id yad be sonnag fare Rran ni ba ga’ ni ir e bay ni gechig nagrad riy.